Sofoni 3:16 - NYANMIƐN NDƐ'N 1998

¹⁶ Ɔ lɛ cɛn bɔ be ´se Zerizalɛmfuɛ mun kɛ yoo: «Siɔnfuɛ mun nán srɛ kun amun, nán amún sa sin bubu amun!

Sofoni 3:16 ပူးပေါင်းရင်းမြစ်များ

Zɔb I Nyrɛnnɛn Wunlɛ 4:3

Wɔ bɔ a kle sran sunman be ngwlɛlɛ'n, bɔ a wla be bɔ be kwla-man nun'n be fanngan'n,

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 44:2

Min Anannganman bɔ n yili amun'n, bɔ m boli amun falɛ nan b'a wu amun'n, bɔ n ti amun ukafuɛ'n, min wan yoo: «Zakɔb i osu'n nunfuɛ'm bɔ amun ti min sufuɛ mun'n, Izraɛlfuɛ mun bɔ n kpali amun'n, nán srɛ kun amun.

Ezai 54:4

Nyannzuɛn su kun-man amun, i sɔ'n ti nán amun klun titi amun. Amun su sokpa-man, i sɔ'n ti nán amún sa sin bubu amun. Amún wla wa fi nyannzuɛn bɔ amun wunnin i amun kaan nun'n i su. Yɛ amún wla su kpɛn-man nyannzuɛn bɔ amun wunnin i blɛ bɔ amun kacili kɛ angboti bla mun sa'n i su.

Zoɛl 2:21

Asiɛ'n sufuɛ mun, nán amun koko kun, man amun klun jɔ. Afin Anannganman'n su di junman dandan, i ti, man amún wun blibli amun.

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Zakari 8:15

Siɛn'n, m'an fa akunndan uflɛ. N wa yo Zerizalɛmfuɛ mun nin Zida osu wunmuan'n be kpa. I ti nán srɛ kun amun kun.

Jean 12:12

Kɛ aliɛ cɛnnin'n, sran kpanngban bɔ be bali Delɛ-cɛn'n i dilɛ'n, be tili kɛ Jésus su ba Zerizalɛm lɛ.

2 Korɛntfuɛ Mun 4:1

Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.

Galasifuɛ Mun 6:9

Nán man é sa sin bubu ye sa kpa yolɛ'n nun, afin sɛ y'a fɛ-man'n, cɛn wie e ´nyɛn i nuan like.

Efɛzfuɛ Mun 3:13

Ɔ man n ´srɛ amun kɛ, nán amún sa sin bubu amun nyrɛnnɛn nga n wun i amun ti'n ti, afin ɔ ti amun anyrunnyan like.

Hébreu 12:12

I sɔ'n ti, an `kpɛntɛn amún sa bɔ b'a kpɔ'n nin amún ja bɔ b'a nyan amun wun'n, be nun .

Sa nglô yile 2:3

An lɛ anwlɛn kpa, min ti an wunnin nyrɛnnɛn, sanngɛ amún sa sin a bubu-man amun.