Sofoni 2:13 - NYANMIƐN NDƐ'N 1998

¹³ Anannganman nin be nga be o mɛn'n i nglo lɔ lika liɛ nun'n be ´yia nun. Ɔ ´nunnun Asiri, ɔ ´yo man Niniv ´nunnun, ɔ ´kaci aawlɛ flɛnnɛn, ɔ su yo-man like ye.

Sofoni 2:13 ပူးပေါင်းရင်းမြစ်များ

Ezai 10:12

Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 10:16

I sɔ'n ti, Nyanmiɛn Kpli'n, Anannganman b'ɔ sie mɛn wunmuan'n, ɔ man Asiri famiɛn'n i sran mun bɔ be wunnɛn o nun'n, be ´yo koklo, yɛ i sran kpakpa mun'n, like wie ɔ ´jue be afiɛn, ɔ ´yra kɛ sin sa.

Ezai 10:5

Asirifuɛ'm bɔ be ti kɛ min nyantiaan sa'n, be yako! Waka'n b'ɔ o bé sa nun'n, yɛ n ´fa di min ya'n i su junman-an.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 14:26

Like nga Anannganman ɔ'a fua kɛ ɔ ´fa yo asiɛ wunmuan'n i sufuɛ mun'n yɛ ɔ o lɛ-ɔ. Sa nga i waan ɔ ´fa wlɛ i nvle-nvle'm be nunfuɛ'm be kwlaa be nun'n yɛ ɔ o lɛ-ɔ.

Ezai 37:37

Yɛ Sankerib b'ɔ ti Asiri famiɛn'n ɔ jasoli lɛ-ɔ. Ɔ sɛli i sin ɔli Niniv ko trannin lɔ. Le kun b'ɔ koto i amuɛn bɔ be flɛ i kɛ Nisrɔk'n i sua'n nun lɔ, kpɛkuun i wa Adramelɛk nin Sarɛzɛr be ko kunnin i nin tokofi, nan b'a wanndi b'a ɔ Ararat mɛn'n nun lɔ. Nan i wa Ezar-Adɔn ɔ'a yo famiɛn ɔ'a sin i osu.

Zeremi 49:33

«Azɔr klɔ'n ɔ ´kaci nsoso'm be tranwlɛ. Ɔ ´saci mlɔnmlɔn, ɔ su sin-mɛn i osu kun. Sran fi su tran-man su kun. Klɔ sran kun sa su tran-man su kun.»

Zonas 1:2

«Jaso kɔ Niniv, kɔ klɔ dan sɔ'n su lɔ. Kan ndɛ cinnjin ng'ɔ o yɛ'n weiin kle lɔfuɛ mun: Ninivfuɛ'm be nzuɛn tɛ'n ɔ'a flan min.»

Zonas 3:2

«Jaso kɔ Niniv, kɔ klɔ dan'n sɔ su lɔ. Ndɛ nga n ´fa wla ɔ́ nuan yɛ'n, bo i ndolo kle lɔfuɛ mun.»

Mise 5:6

Zakɔb osu nunfuɛ nga be ka lɛ'n be ti'n, nvle kpanngban nga Izraɛlfuɛ sɔ'm be wo be afiɛn'n be yo kpa, kɛ ninnge bɔ bɔlɛ gua be su'n sa. Izraɛlfuɛ sɔ'm be ti nvle kpanngban sɔ'm be ´yo kɛ ijre bɔ nzue tɔ su'n sa. Nán sran yɛ man nzue sɔ'n tɔ-ɔ, i bɔbɔ i klun klo yɛ ɔ tɔ-ɔ .

Naɔm 1:1

Niniv klɔ'n i wun ndɛ nga bɔ Anannganman fa wlali Naɔm b'ɔ fin Ɛlkɔs, i nuan kɛ ɔ kan'n yɛ. Aolia nun yɛ Nyanmiɛn kan ndɛ sɔ'n kleli i-ɔ.

Naɔm 3:15

Sanngɛ amun ´wu. Sɛ sin ɔ'a di-man amun'n, tokofi yɛ ɔ ´di amun-ɔn. Be ´di amun kɛ aɛcɛ'm be su di nnya sa. Amun sran'm be tian bé nuan kɛ lalo mun sa.

Naɔm 3:7

Sran kwlaa ng'ɔ wun wɔ'n, ɔ ´wanndi. Kpɛkuun ɔ usɛ i wun kɛ yoo: «?Nan bolɛ nga Niniv ɔ'a bo yɛ'n, wan li cɛ yɛ ɔ ´koko i-ɔ? ?Nin yɛ be ´nyan wɔ anwlɛn su nzue guafuɛ-ɔ?»

Sofoni 1:4

«Zida nvle'n nin Zerizalɛmfuɛ mun be wa wun min. Baal wun ninnge ng'ɔ ka wa'n, n ´yi, i sufuɛ nin i nyrun jranfuɛ'm be dunman liɛ'n ´mlin mlɔnmlɔnmlɔn.