Sofoni 1:13 - NYANMIƐN NDƐ'N 1998

¹³ Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»

Sofoni 1:13 ပူးပေါင်းရင်းမြစ်များ

Ezai 6:11

Yɛ n usali kɛ: «?Anannganman, lele cɛn onin yɛ sa sɔ'm be ´wie-ɔ?» Yɛ ɔ tɛli su kɛ: «Ɔ ´yo sɔ lele san klɔ'm be ´wie saci. Ɔ ´yo sɔ lele san klɔ mun nin sua'm be nun sran'm be ´wie, san asiɛ ng'ɔ sacili'n i su ´tɔ koun.»

Zeremi 15:13

Zidafuɛ mun, n ´fa amun ninnge nin amun anwlɛn su ninnge mun m ´man amun ninnge fɛnfuɛ mun. Sa tɛ nga amun yoli i kɛ amun o amun asiɛ'n su wa'n i akatua'n yɛ ɔ o lɛ-ɔ.

Zeremi 17:3

Zerizalɛmfuɛ mun bɔ amun o oka b'ɔ o lika kpɛtɛkplɛɛ nun'n, sa tɛ nga amun yoli'n ti, amun amuɛn sɔwlɛ nga amun fa truli lika'n nun'n ti, n wa fa amun ninnge nin amun bɛ trɔ mun m ´man amún bo ninnge fɛnfuɛ mun.

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Zeremi 9:19

Bla mun, an `tie Anannganman i ndɛ'n. Man amún su'n ti ng'ɔ kan'n. An `kle amun mma bla'm be sunlɛ ng'ɔ o yɛ'n, amun `fa ngwlɛ yilɛ sɔ'n kle be wiengu kɛ:

Ngwlɛ Yilɛ 5:2

Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.

Ezekiɛl 7:19

Be ´to be sika'n be ´guɛ klɔ'n nun atin'm be nun. Be sika ɔkwlɛ'n ´saci. Afin cɛn nga Anannganman i ya dan'n ɔ jaso'n, be jɛtɛ ufue nin be sika ɔkwlɛ'm be su kwla-man be de, be ku su yi-man kun, yɛ be klun su like nga be waan be ´yo'n, be su kwla yo-man. Afin jɛtɛ ufue nin sika ɔkwlɛ'n ti yɛ be tɔli tɛ nun nin-ɔn .

Ezekiɛl 7:21

Be anyanbeun ninnge sɔ'n, aofuɛ'm be ´fɛn, kpɛkuun mɛn'n nun finfinfuɛ'm be ´fa bé bo ninnge'n kɛ be kpɔfuɛ bɔ b'a kwla be'n bé fa fɛn bé bo ninnge'n sa, be ´yo ninnge sɔ'm be fiɛn.

Ezekiɛl 7:24

N wa fa nvle-nvlefuɛ wie mun bɔ be si-man aunnvuɛ'n m ´ba nan be wa de bé sua mun bé sa nun. Be nga be waan be ti tinwa kpa'n, n ´kuakua be. Be amuɛn sua'm be ´saci.

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Mise 6:15

Amun ´lua ninnge mun, sanngɛ an su nyan-man nun like fi. Amun ´yi olivie ngo, sanngɛ an su nyan-man wie yo-man like fi nun. Amun ´yi nzan, sanngɛ an su nɔn-man.

Sofoni 1:9

I sɔ cɛn liɛ nun'n, be bɔ be ju Nyanmiɛn sua'n i anuan'n nun bɔ be tu be tra i tiaan nga be fa wlu nun lɔ su'n, kɛ sran bɔ be si-man Nyanmiɛn'n be sa'n, n ´tu be fɔ. Be nga bɔ b'a fa awie'n nin sa tɛtɛ yolɛ'n b'a fa nyan bé wun, bɔ i sɔ ninnge'm b'a yi be amuɛn sua mun piɛ'n, n ´tu be fɔ.

Mmla'n 28:30

Sɛ amun nun sran wie tra bla wie ase kɛ ɔ ´jɛ i'n, yasua uflɛ yɛ ɔ ´kunndɛ i-ɔ. Amun ´kplan sua, sanngɛ amun su tran-man nun. Amun ´ta vinyi, sanngɛ amun su ti-mɛn i su mma.

Mmla'n 28:39

Amun ´ta vinyi, amun ´niɛn i lika, sanngɛ kakaa'm be ´wie i ngba di, amun su nyɛn-mɛn i mma wie yo-man nzan nan se kɛ amun ´fa wie sie.

Mmla'n 28:51

Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.