Sofoni 1:1 - NYANMIƐN NDƐ'N 1998

¹ Ndɛ nga Anannganman kan kleli Sofoni'n yɛ ɔ o yɛ. Ezekias wa Amaria i wa liɛ Gɛdalia, i kusu wa liɛ Kisi i klun ba yɛlɛ Sofoni. Zida famiɛn Zozias bɔ i si yɛlɛ Amɔn'n, i blɛ su yɛ Nyanmiɛn kannin ndɛ sɔ'n kleli Sofoni-ɔ.

Sofoni 1:1 ပူးပေါင်းရင်းမြစ်များ

2 Famiɛn Mun 21:18

Manase wuli. Be sieli i i sua'n wun lɛ fie'n nun. Be flɛ fie sɔ'n kɛ Iza i fie. Yɛ i wa Amɔn sinnin i osu-ɔ.

2 Famiɛn Mun 21:26

Be sieli i i bɔbɔ i asieliɛ'n nun. Asieliɛ sɔ'n wo Iza i fie'n nun. Yɛ i wa Zozias sinnin i osu-ɔ.

2 Be Nyoliɛ 33:20

Kɛ Manase wuli'n, be sieli i i bɔbɔ lika'n nun. I wa Amɔn yɛ ɔ kacili i-ɔ.

Zeremi 1:2

Anannganman kannin ndɛ kleli i famiɛn Zozias i sielɛ'n i afuɛ blu-nin-nsan'n su. Amɔn b'ɔ ti Zida famiɛn'n i wa yɛlɛ Zozias.

Zeremi 22:11

Anannganman'n waan: «Ndɛ nga bɔ Anannganman kɛn i Salɔm b'ɔ ti famiɛn Zozias i wa bɔ di i si i aja'n, bɔ fin wa ɔli'n i wun'n yɛ: ‹Ɔ su ba-man wa kun.

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 1:1

Fluwa nga i nun ndɛ'm be ti Anannganman i ndɛ yɛ ɔ fa wlɛli Beeri i wa Oze nuan kɛ ɔ `kan-an. Kɛ ɔ ´fa wlɛ i nuan sɔ'n, wuun Zɔas i wa Zeroboam yɛ ɔ ti famiɛn Izraɛl mɛn'n su-ɔ. I blɛ kunngba sɔ'n nun yɛ Ozias, nin Zɔtam, nin Akaz, ɔ nin Ezekias be yoli famiɛn Zida lɔ-ɔ.

2 Timote 3:16

Nyanmiɛn Ndɛ nga be klɛli'n, i bɔbɔ yɛ ɔ fɛ i kwlaa mannin sran mun yɛ be klɛli-ɔ. Be fa kle like, be fa kle sran mun lele be wun nanwlɛ'n, be fa tu be fɔ, be fa kle be sa nga be yo-ɔ ɔ ti kpa'n

2 Piɛr 1:19

Ɔ man e wunnin Nyanmiɛn nuan ijɔfuɛ'm be ndɛ nga be kannin'n i wlɛ kpa. Sɛ an fa amún nyin sie su kpa'n, ɔ ti kpa, afin ɔ ti kɛ kannin b'ɔ kpaja lika tuun wie nun sa lele fa ju aliɛ njɛnniɛn kɔmin su, yɛ awuɛ nzraama'n ɔ ´fite, ɔ ´yi sa'm bé nyin weiin kle amun.