Sofoni 2:15 - NYANMIƐN NDƐ'N 1998

¹⁵ «Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Sofoni 2:15 ပူးပေါင်းရင်းမြစ်များ

Zɔb I Nyrɛnnɛn Wunlɛ 16:4

Sɛ amun yɛ sa ng'ɔ o min su yɛ'n wo amun su'n, wuun n ´kan ndɛ wafa nga amun ´kɛn i lɛ'n wie, wuun n ´ijɔ amun su kpanngban wie, wuun n ´keje n ti'n annvɔ bɔ amun ´yo min'n ti,

Zɔb I Nyrɛnnɛn Wunlɛ 27:23

Kɛ sran'm be wun i sɔ'n, i fɛ b'ɔ yo be'n ti, ɔ kle be ndɛ bolɛ, yɛ be bo feliman.

Ezai 22:2

amun bɔ amun klɔ'n i nun ti sran ngunmin'n, bɔ i nun ti wluwluwlu'n, bɔ be kan ngowa nun klanman'n? Amun sran nga like yoli be'n, nán tokofi yɛ be fa yoli be like sɔ nin-ɔn. Nán alɛ nun yɛ be ´wu-ɔ!

Ezai 32:11

Amun bla mun bɔ amun bu i kɛ amu'an nyan amun ti'n, man srɛ kun amun. Amun bla mun bɔ amun fa amun wla gua amun bɔbɔ su'n, amun `usu. Amun `yi amún wun tralɛ'n gua, amun `kpa amún wun, amun `fa tannin b'ɔ ti sɛ nzɔliɛ like'n `ci amun afiɛn.

Ezai 32:14

Famiɛn'n i awlo'n, b'a tu nun, klɔ'n bɔ i su ti wluwlu'n, sran fi nun-man su kun. Kpɔlɛ'n nin sasawlɛ sua'n b'a ka lɛ ngbɛn, be ´ka lɛ sɔ tititi. Lɛ yɛ blo aflunmun'm be kan ngowa-a, lɛ yɛ nnɛn'm be didi-ɔ.

Ezai 32:9

Amun bla mun bɔ amun bu i kɛ amu'an nyan amun ti'n, amun `jaso nan amun `tie ndɛ nga n kan'n! Amun talua mun bɔ amun fa amun wla gua amun bɔbɔ su'n, amun `fa amun su sie min nuan bo!

Ezai 47:10

A lafili ɔ klunwi'n su, a seli kɛ: ‹Sran fi wun-man min.› Ɔ ngwlɛlɛ'n nin ɔ silɛ'm be lakali wɔ. A seli ɔ klun lɔ kɛ: ‹M bɔbɔ min'n, sran fi nin min sɛ-man.›

Zeremi 18:16

B'a yo man kɛ a wun be mɛn'n sa-a, ɔ yo sro, sran'm be yaci-mɛn i finfin yolɛ, be kwlaa nga be sin lɛ'n, be nuan bo bé wun, yɛ be keje be ti sɛkɛsɛkɛsɛkɛ.

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 50:13

Anannganman ɔ'a fɛ i wun ya. I ti sran tran-man nun kun. I ti ɔ ´kaci flɛnnɛn! Sran nga be ´sin Babilɔni'n, kɛ be wun sa ng'ɔ juli i su'n, be ´yo i finfin. Kɛ be wun sacilɛ bɔ ɔ'a saci'n, be srisri i.

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 2:1

E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Ngwlɛ Yilɛ 2:15

Be kwlaa nga be sin wa'n, kɛ bé wun ɔ sacilɛ bɔ ɔ'a saci'n, ɔ yo be fɛ, be bo ndɛ. Srilɛ'n yɛ be sri wɔ-ɔ. Be keje be ti'n yɛ be usa kɛ: «?Zerizalɛm klɔ nga be blɔ i klanman beblebe'n, b'ɔ ti asiɛ'n wunmuan'n i cenjele like'n, yɛ ɔ'a yo yɛ?»

Ezekiɛl 27:36

Be nga be di aata bɔ be tran nvle-nvle'm be nun'n, be fɛfɛ ɔ dunman nun. W'a kaci kɛ like kun bɔ be wun i-ɔ srɛ kun be'n sa. W'a kaci kɛ like sroesroe sa. W'a nunnun mlɔnmlɔn.› »

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Ezekiɛl 28:9

?Sran ng'ɔ su ba ɔ kunlɛ'n, a kwla ´se i ekun kɛ a ti kɛ Nyanmiɛn sa? A wa ka sran su sa titi, a su yo-man kɛ Nyanmiɛn'n sa le sran nga b'ɔ kun wɔ'n i sa bo.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Naɔm 3:19

Ɔ sacilɛ nga w'a saci yɛ'n, be yo wɔ sa fi-ɔ, ɔ yo-man ye kun. Kannin nga ɔ'a tu wɔ yɛ'n, ɔ ti ɔ wie like. Sa nga bɔ ɔ'a nyan wɔ bɔ a la nyrɛnnɛn nga nun yɛ'n, be kwlaa nga be ti i sɔ ndɛ'n, be ´bo ndɛ. Afin sran fi nun-man lɛ bɔ w'a yo-mɛn i tɛ w'a flan-man nun-ɔn.»

Abakik 1:7

Be yo sro tɛ kpa, be tu-man bé wun ngowa, be lɛ be tiaun mmla yɛ be nanti su-ɔ.

Matthieu 27:39

Be nga be ´sin lɛ'n, be di i tɛ, be kpukpu bé ti nun , be se kɛ: