Sofoni 1:10 - NYANMIƐN NDƐ'N 1998

¹⁰ I cɛn sɔ nun'n, kpanlɛ ´tɛ Jue Anuan'n nun lɔ, yɛ awuyomo ´tɛ klɔ'n i akpasua uflɛ'n su lɔ. Nganniɛn dan ´tɛ kpɔlɛ'm be su.» Anannganman'n yɛ ɔ kan sɔ-ɔ.

Sofoni 1:10 ပူးပေါင်းရင်းမြစ်များ

2 Samiɛl 5:7

Sanngɛ David fali Siɔn fiawlɛ lika sɔ'n, be tɔnnin i dunman ekun kɛ David Klɔ.

2 Samiɛl 5:9

David trannin fiawlɛ lika'n nun lɛ. Ɔ tɔnnin i dunman kɛ David Klɔ. Ɔ kplannin sua mun Milo b'ɔ ti fiawlɛ'n i klun lɔ. Ɔ kplannin wie kusu sin yiɛli i.

2 Famiɛn Mun 22:14

Ilkiza b'ɔ ti Nyanmiɛn nyrun jranfuɛ'n, nin Asikam, nin Akbɔr, nin Safan, ɔ nin Azaza be ɔli Nyanmiɛn nuan ijɔfuɛ bla nga be flɛ i kɛ Ilda'n i sin. Bla sɔ'n, i wun yɛlɛ Aras i wa Tikva i klun ba Salɔm b'ɔ nian Nyanmiɛn i sua'n nun tralɛ'm be su'n. Bla sɔ'n tran Zerizalɛm klɔ uflɛ'n su lɔ. Be kannin ndɛ'n be kleli i.

2 Be Nyoliɛ 3:1

Salomɔn boli Anannganman i sua'n kplanlɛ bo Moriza oka'n b'ɔ o Zerizalɛm lɛ'n su. Lɛ yɛ Anannganman fɛli i wun kleli Salomɔn i si David laa nin-ɔn. Lɛ yɛ David siesieli lika Ɔrnan b'ɔ ti Zɛbisfuɛ'n i asiɛ'n su nin-ɔn .

2 Be Nyoliɛ 32:22

Wafa nga Anannganman deli Ezekias nin Zerizalɛmfuɛ mun'n yɛ ɔ o lɛ-ɔ. Ɔ deli be Sankerib b'ɔ ti Asiri famiɛn'n nin be kpɔfuɛ kun nga mun bé sa nun. Yɛ ɔ sasali be be nga be sin yia be'n be lika.

2 Be Nyoliɛ 33:14

Kɛ sa sɔ'm be sinnin'n, Manase kplannin David Klɔ'n i sin talɛ fleiin kpa kun. Talɛ sɔ'n sin nzue ti bɔ be flɛ i Giɔn'n i lika ng'ɔ kpɛ wia afiliɛ lɔ'n su, ɔ san Sedrɔn kongo'n lele ju Jue anuan'n su. Ɔ sin yia Ɔfɛl'n. Manase sieli sonja kpɛnngbɛn mun Zida klɔ nga be sili bé wun'n be su.

2 Be Nyoliɛ 34:22

Ilkiza nin famiɛn i sran ng'ɔ sunmannin be'n be ɔli Nyanmiɛn nuan ijɔfuɛ bla nga be flɛ Ilda'n sin. Bla sɔ'n i wun yɛlɛ Aras wa Tɔkeat klun ba Salim b'ɔ nian Nyanmiɛn sua'n nun tralɛ'm be su'n. Ɔ tran Zerizalɛm klɔ uflɛ'n su lɔ. Be ko kannin ndɛ'n be kleli i.

Neemi 12:39

I sin e sinnin Efraim anuan'n su, ɔ nin Zekana anuan'n su, nin Jue anuan'n su, e buli Ananeɛl i sasawlɛ sua'n, ɔ nin Mea i sasawlɛ sua'n be wun, e juli Bua anuan'n su. E ko jrannin bisua'n i anuan'n nun.

Neemi 3:3

Sɛnafuɛ'm be kplannin anuan nga be flɛ i Jue anuan'n. Be dun mmua kplannin anuan'n i wlawlɛ'n, kpɛkuun be fali anuan'n wlali nun, nan b'a wlɛ i sin blalɛ ng'ɔ tra nun'n nin i nun gboklo mun.

Ezai 59:11

E bo wowo kɛ nnɛn ngble bɔ be flɛ i kɛ urs'n sa. E konviabo'n klu kɛ okunmomo sa tititi. E bu i kɛ Nyanmiɛn wa nian e lika, sanngɛ like fi, e bu i kɛ ɔ wa de ye, sanngɛ ngbɛn-ɔn.

Zeremi 39:2

Sedesias i sielɛ'n i afuɛ blu-nin-kun'n i anglo nnan'n i cɛn ba ngwlan su yɛ be fitili klɔ i wun talɛ nin-ɔn.

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Ezekiɛl 6:13

Kɛ sran'm be fuɛn'm be ´tɔ be amuɛn'm be afiɛn'n, bɔ fuɛn wie'm be ´lala sin yia be sraka yiwlɛ mun'n, bɔ wie ´tɔ kpɔlɛ'm bé su, nin oka'm be ti afiɛn'n, nin waka mɔnnɛn'm bé bo, nin susrɛ'm bé bo'n, ɔ nin lika nga be yra ansans lɛ be man be amuɛn mun be kwlaa be nun'n, kpɛkuun amun wa si jrɛiin kɛ min yɛ n ti Anannganman nin-ɔn.

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Sofoni 1:15

Cɛn sɔ'n, ɔ ´yo Nyanmiɛn i ya i nglo yilɛ cɛn, ɔ su yo-man aklunjuɛ cɛn, ɔ ´yo awlaboɛ cɛn. Ɔ ti mɛn'n nin ninnge'm be nunnunlɛ cɛn. Cɛn sɔ'n, aosin'n ɔ ´wla tritritritri. Ɔ ´yo nzue mlanlɛ lika sa tuun, yɛ ɔ ´yo bɔlɛ ufue lika sa munnduun .

Sofoni 1:7

An `muan amún nuan Anannganman Nyanmiɛn nyrun, Anannganman'n i ya cɛn'n ɔ'a mantan koko. Anannganman'n ɔ'a siesie tɛ yilɛ'n, be nga ɔ ko flɛ be'n, ɔ'a yo be saun .