Sofoni 3:15 - NYANMIƐN NDƐ'N 1998

¹⁵ afin amun wun ya nga Anannganman fali'n ɔ'a guɛ i ase, ɔ'a fuan amun kpɔfuɛ mun. Anannganman b'ɔ ti Izraɛl famiɛn'n, ɔ nin amun wo nun, nán srɛ kun amun, sayalɛ su nyan-man amun kun.

Sofoni 3:15 ပူးပေါင်းရင်းမြစ်များ

Bo Bolɛ 30:23

Ɔ wunnzɛli, ɔ wuli ba yasua kun. Kpɛkuun i waan: «Nyanmiɛn ɔ'a titi min nyrun nyannzuɛn'n.»

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 19:9

Sa nga Anannganman jran su kekle kɛ be yo be'n, be ti i su. Aklunjuɛ cɛ yɛ ɔ o sa sɔ'm be sin-ɔn. Nyanmiɛn i mmla'm be ti weiin, be yo man sran wun sa wlɛ.

Jue Mun 85:3

A sikeli ɔ sran'm bé ti su sa tɛ trɔ'n jinnin. A yacili bé wun sa'n cɛli be.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 51:22

Amun Min Anannganman Nyanmiɛn'n, b'ɔ jin i nvle'n nun sran'm be sin'n, i waan: «Min ya b'ɔ ti kɛ nzan b'ɔ bo sran sa'n, n ´de i onga b'ɔ ka'n amún sa nun. Amun su nɔn-mɛn i kun.

Ezai 52:9

Amun Zerizalɛmfuɛ kanngan nga amun ka lɛ'n, amun `bo sro likawlɛ! Afin Anannganman ɔ'a fɔnvɔ i nvle'n nunfuɛ mun, ɔ'a kpɔ Zerizalɛmfuɛ'm bé ti.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 60:18

Sa kekleekle tɛtɛ bɔ be yo'n, be su ti-man be ngan ɔ mɛn'n nun kun. Be su ti-man like sacilɛ'n i ngan ɔ nin awlaboɛ ndɛ mun ɔ́ mɛn'n nun kun. A wa tɔn talɛ ng'ɔ sin yia wɔ'n i dunman kɛ Bé Ti Nyanlɛ Talɛ. Yɛ a wa flɛ wɔ anuan'm be kɛ Nyanmiɛn i Manmanlɛ.

Ezai 65:19

Zerizalɛm klɔ sɔ'n i ti mín wun wa kpaja min, yɛ min nvle'n i nunfuɛ'm be ti n klun wa jɔ . Be su ti-man sunlɛ nin kpankpanlɛ lɔ kun.

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ezekiɛl 35:10

Kɛ bɔ a seli kɛ: «Izraɛl mɛn'n nin Zida mɛn'n be ´yo min liɛ'n yɛ e ´fa kaci e liɛ'n,» sanngɛ wuun Anannganman o lɛ'n,

Ezekiɛl 36:15

N ´yo man a su ti-man nvle-nvlefuɛ'm be nzowa kpɛlɛ'n kun. A su wun-man nyannzuɛn nvle-nvlefuɛ'm bé sa nun kun. Afin ɔ mɛn nun'n be su kun-man ba kanngan'm be kun.› » Anannganman Nyanmiɛn yɛ ɔ kan sɔ-ɔ.

Ezekiɛl 39:29

N su kaci-man min sin n ko si-man be kun, afin n wa fa min Wawɛ'n m ´man be.» Anannganman Nyanmiɛn yɛ ɔ kan sɔ-ɔ.

Ezekiɛl 48:35

Talɛ ng'ɔ sin yia klɔ'n i kwlaa i tɛnndɛn nun'n ɔ ´yo mɛtri akpi ngwlan (9.000). Kɛ ɔ fin lɛ'n, be wa flɛ klɔ'n kɛ: Anannganman'n Wo Lɛ .

Amɔs 9:15

N ´taka min nvle'n i lika laa'n nun. Be su fuan-man min sran mun be asiɛ nga n fa mannin be'n su lɛ kun. M bɔbɔ min Anannganman amun Nyanmiɛn'n, yɛ n kan ndɛ sɔ'n n kle amun-ɔn.»

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Abakik 2:17

Sa kekleekle nga an yoli be Liban lɔ'n, ɔ wa kaci ´tɔ amun bɔbɔ su. Nnɛn nga an kunnin be abɔlɛ kunlɛ'n, i ti amun wawɛ ´wanndi amun wun. Sa ti bɔ sa sɔ'n ´tɔ amun su'n, yɛlɛ sran bɔ an kunnin be beblebe'n, ɔ nin sa kekleekle nga an yoli i mɛn'm be nun nin klɔ'm be su, ɔ nin sran'm be su'n.

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Zakari 14:11

Be ´tran Zerizalɛm lɛ siɛn nin-ɔn be klun su ti-man be kun, be su kɛn-mɛn i nunnunlɛ ndɛ kun .

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 12:15

«Siɔn wa bla, nán srɛ kun wɔ. Nian, ɔ famiɛn'n su ba, ɔ fu aflunmun nga ɔ'a kpɛ cro'n kun su .»

Jean 19:19

Pilat klɛ ndɛ wie sieli waka'n su, ɔ klɛli i kɛ: «Jésus Nazarɛtfuɛ'n b'ɔ ti Zuif'm be famiɛn'n yɛ.»

Jean 5:30

«M bɔbɔ n kpɛ-man ń ti nun yo-man like fi, jɔlɛ i wafa nga Nyanmiɛn kle n kɛ n di su'n yɛ n di-ɔ. Ɔ man jɔlɛ nga n di'n ti nanwlɛ, afin nán m bɔbɔ n klun sa yɛ n ´klo kɛ n yo-ɔ, sanngɛ sran ng'ɔ sunmannin min'n i klun sa yɛ n yo-ɔ.

Sa nglô yile 12:10

Yɛ n tili sran kun nɛn kekle kpa nyanmiɛn su lɔ, sran sɔ'n ɔ seli kɛ: «Siɛn'n, Nyanmiɛn man sran'm b'a nyan bé ti, ɔ'a yi i famiɛn'n nin i kwlalɛ'n nglo. I Krist'n yɛ ɔ sie siɛn nin-ɔn. Afin e niaan'm be sanmanfuɛ b'ɔ sanman be Nyanmiɛn ja su wia nun nin kɔnguɛ'n, Nyanmiɛn ɔ'a kɛn i bo nyanmiɛn su lɔ .

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»

Sa nglô yile 7:15

I sɔ'n ti yɛ be jin Nyanmiɛn bia'n i nyrun lɛ be su i wia nun nin kɔnguɛ i sua nun nin-ɔn. Sran ng'ɔ ti bia'n su'n ɔ ´kata bé su.