Sofoni 3:1 - NYANMIƐN NDƐ'N 1998

¹ Nyin kekle klɔ, klɔ saciwa, klɔ bɔ i su kpɛnngbɛn'm be mianmian sran'n, n ´yo i yako!

Sofoni 3:1 ပူးပေါင်းရင်းမြစ်များ

Ezai 30:12

Amun `nian, Izraɛl Nyanmiɛn'n wan yoo: «Kɛ bɔ amun fa-man ndɛ nga n kan kle amun'n su'n, bɔ amun fa amún wla guɛ i akpo bolɛ nin gblɛgblɛ ninnge'm be su'n,

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Ezai 59:6

Ndɛnndɛn bɔ amun to'n, be kwla fa wu-man tannin nan se kɛ be ´kata. Amun yo sa nga be nin yolɛ fata-man'n. Yɛ amun fa amún sa be yo sa kekleekle bɔ be ti tɛtɛ'n mun.

Zeremi 22:17

Ɔ liɛ'n, like nga a ko nyan nun like'n, ɔ nin sran nga b'a yo-man sa'n be kunlɛ'n, ɔ nin sran mianmianlɛ'n, ɔ nin sa sukusuku'm be yolɛ'n kunngba cɛ yɛ ɔ́ wun kpɛ su-ɔ, yɛ ɔ ti wɔ like b'ɔ a klɔ i-ɔ.»

Zeremi 5:23

sanngɛ amun ti amun liɛ nvle kun bɔ amun ti-man lowa, amún nyin ti kekle. Sa'n i kan-an, wuun amu'an kaci amun sin, amun yɛ an ´kɔ lɛ.›

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Zeremi 6:7

I klunwi sa'n ɔ nyrɛn kɛ nzue ti b'ɔ nyrɛn viaa'n sa. I wun ndɛ nga be ti'n, i kwlaa ti sa tɛtɛ nin sran mianmianlɛ ndɛ ngunmin. Cɛn kwlaa a ´to ɔ́ nyin-ɔn, ɔ ti sran nga b'a bo be kannin ɔ nin nga be su fɛ'n be ngunmin.

Ezekiɛl 22:29

Sran'm be tɛtɛ yolɛ yɛ nvle'n i nunfuɛ'm be yo-ɔ. Be wua yɛ be bo nyrɛnnɛnfuɛ mun nin yalɛfuɛ'm be akpo. Like ng'ɔ ti-man bɔ be fa yo aofuɛ mun yɛ be fa yo be-ɔ.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Ezekiɛl 23:30

Sa ti bɔ be ´yo wɔ sɔ'n yɛlɛ kɛ a nin nvle-nvle mun amun boli tekle. Afin a yoli ɔ wun fiɛn be amuɛn fiɛnfiɛn'm be sɔlɛ'n nun.

Saun Yolɛ 1:16

Ɔ `tu i cenjeku'n, nan ɔ `to yi i min sɔwlɛ'n i lika ng'ɔ kpɛ wia afiliɛ lɔ nun kan be gua tɛ nnɛn nga be yrɛ'n i nzuɛn'n lɔ'n.

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Zakari 7:10

Nán an kle aika mma nin bla nga be ti angboti'm be yalɛ. Nán an kle aofuɛ nin yalɛfuɛ'm be yalɛ. Nán amun bu amun wiengu wun akunndan tɛ.»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»