Sofoni 2:11 - NYANMIƐN NDƐ'N 1998

¹¹ Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Sofoni 2:11 ပူးပေါင်းရင်းမြစ်များ

Bo Bolɛ 10:5

Be bo mma mun yɛ be ko trannin mɛn nga be o jenvie'n nuan'm be nun nin-ɔn. Kɛ be ´tran'n, be trantrannin nvle-nvle nin akpasua-akpasua.

Jue Mun 138:4

Anannganman, kɛ asiɛ'n su famiɛn'm be ´ti ɔ́ nuan ndɛ'n, be kwlaa be ´manman wɔ.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Ezai 2:18

Amuɛn wie fi su ka-man lɛ.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 49:1

Amun nga amun tran lika nga be o jenvie nuan mmua lɔ'n, amun `tie ndɛ nga n kan'n! Amun nga amun tran mmua-mmua lɔ'n, amun `sie amún su kpa! Kɛ n tɛ o mín nin klun lɔ'n, yɛ Anannganman flɛli min-ɔn. Kɛ n fin mín nin klun n fiteli cɛ'n, yɛ ɔ boli min dunman-an.

Zeremi 10:11

«An `se be kɛ yoo: ‹Ninnge sɔ'm bɔ nán be yɛ be yili nglo lɔ nin asiɛ'n, be ´nunnun asiɛ'n su. Be su wun-man be kun.› »

Zeremi 46:25

Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n wan yoo: «N tɛ bu amuɛn nga be flɛ i Amɔn'n i fɔ. Yɛ Ezipt mɛn'n nin i amuɛn mun, ɔ nin i famiɛn mun, n ´tu be fɔ. Ezipt famiɛn'n nin sran nga be fa bé wla guɛ i su'n, n ´tu be fɔ.

Daniɛl 11:18

I sin ɔ wa kpɛ i nyin lika nga be o jenvie'n i afiɛn lɔ'm be su. Ɔ wa kwla be nun kpanngban kpa, sanngɛ sonja'm be kpɛnngbɛn kun wa bu i bue, yɛ nzowa ng'ɔ kpɛli'n, be wa tannin i kalɛ be ´mɛn i.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Sofoni 1:4

«Zida nvle'n nin Zerizalɛmfuɛ mun be wa wun min. Baal wun ninnge ng'ɔ ka wa'n, n ´yi, i sufuɛ nin i nyrun jranfuɛ'm be dunman liɛ'n ´mlin mlɔnmlɔnmlɔn.

Sofoni 3:9

«Kpɛkuun n ´kaci nvle-nvle'm be nunfuɛ'm be anwlɛn'n, ndɛ tɛ su fin-man bé nuan fite-man kun. Ɔ man be ´su min Anannganman. Be kwlaa bé bo ´yo kun be ´srɛ min.

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Zakari 8:20

Anannganman b'ɔ sie mɛn wunmuan'n wan yoo: «Nvle uflɛ mun nin klɔ uflɛ sufuɛ'm be wa tran Zerizalɛm wa kaka kpa.

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Malasi 1:14

Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Mmla'n 32:38

Amuɛn sɔ mun'n, be yɛ amun yi tɛ man be nin-ɔn, be yɛ amun gua nzan man be nin-ɔn. ?Be o nin? Be `jaso nan be `de amun e! Be `jaso nan be `sasa amun e!

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»