Sofoni 1:6 - NYANMIƐN NDƐ'N 1998

⁶ Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Sofoni 1:6 ပူးပေါင်းရင်းမြစ်များ

2 Samiɛl 22:22

Afin n fa Anannganman i atin'n su seiin, m'an fɔn-man min Nyanmiɛn'n i wun.

2 Be Nyoliɛ 15:13

Be kɛnnin i kɛ, sɛ sran kun, bakan o, kpɛnngbɛn o, yasua o, bla o, ɔ fɛ-mɛn i wun mantan-man Anannganman b'ɔ ti Izraɛl Nyanmiɛn'n, be ´kun i.

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 125:5

Be nga be fa atin klɛklɛ'm be su'n, be liɛ'n, fuan be man be wɔ be nga be yo-man sa i nuan su'n be sin. Man Izraɛlfuɛ'm bé wun jɔ be fɔuun!

Jue Mun 36:3

Ɔ bu i wun sran dan ti ɔ kwla wun-man sa tɛ ng'ɔ yo be mun nan se kɛ ɔ ´kpɔ be.

Ezai 1:4

Nvle b'ɔ ti sa tɛ yofuɛ, nvle bɔ sran kunlɛ'n ti i nzuɛn'n, nvle bɔ i nunfuɛ'm be ti kakajefuɛ ngunmin kokoko'n, amu'an wie wu mlɔnmlɔnmlɔnmlɔn, amun yako! Amu'an yi min Anannganman min ase, amu'an yo min bɔ n ti Izraɛl i Nyanmiɛn kunngba'n min finfin, amu'an kaci amun sin b'a si min.

Ezai 43:22

Anannganman waan: «Ee! Zakɔb osu'n nunfuɛ mun, nán min yɛ amun kpan flɛli min-ɔn! Afin Izraɛlfuɛ mun, n flannin amun!

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Zeremi 10:25

Be ng'ɔ fata kɛ ɔ ya dan'n tran be su'n, yɛlɛ mɛn nga be si-man wɔ'n, yɛlɛ minniɛn nga be bo-man ɔ dunman'n. Afin be su fɛn ɔ nvlefuɛ'm be bo ninnge mun. Be su saci be tranwlɛ'n, be su nunnun be.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Ezekiɛl 3:20

Sɛ sran kpa kun yaci sa kpakpa'm be yolɛ nan ɔ yo sa tɛtɛ mun'n, n ´suɛ i bo aya, kpɛkuun ɔ ´wu. Sɛ w'a se-mɛn i kɛ ɔ `kaci i sa'n, ɔ ´wu i sa tɛ nun. I sa kpakpa ng'ɔ yoli be laa'n, mín wla su kpɛn-man bé su kun. Yɛ wɔ yɛ e nin wɔ e lɛ i-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:10

Izraɛlfuɛ'm be tutre bɔ be di'n ɔ'a saci bé wun. Izraɛlfuɛ'm b'a sa-man bé sin min Anannganman bɔ n ti be Nyanmiɛn'n mín wun. I kwlaa sɔ nun'n b'a usa-man min osu.

Ndɛ Nga Nyanmiɛn I Nuan Ijɔfuɛ Oze Kannin'n 7:7

Kɛ b'a lo klakla'n, wuun be su kun be su kpɛnngbɛn mun. Kɛ be famiɛn'm be tɔ kunngun sa! Sanngɛ be nun kun sa kpan flɛ-man min kɛ n `de be le.

Sofoni 3:2

Be kan ndɛ be kle i-ɔ, ɔ guɛ i su sin, be kle i ngwlɛlɛ-ɔ, ɔ fɛ-mɛn i su sie-mɛn i bo, ɔ fɛ-mɛn i wla gua-man Anannganman su.

Rɔmfuɛ Mun 3:11

Be nun kun sa fɛ-mɛn i wun mantan-man Nyanmiɛn.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Zozie 23:12

Sɛ amun kaci amún sin si i nan amun fa amun wun fa mantan nvle nga be tɛ o amun afiɛn'n, sɛ amun ja be mma mmla mun'n, sɛ amun sanngan be nun nan amun fa be sanngan amun nun'n,

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.