Sofoni 1:18 - NYANMIƐN NDƐ'N 1998

¹⁸ Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Sofoni 1:18 ပူးပေါင်းရင်းမြစ်များ

Bo Bolɛ 6:7

Yɛ ɔ seli kɛ: «Sran bɔ n yili be'n, n ´nunnun be nin nnɛn mun kwlaa, be kanngan o, be dandan o, be ngba ɔ nin anunman mun. Yilɛ nga n yili be'n, ɔ'a yo min nsisɔ.»

1 Famiɛn Mun 14:22

Zidafuɛ'm be yoli sa bɔ Anannganman klo-man be'n. Be sa tɛ yolɛ nun'n, be kunnin i ya trali be nannan mun.

Zɔb I Nyrɛnnɛn Wunlɛ 21:30

Kɛ nyrɛnnɛn'n ɔ ba'n, ɔ kpɛ sran ng'ɔ bu-man Nyanmiɛn like fi'n yaci. Kɛ Nyanmiɛn i ya cɛn'n ju'n, sa ju-man i su wie.

Zɔb I Nyrɛnnɛn Wunlɛ 3:15

E nin famiɛn i awlo lɔ sran dandan mun nga be lɛ sika ɔkwlɛ, bɔ jɛtɛ ufue'n ɔ'a yi bé sua mun'n, wuun e nin be y'a la-man ndia'n nun diin!

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Jue Mun 79:5

?Anannganman cɛn onin ko yɛ a ´yaci ya tantrantan nga a fɛ i e wun nin-ɔn? ?Cɛn onin ko yɛ é ti kwla b'ɔ a si'n i su ya b'ɔ yra kɛ sin sa'n, ɔ ´jaso e su-ɔ?

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 18:11

Sikafuɛ'n ɔ bu kɛ i anyanbeun'n ti i fiawlɛ kpa. I akunndan'n nun'n i waan ɔ ti kɛ talɛ sa yɛ ɔ sɛsɛ i-ɔ.

Ezai 1:24

I sɔ'n ti, Izraɛlfuɛ mun, amun nun-man min sin, amun ti min kpɔfuɛ, n wa kle amun nun, n ´tu n klunngbɔ amun su, amun yako! Min bɔbɔ min Anannganman bɔ n sie mɛn wunmuan'n, bɔ n ti Izraɛl Nyanmiɛn'n bɔ be su min-ɔn ɔ su-man'n, min yɛ n kan sɔ-ɔ.

Ezai 10:17

Izraɛl'n i kpajalɛ b'ɔ kpaja'n ɔ ´kaci sin, yɛ i Nyanmiɛn'n ɔ ´yo kɛ sin taaman sa, ɔ wa sɔ, ɔ ´yra susrɛ mun nin owie mun, ɔ ´yra be cɛn kunngba lekeleke.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ezekiɛl 16:38

Fɔ nga be fa tu bla nga be kunndɛ bian bé wun bo'n, nin nga be gua mmoja ase'n yɛ n ´fa tu wɔ-ɔ. Ɔ wunnɛn'n kwlaa ɔ ´yo mmoja, afin n ´fa ya, yɛ n ´tu min klunngbɔ'n ɔ su .

Ezekiɛl 23:25

Min ya nga n ´fɛ i ɔ́ wun'n ti'n, n ´yaci be lɛ be ´yo wɔ tɛtɛ. Be ´kpɛ ɔ bue nin ɔ́ su mun. Be ´fa be tokofi mun be ´wiewie wɔ. Be ´fa ɔ́ wa bla mun nin ɔ́ wa yasua mun. Sran nga b'a wu-man'n, be ´wɔ be nun mɔnnɛn-mɔnnɛn.

Ezekiɛl 7:11

Sa ukpo-ukpo yolɛ'n ɔ'a jaso, ɔ ti kɛ klunwi'n i kpɔnman sa. Like fi su ka-man amún sa nun. Be su ti-man amun kpanlɛ kun. Amun sɔnlɛ nga amun sɔnnin'n, ɔ nin i sɔ'n ngba, amun nun kun sa su ka-man lɛ. Be su yi-man ngwlɛ gua-man amun su.

Ezekiɛl 7:19

Be ´to be sika'n be ´guɛ klɔ'n nun atin'm be nun. Be sika ɔkwlɛ'n ´saci. Afin cɛn nga Anannganman i ya dan'n ɔ jaso'n, be jɛtɛ ufue nin be sika ɔkwlɛ'm be su kwla-man be de, be ku su yi-man kun, yɛ be klun su like nga be waan be ´yo'n, be su kwla yo-man. Afin jɛtɛ ufue nin sika ɔkwlɛ'n ti yɛ be tɔli tɛ nun nin-ɔn .

Ezekiɛl 7:5

Anannganman Nyanmiɛn'n wan yoo: ‹Ɔo nyrɛnnɛn! Nyrɛnnɛn bɔ be nian wun-mɛn i wunsu le'n yɛ ɔ ´ba lɛ.

Sofoni 1:11

«Amun nga amun tran ngua lɔ'n, an `bo awuyomo, afin aata difuɛ'm be kwlaa be su wa wu, sika kunndɛfuɛ'm be kwlaa bé ja su wa mlin be bo asiɛ'n su.

Sofoni 1:15

Cɛn sɔ'n, ɔ ´yo Nyanmiɛn i ya i nglo yilɛ cɛn, ɔ su yo-man aklunjuɛ cɛn, ɔ ´yo awlaboɛ cɛn. Ɔ ti mɛn'n nin ninnge'm be nunnunlɛ cɛn. Cɛn sɔ'n, aosin'n ɔ ´wla tritritritri. Ɔ ´yo nzue mlanlɛ lika sa tuun, yɛ ɔ ´yo bɔlɛ ufue lika sa munnduun .

Sofoni 2:2

kɛ ɔ ko yo nan Anannganman i ya cɛn dan'n ju-ɔ, amu'an bo-man b'a sanndi-man le kunngba kɛ awie wla sa, nan Anannganman ɔ'a fɛ-mɛn i ya dan'n ɔ'a gua-man amun su'n ti.

Sofoni 3:8

I sɔ'n ti min waan: «An `tran lɛ be minndɛ min man n kan sa tɛ nga an yoli mun n kle amun afin m'an gugu kɛ n ´yiayia nvle-nvlefuɛ mun nin famiɛn'm be mɛn'n be nunfuɛ mun nan ya dan nga n fali'n, n ´yo i nuan like m ´man be. Min ya dan ng'ɔ jue kɛ sin sa'n, ɔ ´di asiɛ wunmuan'n.»

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?

Mmla'n 31:17

Kɛ be ko yo sɔ'n, n wa fa ya bé wun, n ´yi be ase, n ´kaci mín sin n ´si be. Nvle kun nga'm be ´nunnun be. Sa yalɛ sunman kpa nin nyrɛnnɛn sa'm be wa tɔ bé su. Kpɛkuun be wa wun i wlɛ kɛ Nyanmiɛn b'ɔ nun-man be afiɛn'n i ti yɛ sa sɔ'm be tɔ bé su nin-ɔn.