Sofoni 1:12 - NYANMIƐN NDƐ'N 1998

¹² Blɛ sɔ nun'n, n ´sɔ kannin n ´nian-nian Zerizalɛm i kɔtɔkakɔtɔka nin i longolongo'm be kwlaa be nun. Be bɔ be klun ti-man be, be o lɛ diin kɛ nzan bɔ ɔ'a klo ɔ'a jrɛn i bo'n sa. Be se be wun kɛ: ‹Man e ti sa ke! Anannganman su kwla yo-man like fi! Sa kpa o, sa tɛ o, ɔ kwla-man wie fi yo!› E nin be sɔfuɛ mun e wa yia nun.

Sofoni 1:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 21:15

?Wan li yɛ be flɛ i Nyanmiɛn b'ɔ kwla like kwlaa yo nin-ɔn, bɔ i ti yɛ e ko su i-ɔ? ?Sɛ e srɛ i'n, nguɛ yɛ e ´nyɛn i-ɔ?»

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 14:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Sinnglinfuɛ'n ɔ se i anwlɛn'n nun kɛ Nyanmiɛn nun-man lɛ. B'a saci mlɔnmlɔn, tete'n yɛ be bo-ɔ, be wie fi yo-man sa kpa .

Jue Mun 94:7

Kpɛkuun be se kɛ: «Anannganman wun-man sa fi. Zakɔb Nyanmiɛn'n wun-man nun o!»

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Zeremi 10:5

Ɔ ti kɛ like nga be sie i fie'm be nun be fa wlanwlan anunman mun'n sa. Be ijɔ-man, kusu be nanti-man, sran yɛ ɔ sua be-ɔ. Nán amun sro be. Be yo sran sa-a ɔ yo-man ye. Be yo i sa kpa kusu-ɔ ɔ yo-man ye.»

Zeremi 48:11

Sɛ Moab ti sran'n, wuun n ´se kɛ kɛ ɔ fin i kaan nun lele'n, sran fi nian kle-mɛn i yalɛ le'n, wuun n ´se kɛ sran fi nian fɛ-mɛn i nian ɔ-man mɛn uflɛ nun le. Ɔ o i wolɛ lɛ cɛ kɛ nzan wie b'ɔ o i tomua'n nun bɔ be nian kaci-mɛn i le'n sa. I sɔ'n ti ɔ tɛ yo uflɛ kɛ blɛ li yɛ b'a yi i sa. Yɛ i bɔnlɛ fannin fannin tɛ o i osu'n nun.»

Ezekiɛl 8:12

Nyanmiɛn usali min kɛ: «?Klɔ sran, a wun like nga Izraɛl kpɛnngbɛn'm be fia bé sua ba nga be sie be amuɛn'm be nun'n be nun be yo'n? Afin be ndɛ nga be kan'n yɛ: ‹Anannganman wun-man ye, Anannganman'n nin i nvle'n be nun-man nun kun.› »

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

Abdias 1:6

Be `nian kɛ b'a trutru Ezau i osu nun mma'm bé bo ninnge'm be nun sa! Amun ninnge kpakpa nga amun fa fiali'n, b'a wun be ngba.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

2 Piɛr 3:4

be ´se kɛ: «?Ɔ seli amun kɛ ɔ ´ba, nɛ́n i-ɔ? ?Yɛ ɔ o nin? Kɛ ɔ fin lalaa'n bɔ e nannan'm be wuli'n, like nga Nyanmiɛn yili be'n, be kwlaa be tɛ o be osu'n nun.»

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .