Sofoni 1:15 - NYANMIƐN NDƐ'N 1998

¹⁵ Cɛn sɔ'n, ɔ ´yo Nyanmiɛn i ya i nglo yilɛ cɛn, ɔ su yo-man aklunjuɛ cɛn, ɔ ´yo awlaboɛ cɛn. Ɔ ti mɛn'n nin ninnge'm be nunnunlɛ cɛn. Cɛn sɔ'n, aosin'n ɔ ´wla tritritritri. Ɔ ´yo nzue mlanlɛ lika sa tuun, yɛ ɔ ´yo bɔlɛ ufue lika sa munnduun .

Sofoni 1:15 ပူးပေါင်းရင်းမြစ်များ

Ezai 13:9

Amun `nian, Anannganman i cɛn'n ɔ su ba, i ya dan'n i cɛn'n su ba, i ya ble'n i cɛn'n su ba, cɛn sɔ'n ti-man blɛblɛ. Anannganman ´yo man asiɛ'n su ´tɔ koun, ɔ ´nunnun sa tɛ yofuɛ mun .

Ezai 22:5

Afin ndɛkɛn Anannganman b'ɔ sie mɛn wunmuan'n, ɔ'a fa sannganlɛ nin nyrɛnnɛn, ɔ nin nyannzuɛn ɔ'a yi e su.» Kongo nga be wun aolia nun ninnge'm be lɔ'n, be su bubu talɛ'n i nun lɔ, yɛ sran'm be kpan lɔ, be kpanlɛ'n ɔ kɔ lele ju oka'n i wun lɔ.

Ezai 8:22

I sin, kɛ be nian asiɛ nin-ɔn, be ´wun kɛ nyrɛnnɛn nin aosin tuun, ɔ nin srɛ b'ɔ kun sran'n yɛ be o su-ɔ. Be ´su bé bo yi i aosin tikitiki'n nun.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Sofoni 2:2

kɛ ɔ ko yo nan Anannganman i ya cɛn dan'n ju-ɔ, amu'an bo-man b'a sanndi-man le kunngba kɛ awie wla sa, nan Anannganman ɔ'a fɛ-mɛn i ya dan'n ɔ'a gua-man amun su'n ti.

Matthieu 24:29

«Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Mmla'n 28:52

Be ´taka be ngblaliɛ mun amun klɔ'm bé sin, yɛ be ´tran lɛ lele be bubu amun klɔ'm bé wun talɛ kpakpa nga be ti nglo-nglo bɔ amun lafi bé su amun mɛn'n nun'n. Be ´yo i sɔ mɛn nga Anannganman amun Nyanmiɛn'n fa mannin amun'n i wunmuan'n nun.

2 Piɛr 3:7

Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.

Sa nglô yile 6:17

Afin cɛn nga be ya'n ɔ ´jao dan'n ɔ'a ju. ?Wan yɛ ɔ ´kwla jran be nyrun-ɔn ?»