Ngɔjue Fɛfɛ Kpa'n 8:14 - NYANMIƐN NDƐ'N 1998

¹⁴ «Min adeba, wanndi bla. Wanndi glaunglaun kɛ wannzannin wie sa, annzɛ flete gbanflɛn wie sa, wanndi bla oka nga bé su bɔn fɛɛn'n be su wa.»

Ngɔjue Fɛfɛ Kpa'n 8:14 ပူးပေါင်းရင်းမြစ်များ

Ngɔjue Fɛfɛ Kpa'n 2:17

Kɛ lika'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be ´yo tɛnndɛn'n, min adeba, bla o! Wanndi glaunglaun kɛ wannzannin sa nan bla, wanndi kɛ flete gbanflɛn sa nan bla. Sin oka bɔ be afiɛn'n ti nun'n be su nan bla.

Ngɔjue Fɛfɛ Kpa'n 2:7

Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga kle amun-ɔn.

Ngɔjue Fɛfɛ Kpa'n 2:9

A wun i sa-a, ɔ waan flete-ɔ, a wun i sa-a, ɔ waan wannzannin gbanflɛn-ɔn. I yɛ ɔ jin e talɛ'n sin yɛ, ɔ wlɛwlɛ i ti'n fenɛtri'n nun, ɔ o fenɛtri'n i griazi sin lɔ ɔ nian wa.

Ngɔjue Fɛfɛ Kpa'n 4:6

Kɛ aliɛ'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be yo tɛnndɛn'n n ´kɔ oka'n bɔ mir o su'n i su lɔ, n ´kɔ kpɔlɛ bɔ ansans o su'n i su lɔ.

JÉSUS-CHRIST I DYASIN FE'N BO LUC KLELI'N 19:12

Ɔ seli kɛ: «Wlengbi kun waan ɔ ´kɔ nvle wie nun mmua kpa nan be `fɛ i sie famiɛn nan ɔ'a ba.

Mmla'n 12:15

Sanngɛ sɛ Anannganman amun Nyanmiɛn'n ɔ'a yo man amun ninnge'm b'a yo ye, nan amun klun klo amun waan amun ´kun nnɛn di'n, amun kwla kun i kan amun tran lɛ'n. Sran ng'ɔ ti saun o, sran ng'ɔ ti-man saun o, be kwlaa be di wie-ɔ ɔ yo ye. Ɔ ti kɛ wannzannin annzɛ flete wie yɛ be su di sa.

Filipfuɛ Mun 1:23

N ti mianfuɛ i bue nnyɔn'n nun, sa ng'ɔ yo n fɛ kpa tra su'n yɛlɛ kɛ n ´kɔ nan min nin Krist e ´ko tran, i sɔ'n yɛ ɔ ti kpa-a.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Sa nglô yile 22:20

Sran ng'ɔ seli kɛ sa sɔ'n ɔ ´yo sɔ'n, ɔ se kɛ: «Nanwlɛ, m ´ba icra'n.» Man ɔ yo sɔ! E min Jésus, bla!