Sofoni 1:9 - NYANMIƐN NDƐ'N 1998

⁹ I sɔ cɛn liɛ nun'n, be bɔ be ju Nyanmiɛn sua'n i anuan'n nun bɔ be tu be tra i tiaan nga be fa wlu nun lɔ su'n, kɛ sran bɔ be si-man Nyanmiɛn'n be sa'n, n ´tu be fɔ. Be nga bɔ b'a fa awie'n nin sa tɛtɛ yolɛ'n b'a fa nyan bé wun, bɔ i sɔ ninnge'm b'a yi be amuɛn sua mun piɛ'n, n ´tu be fɔ.

Sofoni 1:9 ပူးပေါင်းရင်းမြစ်များ

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Nyanndra Mun 29:12

Sɛ be kpɛ gblɛ be kle kpɛnngbɛn kun nan ɔ fa su'n, san klunwifuɛ'm be ngunmin yɛ be mɛntɛn i-ɔ.

Zeremi 5:27

Bé sua'n ti kɛ anunman sua bɔ anunman'm b'a yi i'n sa. Awie ninnge'm b'a yi bé sua'n. Nga be fa nyannin bé wun'n b'ɔ man b'a yo sran dan'n yɛ ɔ o lɛ-ɔ.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Zakari 5:6

Yɛ n usɛli i kɛ: «?Nguɛ yɛlɛ sɔ'n?» I waan: «Gbogbo-ɔ. Mɛn'n nun sa tɛ'n kwlaa nga be yoli'n wo nun.»

Sa nga bé yôli'n 16:19

Kɛ afanniɛn sɔ'n i min'm be wunnin kɛ like ng'ɔ yo bɔ be fa nyan sika'n, ɔ kwla yo-mɛn i kun'n, be fa Pɔl nin Silas ɔli gua su lɔ klɔ kpɛnngbɛn'm bé ja su.

Jɔlɛ Difuɛ Mun 19:27

I wun tinngeli nglɛmun, kɛ ɔ ´tike anuan'n nan ɔ ´fite kɔ i nyrun'n, ɔ ´nian-an i soman'n yɛ ɔ la yɛ i sa'n gua anuan'n nun sɛsɛsɛ.

1 Samiɛl 5:5

I ti yɛ Asdɔd lɔ'n, lele ndɛ, Dagɔn nyrun jranfuɛ'm be nin be kwlaa nga be wlu Dagɔn sua nun'n, be tia-man anuan nun kun nin-ɔn.