Sofoni 3:17 - NYANMIƐN NDƐ'N 1998

¹⁷ Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Sofoni 3:17 ပူးပေါင်းရင်းမြစ်များ

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 18:14

?Like kun wo lɛ bɔ i yolɛ ti kekle man Anannganman nin-ɔn? N se kɛ afuɛ ng'ɔ ´ba lɔ bikisa'n, kɛ m ´ba'n, wuun Sara ɔ'a wu ba yasua kun .»

Bo Bolɛ 2:2

Kɛ cɛn nso'n ´ju'n, wuun Nyanmiɛn ɔ'a wie junman'n kwlakwla di. Ɔ man cɛn nso su'n ɔ deli wunmiɛn .

Jue Mun 147:11

Be nga be nyin yi Anannganman'n, bɔ be lafi i klun-ufue'n su'n, be yɛ bé wun yo i fɛ-ɔ.

Jue Mun 149:4

Afin Anannganman i nvlefuɛ'm bé ti, i klun ti jɔwa. Ɔ bu be nga be kan bé wun ase'n be sran, i ti ɔ de be.

Jue Mun 78:65

Kpɛkuun e min'n wa jasoli kɛ sran b'ɔ su lafi yɛ ɔ'a jaso sa, ɔ jasoli kɛ safunyrɛn wie bɔ ɔ'a nɔn nzan ɔ'a bo yɛ ɔ'a titi i nyin su sa.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 18:4

Afin Anannganman seli min kɛ yoo: «Kɛ n wo min tranwlɛ'n nun lɔ'n, n su keje-man mín wun, n ´nian sa nga be ´ju'n. N ´tran diin kɛ aunyɛyɛ b'ɔ ba wia kpa'n nun bɔ lika'n ɔ jran diin'n sa. N ´tran diin kɛ bɔlɛ ufue munnduun b'ɔ ba ble kpɛlɛ blɛ'n nun aunyɛyɛ nun'n sa.»

Ezai 63:1

?Wan yɛ ɔ fin Bɔzra b'ɔ ti Edɔm mɛn'n i famiɛn klɔ'n su lɔ ba-a, b'ɔ wla tralɛ ɔkwlɛ youun nin-ɔn? Ɔ wla tralɛ dan kun b'ɔ ti klanman kpa, ɔ ´nanti-ɔ, i ti'n man su, ɔ nanti fanngan su. Anannganman waan: «Min bɔbɔ-ɔ, min bɔ n kan ndɛ i nuan su nin-ɔn, min bɔ n lɛ sran'm be delɛ'n i wun fanngan nin-ɔn.

Ezai 63:12

Ɔ fɛli i sa b'ɔ yo nyɛnmɛn'n ɔ suannin Moiz i sa fama'n i bo. Ɔ kpacili nzue'n nun be nyrun, ɔ man ɔ nyannin dunman b'ɔ nunnun-man'n.

Ezai 65:19

Zerizalɛm klɔ sɔ'n i ti mín wun wa kpaja min, yɛ min nvle'n i nunfuɛ'm be ti n klun wa jɔ . Be su ti-man sunlɛ nin kpankpanlɛ lɔ kun.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 32:41

Kɛ n ´di be nɛnnɛn'n, n ´di i nin aklunjuɛ. N ´tu n klun yo kwlaa nga n ko yo nan b'a taka kpa mɛn nga nun'n.› »

Ndɛ Nga Nyanmiɛn I Nuan Ijɔfuɛ Oze Kannin'n 14:4

Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Zoɛl 2:21

Asiɛ'n sufuɛ mun, nán amun koko kun, man amun klun jɔ. Afin Anannganman'n su di junman dandan, i ti, man amún wun blibli amun.

Sofoni 3:15

afin amun wun ya nga Anannganman fali'n ɔ'a guɛ i ase, ɔ'a fuan amun kpɔfuɛ mun. Anannganman b'ɔ ti Izraɛl famiɛn'n, ɔ nin amun wo nun, nán srɛ kun amun, sayalɛ su nyan-man amun kun.

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Kalɛ 14:8

Sɛ Anannganman jran é sin-ɔn, ɔ ´fa e kɔ mɛn sɔ'n nun lɔ yɛ ɔ ´fa man ye. Mɛn sɔ'n, i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

JÉSUS-CHRIST I DYASIN FE'N BO LUC KLELI'N 15:32

Ɔ niaan ng'ɔ o yɛ'n, ɔ wuli, yɛ ɔ'a nyan nguan ekun, ɔ mlinnin yɛ y'a wun i ekun'n, ɔ man cɛn dilɛ nin aunblibliɛ sɔ'n be ti i su.› »

Jean 13:1

Jésus sili kɛ i mɛn'n nun wa tulɛ'n nin i Si sin kɔlɛ'n ɔ'a ju, i sin nan b'a bo Delɛ-cɛn'n dilɛ'n bo. Kɛ ɔ fin i bo bolɛ nun'n, Jésus klo i fuɛ nga be o mɛn'n nun'n, ɔ klo be lele guɛ i ti nin i bo.

Jean 15:11

N ´kɛn i sɔ kle amun nan amun klun ´jɔ kɛ n liɛ'n sa, yɛ amun klun ´jɔ lelele.

Mmla'n 23:15

Man amun ngblaliɛ'n yo saun, afin Anannganman amun Nyanmiɛn'n nin amun yɛ ɔ o lɛ-ɔ. I yɛ ɔ sasa amun-ɔn, i yɛ ɔ yo man amun nyan kwlalɛ amun kpɔfuɛ'm bé su-ɔ. Sɛ ɔ wun like ng'ɔ yo-man nyɛnmɛn'n, ɔ ´jaso amún sin.

Mmla'n 30:9

Anannganman amun Nyanmiɛn'n ɔ ´yo amun kpa, ɔ man amún sa nun ninnge'm be kwlaa be ´yo ye. Amun ´wu ba kpanngban, amun nnɛn'm be ´trɛ, amun fie'm be ´yo kpa. Ye kunngba nga Anannganman yoli amun nannan mun'n, yɛ ɔ ´yo amun-ɔn.

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.