Sofoni 2:8 - NYANMIƐN NDƐ'N 1998

⁸ «Nzowa nga Moabfuɛ'm be kpɛli min sran mun'n, asanse nga Amɔnfuɛ'm be dili be'n, n tili. Blɔlɛ nga be bɔbɔ be blɔ kɛ be lika liɛ'n i kpa tra Izraɛlfuɛ'm be lika liɛ'n, n tili.

Sofoni 2:8 ပူးပေါင်းရင်းမြစ်များ

Bo Bolɛ 19:37

Kpɛnngbɛn'n wuli ba yasua kun nan ɔ'a tɔn i dunman kɛ Moab. I yɛ ɔ ti Moabfuɛ nga be o lɛ ndɛ yɛ'n be nannan nin-ɔn.

Bo Bolɛ 19:38

Kaan'n kusu wuli ba yasua kun nan ɔ'a tɔn i dunman kɛ Bɛn-Ami. I yɛ ɔ ti Amɔnfuɛ nga be o lɛ ndɛ yɛ'n be nannan nin-ɔn.

Ezai 15:1

Sa ng'ɔ tɔli Moabfuɛ'm be su'n yɛ. Kɔnguɛ afiɛn kunngba bɔ be sacili Ar-Moab'n, ɔ kali lɛ nunnunnin. Kɔnguɛ afiɛn kunngba bɔ be sacili Kir-Moab'n, ɔ kali lɛ mlinnin sa weiin.

Ezai 16:6

E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 48:1

Moab liɛ'n yɛ. Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nɛbofuɛ'm be yako. Be yako, sa bɔ n ´yo be'n yɛlɛ be klɔ b'ɔ ´nunnun'n. B'a fa Kirzataim, i nunfuɛ'm be si-man wie se kun. Fiawlɛ klɔ sɔ'n, i nunfuɛ'm be si-man wie se kun. Be sa sin ɔ'a bubu be.

Zeremi 49:1

Amɔnfuɛ'm be jasin liɛ yɛ. Anannganman'n usa kɛ yoo: «?Ɔ ju sɛ ti yɛ man amuɛn nga be flɛ i Milkɔm ko fa Gadi fa yoli i liɛ nin-ɔn? ?Ɔ ju sɛ ti yɛ man Milkɔm i nvle'n ko fa Izraɛl klɔ mun fa yoli i liɛ nin-ɔn? ?Wuun wielɛ yɛ Izraɛl lɔfuɛ'm b'a wie ti-ɔ? ?Izraɛlfuɛ'm be ajalɛ nunfuɛ'm b'a wie ti-ɔ?»

Ngwlɛ Yilɛ 3:61

Nzowa nga be kpɛli min'n, Anannganman, a wunnin i. Gugulɛ tɛ nga be guguli mín wun'n, a wunnin i.

Ezekiɛl 21:28

Zerizalɛmfuɛ'm be liɛ be nyrun'n, wunnzue yilɛ'n, ti ndɛ ngbɛn-ngbɛn, afin nda nga be tali'n ti be su kwla yo-man be sa. Babilɔni famiɛn'n ´kpɛn be wla kɛ be fɔnnin nan be wa tra be lomuɛn kɔ .

Ezekiɛl 25:1

Anannganman seli min kɛ yoo:

Ezekiɛl 35:12

A wa si jrɛiin kɛ min Anannganman n tili Izraɛl oka'm bé wun ndɛ kainkain nga a kannin'n. A seli kɛ: ‹B'a tɔ srololo, b'a kaci é sa nun siɛn kɛ nnɛn yɛ b'a trɛ i sa.›

Ezekiɛl 36:2

Anannganman Nyanmiɛn wan yoo: ‹Amun kpɔfuɛ'm be srisrili amun, yɛ be seli kɛ: Siɛn'n, amun lalafuɛ oka'm b'a kaci e liɛ!›

Amɔs 1:13

Anannganman'n wan yoo: «Amɔnfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Be mɛn bɔ be kunndɛ kɛ ɔ trɛ'n i dunman nun ti be kpacili Galaad bla wunnzɛfuɛ'm be klun.

Amɔs 2:1

Anannganman'n wan yoo: «Moabfuɛ'm bé sa tɛtɛ nga b'a yo'n sɔnnin. Be yrali Edɔm famiɛn'n i owie'n kɔlikɔlikɔli. Ɔ man e nin be y'a nyɛn i.

Sofoni 2:10

Be tutre bɔ be dili'n, ɔ nin nzowa nga be kpɛli Anannganman b'ɔ sie mɛn wunmuan'n i sran mun'n, i su sa nga be ko nyɛn i'n, yɛ ɔ o lɛ-ɔ.

Zozie 5:9

Yɛ Anannganman seli Zozie kɛ: «Ndɛkɛn'n nyannzuɛn nga amun fa fin Ezipt'n, m'an yi i amun su.» I ti yɛ be flɛli lika sɔ'n kɛ Gilgal nin-ɔn. Dunman sɔ'n yɛ ɔ tɛ o i su lele ndɛ-ɔ.