Sofoni 1:17 - NYANMIƐN NDƐ'N 1998

¹⁷ «N ´fa nyrɛnnɛn'n n ´yi i sran'm be su, be ´nanti kɛ anyansifuɛ mun sa. Fɔnlɛ bɔ be fɔnnin Anannganman wun'n ti, be mmoja'n ´sonji lika'n nun kɛ nzue sa, yɛ be fuɛn'n ´kplɔ kɛ ofuɛ su like sa.»

Sofoni 1:17 ပူးပေါင်းရင်းမြစ်များ

Jue Mun 83:10

Kle be nun kɛ a fa kleli Sizɛra nin Zabɛn be nun Kizɔn nzue ba'n i nuan lɔ'n sa. Kle be nun kɛ a kleli Madianfuɛ'm be nun sa .

Ezai 29:10

Afin Anannganman ɔ'a yo man amu'an yo sa zuglaa. Ɔ'a kata amun nyinma'n (wa liɛ'n, Nyanmiɛn nuan ijɔfuɛ'm be ndɛ yɛ ɔ kan-an.) Ɔ'a kata amún ti (wa liɛ'n jeliwafuɛ'm be ndɛ yɛ ɔ kan-an.)

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Zeremi 10:18

Anannganman'n wan yoo: «Ndɛkɛn liɛ'n, n wa finndin mɛn nga nunfuɛ mun n yi i lɔ. Kɛ n ´fuan be'n, m ´mantan be koko nan m'an nyan be.»

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 4:18

«Sa ti b'ɔ yo sɔ'n yɛlɛ ɔ nzuɛn'n nin wɔ aeliɛ mun. Sa sɔ'n b'ɔ ju wɔ su'n, sa tɛ bɔ a yoli'n ti-ɔ, a wun i ya kpa. Ɔ wlu ɔ wun kpa sa fiaan!»

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Ngwlɛ Yilɛ 1:14

Sa tɛ nga n yoli'n, ɔ'a fa kaci kɛ aya nyanman sa, ɔ'a sie i go, ɔ'a fa wla min kɔmin. E Min'n man n lɛ-man wunmiɛn kun. Sran ng'ɔ yili be kɛ be nin min be wa kun'n, n jran be nyrun-ɔn ɔ yo-man ye.

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 1:8

Zerizalɛm i sa tɛ nga ɔ'a yo be'n, be ti beblebe sɔ ngbɛn. Ɔ man i ti siɛn'n i wun yo sran'm be tɛ. Ɔ'a yo kɛ bla bɔ ɔ'a yo mannza'n sa. Be bɔ titi be yɛyɛ i'n, be yo i finfin siɛn'n, afin sɛ ɔ ti sran'n, wuun b'a wun kɛ i bo ti ngbɛn. I bɔbɔ'n kusu ɔ su fɛfɛ, ɔ to i nyin blo.

Ngwlɛ Yilɛ 2:21

Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ezekiɛl 16:38

Fɔ nga be fa tu bla nga be kunndɛ bian bé wun bo'n, nin nga be gua mmoja ase'n yɛ n ´fa tu wɔ-ɔ. Ɔ wunnɛn'n kwlaa ɔ ´yo mmoja, afin n ´fa ya, yɛ n ´tu min klunngbɔ'n ɔ su .

Ezekiɛl 24:7

Mmoja'n tɛ o klɔ'n nun. Be fa guɛli yɛbuɛ treketreke bɔ like fi nun-man su'n i su. Asiɛ'n ɔ'a nɔnnɔn-man, yɛ sran fi a fa-man aunnyan a gua-man su.

Ezekiɛl 24:8

Yɛ n kusu n ´yaci mmoja sɔ'n yɛbuɛ bɔ like fi nun-man su'n i su lɛ, i liɛ'n ɔ fia-man. I liɛ'n, ɔ ´kun min ya. Kpɛkuun n su tu n klunngbɔ.›

Amɔs 4:10

«N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Mise 7:13

Mɛn'n ɔ ´bo, sran nga be tran nun'n be aeliɛ tɛtɛ'n ti mɛn'n ɔ ´bo.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 11:7

Sɛ ɔ ti sɔ'n, e ´se kɛ like nga Izraɛlfuɛ'm be kunndɛ'n, b'a nyɛn-mɛn i, san be kaan nga Nyanmiɛn fali be'n, be ngunmin yɛ be nyɛnnin i-ɔ. Sanngɛ ndɛ nga be klɛli i kɛ be nga'm be wa yo sran bɔ be wun-man sa wlɛ'n, yɛ ɔ'a kpɛn su yɛ'n. Be klɛli i kɛ: «Nyanmiɛn man be kacili kɛ sran bɔ be akunndan nun-man lɛ sa, yɛ ɔ man be wun-man ase. Be ti-man sa lele fa ju ndɛ .»

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

2 Piɛr 1:9

Sanngɛ sran ng'ɔ yo-man sa sɔ mun'n, ɔ ti anyansifuɛ, ɔ wun-man mmua, yɛ i wla fi i wun sa laa'n b'ɔ wieli'n su.

1 Jean 2:11

Sanngɛ sran ng'ɔ kpɔ i niaan'n, ɔ o aosin'n nun, ɔ man kɛ ɔ ´nanti'n, ɔ si-man lika ng'ɔ kɔ'n, afin ɔ ti kɛ anyansifuɛ sa.

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .