Ngɔjue Fɛfɛ Kpa'n 8:9 - NYANMIƐN NDƐ'N 1998

⁹ Sɛ e sinma sɔ'n ɔ ti kɛ klɔ wun talɛ sa'n, wuun e ´kpɛ talɛ sɔ'n i ti su nglo lɔ buɛ nga be nian nun be sasa klɔ'n, wuun e ´yo buɛ sɔ mun nin sika. Sɛ e sinma sɔ'n ɔ ti kɛ anuan sa'n, wuun e ´fa sɛdri waka kun e ´jɛ sin.

Ngɔjue Fɛfɛ Kpa'n 8:9 ပူးပေါင်းရင်းမြစ်များ

1 Famiɛn Mun 6:15

ɔ fali sɛdri waka fa katali i klun lɔ talɛ'n su. Ɔ yoli talɛ'n i sɔ i ngua lele fa ju i nglo lɔ, kpɛkuun ɔ fali siprɛs waka fa yoli i asiɛ wun'n.

Ngɔjue Fɛfɛ Kpa'n 1:11

E wa yo sika ɔkwlɛ asunmanndi e ´man wɔ, e ´fa sika e ´wlawla nun.

Ngɔjue Fɛfɛ Kpa'n 2:9

A wun i sa-a, ɔ waan flete-ɔ, a wun i sa-a, ɔ waan wannzannin gbanflɛn-ɔn. I yɛ ɔ jin e talɛ'n sin yɛ, ɔ wlɛwlɛ i ti'n fenɛtri'n nun, ɔ o fenɛtri'n i griazi sin lɔ ɔ nian wa.

Ezai 58:12

Lika'n bɔ be bubuli be laa'n, amun ´kplan be uflɛ, yɛ sua'n bɔ be wlali bé bo ase laa bɔ be yacili be yolɛ'n, amun wa sa bé su kɔ. Be wa flɛ amun kɛ Nja Bɔ Be Tannin Toklo, Bɔ Be Yo Atin'm Be Kpa, Bɔ Be Yo Man Be Kwla Tran Mɛn'n Nun'n.»

Ezai 60:17

Sika ɔkwlɛ yɛ n ´fa blɛ wɔ-ɔ, n su fa-man aaba. Jɛtɛ ufue yɛ n ´fa blɛ wɔ-ɔ, n su fa-man blalɛ. Aaba yɛ n ´fa blɛ wɔ-ɔ, n su fa-man waka. Blalɛ yɛ n ´fa blɛ wɔ-ɔ, n su fa-man yɛbuɛ. Sɛ n ´kwla se'n, like nga n ´fa man b'ɔ ´nian ɔ su'n, yɛlɛ aunjuɛ'n, yɛ like nga n ´fa man b'ɔ ´sie wɔ'n, yɛlɛ sa nga be yo i i nuan su'n.

Ezai 61:4

Be ´kplan lika nvuɛn'm be uflɛ, be ´yo lalafuɛ sua nga be sacili mun'n ekun, be ´kplan klɔ'm bɔ be bubuli ɔ'a cɛ'n be uflɛ.

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Sa nga bé yôli'n 14:27

Kɛ be juli lɔ'n, be yiali asɔnunfuɛ mun, be kannin sa nga Nyanmiɛn yo mannin be'n i kwlaa kleli be. Kɛ ɔ yoli b'ɔ man be nga be ti-man Zuif'n be lafili Jésus su wie'n, be kan kleli be ekun.

Sa nga bé yôli'n 15:16

‹E Min Nyanmiɛn seli kɛ: I sɔ'n i sin, m ´ba, n ´kplan David awlo'n b'ɔ boli'n ekun. Yɛ i lika ng'ɔ sacili'n, n ´kplɛn uflɛ, n ´yo i kpa. Nan sran nga be ka lɛ'n, ɔ nin be bɔ be ti-man Zuif'n, bɔ n dunman'n wo be su'n, be ´kpɛ ń sin atin. Kɛ ɔ fin adudua, e Min Nyanmiɛn'n man sran'm be si sa sɔ'n .›

Mmla'n 22:8

Sɛ amun kplan sua uflɛ'n, amun kplan talɛ kaan kun i ti su aunngban fawlɛ i nuan su tɛɛn man ɔ sin yiɛ i. Ɔ'a yo-man sɔ'n, sɛ sran wie flo lɔ tɔ ɔ wu'n, kpɛkuun be ´se kɛ wɔ yɛ a kunnin i-ɔ.