Sofoni 2:7 - NYANMIƐN NDƐ'N 1998

⁷ I sɔ lika liɛ ng'ɔ o jenvie nuan lɔ'n, Zidafuɛ'm be ´fa be nnɛn'm be ´kɔ didilɛ lɔ, kpɛkuun nnɔsua be ´ko la Askalɔn sua'm be nun lɔ. Afin Anannganman be Nyanmiɛn'n ɔ wa nian be lika, ɔ ´fa be ´sie be osu laa'n nun .

Sofoni 2:7 ပူးပေါင်းရင်းမြစ်များ

Bo Bolɛ 50:24

Le kun Zozɛf seli i niaan'm be kɛ: «N su wa wu, sanngɛ n si kɛ Nyanmiɛn ɔ ´uka amun, ɔ ´fa amun kɔ mɛn ng'ɔ tali Abraam nin Izaak nin Zakɔb be nda kɛ ɔ ´fa man be'n nun.»

Jue Mun 80:14

Blo kɔkɔti'm be wa didi i nun ninnge mun, yɛ blo nnɛn'm be ´ko didi lɔ.

Jue Mun 85:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 11:16

I sran nga be kali lɛ'n, bɔ Asirifuɛ'm b'a yo-man be like'n, be ´nyan atin kun be ´sin nun. Ɔ ´yo kɛ Izraɛlfuɛ'm be liɛ'n sa. Laa bɔ be ´tu Ezipt lɔ'n, be nyannin atin kun be fali su.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 32:14

Famiɛn'n i awlo'n, b'a tu nun, klɔ'n bɔ i su ti wluwlu'n, sran fi nun-man su kun. Kpɔlɛ'n nin sasawlɛ sua'n b'a ka lɛ ngbɛn, be ´ka lɛ sɔ tititi. Lɛ yɛ blo aflunmun'm be kan ngowa-a, lɛ yɛ nnɛn'm be didi-ɔ.

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 31:7

Afin Anannganman'n wan yoo: «An `bo sro be man Zakɔb i osu'n nunfuɛ mun. An `bo sro be manman Anannganman b'ɔ ti mɛn'n kwlakwla bé su kpɛn'n. An `kpan Aleluya man be ti, an `se kɛ: ‹Anannganman, de ɔ nvle'n, de Izraɛlfuɛ nga be ka'n.› » Ndɛ nga Anannganman kusu kan'n yɛ:

Zeremi 32:44

Be ´yi sika be ´to fie, be klɛ i wun fluwa. Be ´fa lalofuɛ be ´fa be nzɔliɛ'n be ´sie i fluwa sɔ'n su be ´kɛtɛ i nuan wa. Be ´to i Bɛnzamɛn nvle'n nun, nin Zerizalɛm asa'n su, nin Zida klɔ'm be su, nin oka'n i su klɔ'm be su, nin tɔnun lika'm be nun, ɔ nin Negɛb lɔ klɔ'm be su. Afin n ´fa be nga be trali be lomuɛn ɔli'n m ´ba.» Anannganman'n yɛ ɔ kan sɔ-ɔ.

Zeremi 33:12

Anannganman b'ɔ sie mɛn wunmuan'n wan yoo: «Lika nga ɔ'a nunnun bɔ sran nin nnɛn fi nun-man nun'n, nnɛn sunianfuɛ'm be wa nyan be lika bɔ i nun yɛ nnɛn'm be ´la-a. Be ´nyan wie lika sɔ'n i klɔ dandan'm be su kusu.

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Zeremi 47:5

Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Ndɛ Nga Nyanmiɛn I Nuan Ijɔfuɛ Oze Kannin'n 6:11

«Zidafuɛ mun, amun liɛ'n, fɔ nga n ko fa n ko tu amun blɛ nga n ´fa min sran nga be yoli kanga mun m ´ba'n, m'an bu m'an sie.»

Abdias 1:19

Zidafuɛ'm be ´fa Edɔm mɛn'n i ngua ngua lɔ'n, be ´fa lika kpɛtɛkplɛɛ'n b'ɔ ti Filistifuɛ'm be nvle'n, yɛ be ´fa Samari b'ɔ ti Efraimfuɛ'm be asiɛ'n. Bɛnzamɛnfuɛ'm be ´fa Galaad mɛn'n .

Mise 2:12

Anannganman wan yoo: «Zakɔb osu nunfuɛ mun, n wa yiayia amun, n ´kan Izraɛlfuɛ nga be ka mun m ´bo nun. N ´tian amún nuan kɛ bua'm bɔ be o klangla nun'n sa, n ´tian amun nuan kɛ nnɛn bɔ b'a tian bé nuan be didiwlɛ nun'n sa. Amun `bo nzra dan kpa, amun `ijɔ kpa ekee!

Mise 4:10

Ɛɛn, an `kpita bé wun ase kɛ bla bɔ awuliɛ ɔ'a to i'n sa. Afin amun wa jaso klɔ'n su wa be ´ko la blo. Amun ´kɔ lele be ´ju Babilɔni lɔ kwlaa nan amu'an nyan amún ti, nan Anannganman'n ɔ'a de amun amun kpɔfuɛ'm bé sa nun.

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Sofoni 3:20

Blɛ sɔ'n nun'n, n ´ko fa amun m ´ba, n ´kan amun m ´bo nun, n ´wla amun sran nun, amun bɔbɔ amun ´wun i. N ´yo man amun ´nyan kɔmin, amun dunman'n ´fu, ɔ ´tru nvle'm be nun.» Anannganman'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 1:12

Sealtiɛl wa Zorobabɛl nin Zozadak wa Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be fali Anannganman be Nyanmiɛn'n i nuan su ndɛ ng'ɔ fa wlali i nuan ijɔfuɛ Aze nuan kɛ ɔ `kan kle be'n su. Ɔ man srɛ kunnin be Anannganman wun.

Ndɛ Nga Nyanmiɛn I Nuan Ijɔfuɛ Aze Kannin'n 2:2

I waan: «Se Sealtiɛl wa Zorobabɛl b'ɔ sie Zida'n, nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n, ɔ nin Izraɛlfuɛ nga'm be kwlaa kɛ:

JÉSUS-CHRIST I DYASIN FE'N BO LUC KLELI'N 1:68

«Izraɛl'm be Nyanmiɛn b'ɔ ti e Min'n, i kwla o, yɛlɛ kɛ ɔ'a niɛn i sran'm be osu, ɔ'a de bé.

JÉSUS-CHRIST I DYASIN FE'N BO LUC KLELI'N 7:16

Srɛ kunnin be kwlaa, be manmannin Nyanmiɛn be seli kɛ: «Nyanmiɛn nuan ijɔfuɛ dan kpa kun a fite ye afiɛn wa, yɛ Nyanmiɛn a niɛn i sran'm be lika.»

Sa nga bé yôli'n 8:26

E Min'n i anz kun kan kleli Filip kɛ: «Jao kɔ mɛn i ngua lɔ bue'n su atin b'ɔ fin Zerizalɛm lɔ kɔ Gaza aawlɛ'n nun lɔ'n su.»

Sa nga bé yôli'n 8:40

Be wunnin Filip kusu Azɔt lɔ. Kɛ ɔ fin lɛ'n, ɔ kannin ndɛ klɔ b'ɔ sinnin be su'n be kwlaa bé su lele ɔ fa juli Sezare.

Rɔmfuɛ Mun 11:5

I kunngba'n, kɛ e o yɛ'n kusu, be onga kaan kali lɛ bɔ Nyanmiɛn fali be i klun-ufue'n ti.

Rit I Wun Ndɛ 1:6

Ɔ ´ti-ɔ, be waan Anannganman nin i nvle'n be o nun, nan aliɛ ɔ'a fite lɔ siɛn'n. Yɛ ɔ ´jaso Moab mɛn'n nun lɔ ɔ ´kɔ-ɔ, ɔ nin i sewi mun.