Sofoni 1:4 - NYANMIƐN NDƐ'N 1998

⁴ «Zida nvle'n nin Zerizalɛmfuɛ mun be wa wun min. Baal wun ninnge ng'ɔ ka wa'n, n ´yi, i sufuɛ nin i nyrun jranfuɛ'm be dunman liɛ'n ´mlin mlɔnmlɔnmlɔn.

Sofoni 1:4 ပူးပေါင်းရင်းမြစ်များ

2 Famiɛn Mun 21:13

N wa nunnun Zerizalɛm kɛ n fa nunnunnin Samari nin Akab i awlo'n sa. N wa utu Zerizalɛm'n nyin ase kɛ kpongbo bɔ be wunnzin nun wie kpɛkuun be utu i nyin ase'n sa.

2 Famiɛn Mun 23:12

Ɔ bubuli amuɛn sɔwlɛ nga be o Akaz i nglo sua'n i ti su gbagblagba'n su'n. Zida famiɛn mun yɛ be yoli amuɛn sɔwlɛ sɔ mun-ɔn. Ɔ bubuli amuɛn sɔwlɛ nga Manase kplannin be Anannganman i sua'n i awlo klun nnyɔn'm be nun'n. Ɔ fufuli be nun kan be kplan lɛ'n, kpɛkuun ɔ isali ninnge nga be fufuli be nun'n, ɔ ko guali be Sedrɔn kongo'n nun lɔ.

2 Be Nyoliɛ 34:4

Be bubuli amuɛn nga be flɛ be Baal'n be sɔwlɛ mun i bɔbɔ nyrun lɛ. Yɛ ɔ bubuli ansans yrawlɛ mun nin waka nga be kplan be bɔ be sɔ be'n, ɔ nin amuɛn wafa-wafa'n kwlaa. Ɔ fufuli i kwlaa sɔ nun ɔ yoli sanmlɛn. Be nga be yili sraka mannin amuɛn sɔ mun'n, ɔ fali sanmlɛn sɔ'n ko guali be ndia'n su.

Ezipt Lɔ Tulɛ'n 15:12

A mannin ɔ́ sa fama'n su, kpɛkuun asiɛ'n ɔ'a mɛn be nga be fuan ye mun.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 6:12

Bé sua'm be ´yo sran uflɛ'm be liɛ. Be fie mun nin bé yi mun be ´yo sran uflɛ liɛ wie. Mín sa ´kan mɛn nga nunfuɛ'm be kwlaa.» Anannganman'n yɛ ɔ kan sɔ-ɔ.

Ezekiɛl 25:7

I sɔ'n ti, amun `nian, n wa yi min kwlalɛ bɔ n kwla'n i nglo. E nin amun e wa nyɛn i. N ´fa amun n wla nvle-nvle'm bé sa nun. Be ´fɛn amun bo ninnge'm be kwlaa. Amun nvle'n ´nunnun mlɔnmlɔn. N ´saci amun, yɛ amun wa si jrɛiin kɛ min yɛ n ti Anannganman nin-ɔn .› »

Ezekiɛl 6:14

N ´yi min kwlalɛ bɔ n kwla'n i nglo bé su, kpɛkuun n ´kle be nun. N ´saci be mɛn'n i lika nga sran'm be tran lɛ'n, be kwlaa be ´tɔ sa srololo, sran su tran-man nun kun. Ɔ ´bo i bo ngua lɔ aawlɛ flɛnnɛn'n nun lɔ lele ɔ ´fa to klɔ nga be flɛ i Ribla b'ɔ o mɛn'n i nglo lɔ lika'n nun'n. Sran'm be kwlaa be wa si jrɛiin kɛ min yɛ n ti Anannganman nin-ɔn.› »

Ndɛ Nga Nyanmiɛn I Nuan Ijɔfuɛ Oze Kannin'n 10:5

Samarifuɛ'm be yɛyɛ sika ɔkwlɛ nannin ba ng'ɔ o Bɛt-Avɛn lɔ'n. Samarifuɛ'm be yo bé wun aunnvuɛfuɛ amuɛn sɔ'n dunman nun, Be nga be tɔn bé wun suɛn kɛ be ti sraka yifuɛ'n, be sro i dan, be usu i nyrun. Sanngɛ nga be ´yo i lɛ'n ti ngbɛn. San ɔ ´tu lɛ.

Mise 5:13

N ´tutu yɛbuɛ nga an taka be mun, n ´nunnun amun klɔ mun .

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Sofoni 2:13

Anannganman nin be nga be o mɛn'n i nglo lɔ lika liɛ nun'n be ´yia nun. Ɔ ´nunnun Asiri, ɔ ´yo man Niniv ´nunnun, ɔ ´kaci aawlɛ flɛnnɛn, ɔ su yo-man like ye.