Sofoni 2:5 - NYANMIƐN NDƐ'N 1998

⁵ Amun bɔ an fin Keret, bɔ an tran jenvie'n nuan'n, amun yako! Afin amún wun ndɛ nga Anannganman'n ɔ'a kan'n, ɔ ti-man blɛblɛ. I waan: «Kanaan bɔ a ti Filistifuɛ'm be mɛn'n, n ´nunnun wɔ, n ´nunkun ɔ́ su sran'n kwlaa.

Sofoni 2:5 ပူးပေါင်းရင်းမြစ်များ

Ezai 14:29

Amun Filistifuɛ mun kwlaa, nán amun klun jɔ waka nga be fa boli amun'n i bubulɛ bɔ ɔ'a bubu'n ti! Yɛlɛ kɛ ɔnda ´fite wuo'n i osu'n nun, yɛ dragɔn b'ɔ tu'n, ɔ ´fin i nun fite.

Ezai 14:30

Be nga be lɛ-man like'n, bé wa klikli'm be ´nyan like be ´di, yɛ be nga be ti yalɛfuɛ'n, sa tɛ fi su nyan-man be. Sanngɛ amun Filistifuɛ mun, awe'n ɔ ´kun amun osu'n nunfuɛ mun, yɛ amun nun sran nga be ´ka lɛ'n, be ´kun be.

Zeremi 47:7

Anannganman ɔ'a se i kɛ: ‹Kɔ ko kun Askalɔn nin jenvie nuan su lɔfuɛ mun. ?B'ɔ nian wie-mɛn i sɔ junman liɛ'n di nin-ɔn, ɔ jran lo wunmiɛn sɛ yɛ ɔ yo ye-ɔ?› »

Ezekiɛl 25:16

I sɔ'n ti, Anannganman Nyanmiɛn wan yoo: Min yɛ, n wa yi n kwlalɛ bɔ n kwla'n i nglo, e nin Filistifuɛ mun e wa nyɛn i. N ´nunnun Kaftɔrfuɛ nga be ka jenvie'n i nuan kpɔlɛ'n su lɔ'n.

Amɔs 3:1

Izraɛlfuɛ mun, an `tie, amun bɔ Anannganman'n fali amun Ezipt lɔ bali'n, an `tie amún wun ndɛ ng'ɔ o i klun'n:

Amɔs 5:1

Izraɛlfuɛ mun, an `sie amún su be `tie amún wun sɛ jue nga n ´to i yɛ'n.

Sofoni 1:11

«Amun nga amun tran ngua lɔ'n, an `bo awuyomo, afin aata difuɛ'm be kwlaa be su wa wu, sika kunndɛfuɛ'm be kwlaa bé ja su wa mlin be bo asiɛ'n su.

Sofoni 3:6

«N nunnunnin nvle wie mun mlɔnmlɔnmlɔn, be sasawlɛ sua mun bɔ be ti nglo sua'n, bɔ be o klɔ'm be cɔnjɔ'm be su'n, m bubuli be. Be akpɔ'm be tɔli srololo, m bubuli be klɔ mun, sran fi ijɔ-man be su kun.

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Marc 12:12

Kɛ be wunnin i wlɛ kɛ be ti yɛ Jésus buli nyanndra sɔ'n, be waan be ´trɛ i, sanngɛ sran'm bé wun srɛ ti be yacili i lɛ, be jaoli i wun lɛ be ɔli.

Zozie 13:2

Lika sɔ mun yɛ: Filistifuɛ'm be lika'm be kwlaa, ɔ nin Gersirfuɛ'm be lika

Zozie 13:3

b'ɔ fɛ i Ezipt nuan su, Siɔn nzue ba nuan'n, lele fa ju Ekrɔn b'ɔ o nglo lɔ lika nun'n. Lika sɔ'm be ka be wla Kanaan lika'n nun. Filistifuɛ'm be kpɛnngbɛn nnun'n: Gaza liɛ'n, Asdɔd liɛ'n, Askalɔn liɛ'n, Gat liɛ'n, ɔ nin Ekrɔn liɛ'n, lika sɔ'n ti be liɛ.

Jɔlɛ Difuɛ Mun 3:3

Nvle sɔ mun yɛ: Filistifuɛ'm be famiɛn diwlɛ nnun mun, Kanaanfuɛ'm be kwlaa, ɔ nin Sidɔnfuɛ mun, ɔ nin Evfuɛ nga be o Liban oka-oka'n nun mun ɔ fɛ i Baal-Ɛrmɔn oka'n su lele fa ju Amat klɔ'n i wun lɔ.

1 Samiɛl 30:14

Ɔ nian cɛ-man ngboko, e ko tɔli Keretfuɛ'm be lika ng'ɔ o ngua lɔ'n, nin Zidafuɛ mun, yɛ Kalɛbfuɛ mun be su. E wɔli Ziklag klo'n nun.»