Sofoni 2:1 - NYANMIƐN NDƐ'N 1998

¹ Amun bɔ amun si-man nyannzuɛn'n amun `kan amun anwlɛn'n i ase nan amun `bu akunndan kpa,

Sofoni 2:1 ပူးပေါင်းရင်းမြစ်များ

2 Be Nyoliɛ 20:4

Zidafuɛ'm be fin Zida klɔ'm be kwlaa be su be wa yiali kɛ be ´srɛ Nyanmiɛn nan ɔ uka be.

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Neemi 9:1

Anglo kunngba'n i le ablaɔn-nin-nnan'n su, Izraɛlfuɛ'm be yiali kɛ be ´ci nglɛmun. Be wlali bajɛ tralɛ, be fali ndutre utuli bé ti'n su.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zoɛl 1:14

Amun `kle nglɛmun cilɛ blɛ kun. Amun `flɛflɛ amun wun nan an `yia anyia dan kpa kun. Amun `yia ngbɛn mun ɔ nin klɔ'n su sran'm be kwlaa Anannganman i sua'n nun lɔ nan an `srɛ tantrantan kpa kɛ ɔ ´de amun.

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»