Sofoni 1:14 - NYANMIƐN NDƐ'N 1998

¹⁴ Anannganman i cɛn dan'n ɔ'a mantan koko, ɔ ba ndɛndɛ kpa, ɔ'a mantan koko. Cɛn sɔ nun'n, alowa'n ´jaso woo, awuyomo'n ´tɛ. Safunyrɛn'n bɔbɔ ɔ ´kpan kɛ: «Be `de min o, be `de min o!»

Sofoni 1:14 ပူးပေါင်းရင်းမြစ်များ

Ezai 15:4

Ɛsbɔnfuɛ mun nin Elealefuɛ mun be kpan, be ti be ngan Zaaz lɔ. I sɔ'n ti yɛ Moab lɔ sonja'm be bo awuyomo dan nin-ɔn, be wawɛ'n ɔ'a tɔ blo.

Ezai 33:7

Amun `nian, safunyrɛn mun yɛ be ´kpan gua su lɔ lɛ-ɔ. Aunjuɛ jasin bofuɛ'm be sun piaan.

Ezai 66:6

Aniɛn kekle kpa kun tɛ klɔ'n nun lɔ, ɔ tɛ Anannganman i sua'n nun lɔ. Anannganman b'ɔ su tannin i kpɔfuɛ'm bé sa bɔ be yoli'n i ti kalɛ ´man be'n, i aniɛn-ɔn.

Ezai 8:22

I sin, kɛ be nian asiɛ nin-ɔn, be ´wun kɛ nyrɛnnɛn nin aosin tuun, ɔ nin srɛ b'ɔ kun sran'n yɛ be o su-ɔ. Be ´su bé bo yi i aosin tikitiki'n nun.

Zeremi 25:36

Izraɛl su kpɛn'm be yɛ be ´kpan lɔ lɛ-ɔ. Min nvle'n i su nianfuɛ'm be yɛ be ´sun lɔ lɛ-ɔ. Sa ti bɔ be kpan'n yɛlɛ kɛ Anannganman'n ɔ'a nunnun be nnɛn'm be didiwlɛ'n.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Ezekiɛl 12:23

Se be kɛ: ‹Anannganman Nyanmiɛn'n wan yoo: N wa jran nyanndra sɔ'n, sran fi su bu-mɛn i Izraɛl mɛn'n nun kun.› Kɛn i asa-be-sin'n kle be. Se be kɛ: ‹Blɛ'n nga bɔ i nun yɛ aolia nun sa'm be su wa kpɛn su'n, ɔ'a mantan.

Ezekiɛl 30:3

Cɛn sɔ'n ɔ'a mantan. Anannganman i cɛn'n ɔ'a mantan. Cɛn sɔ'n, ɔ ´yo kɛ nzue yɛ ɔ'a mlan sa. Ɔ wa yo nvle-nvle'm be fɔ tulɛ cɛn.

Ezekiɛl 7:12

Blɛ'n su ba, cɛn'n ɔ'a mantan koko. Nán man like tofuɛ'n i klun jɔ. Nán man like atɛ yofuɛ'n i wla bo i wun, afin min ya dan'n ɔ'a jaso sran kpanngban nga be o klɔ'n nun'n be kwlaa bé wun.

Ezekiɛl 7:16

Be nga be ´ka lɛ bɔ be ´nyan bé ti'n, be ´ko tran oka'm be su kɛ auble mun bɔ be o kongo'm be nun'n sa. Be kwlaa be ´kplin, sran kun ´kplin i bɔbɔ i sa tɛ liɛ b'ɔ yoli'n ti.

Zoɛl 1:15

Cuekee! Nguɛ cɛn liɛ yɛlɛ nga! Anannganman i ya cɛn'n yɛ ɔ'a mantan yɛ. Cɛn sɔ'n ´ba, Anannganman'n b'ɔ kwla like kwlaa yo i ninnge'm be sacilɛ b'ɔ guguli kɛ ɔ ´saci be'n yɛ be ´ba-a .

Zoɛl 2:1

An `bo awɛ Siɔn lɔ, an `bo ndolo min oka'n su lɔ. Mɛn nga nunfuɛ mun, an `usu, afin Anannganman'n i cɛn'n wo balɛ, ɔ'a mantan koko .

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Amɔs 8:2

Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Sofoni 1:10

I cɛn sɔ nun'n, kpanlɛ ´tɛ Jue Anuan'n nun lɔ, yɛ awuyomo ´tɛ klɔ'n i akpasua uflɛ'n su lɔ. Nganniɛn dan ´tɛ kpɔlɛ'm be su.» Anannganman'n yɛ ɔ kan sɔ-ɔ.

Sofoni 1:7

An `muan amún nuan Anannganman Nyanmiɛn nyrun, Anannganman'n i ya cɛn'n ɔ'a mantan koko. Anannganman'n ɔ'a siesie tɛ yilɛ'n, be nga ɔ ko flɛ be'n, ɔ'a yo be saun .

Sa nga bé yôli'n 2:20

Wia'n ɔ ´kaci ble tuun, yɛ anglo'n kusu ɔ ´blo youun kɛ mmoja sa i sin nan amun Min'n i cɛn dan bɔ yo nyɛnmɛn'n, ɔ'a ju.

Filipfuɛ Mun 4:5

Man sran'm be kwlaa be wun kɛ an ti wɛtɛɛfuɛ. Ɔ cɛ kan-an, e Min'n ´ba.

1 Tɛsalonikfuɛ Mun 4:16

Kɛ be ti kɛ sran kun kpan'n, bɔ be ti anz kpɛnngbɛn'n i nɛn'n, bɔ be ti Nyanmiɛn i awɛ'n i tɛlɛ'n cɛ'n, kpɛkuun e Min'n bɔbɔ fin nyanmiɛn su lɔ su jra. Kristfuɛ nga be wuli'n, be ´cɛn dun mmua e nyrun,

Hébreu 12:26

Laa kɛ ɔ ´ijɔ'n, asiɛ'n kejeli, sanngɛ siɛn'n ɔ se e kɛ: «M ma keje asiɛ'n ekun nin nyanmiɛn b'ɔ la nglo lɔ plaii'n kusu .»

Jacques 5:9

Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.