Ngɔjue Fɛfɛ Kpa'n 8:11 - NYANMIƐN NDƐ'N 1998

¹¹ Salomɔn lɛ i vinyi fie kun Baal-Amɔn lɔ. Ɔ fa mannin sran wie mun kɛ be nian su. Be nga be klo kɛ be ´ti fie sɔ'n, i nun vinyi'n bé su mma'n wie'n Salomɔn man be yi jɛtɛ ufue mma akpi.

Ngɔjue Fɛfɛ Kpa'n 8:11 ပူးပေါင်းရင်းမြစ်များ

Bo Bolɛ 20:16

Yɛ ɔ seli Sara kɛ: «Jɛtɛ ufue akpi yɛ n ´fa man ɔ niaan bian yɛ. Ɔ ti nzɔliɛ b'ɔ kle be kwlaa bɔ be mantan wɔ'n be kɛ w'a yo-man sa, i sɔ'n nun bé nyin ɔ'a yi wɔ.»

Akunndanfuɛ'n 2:4

N dili n klun klo junman dandan mun. N kplannin n klun klo sua mun yɛ n dili n klun klo vinyi fie mun.

Ngɔjue Fɛfɛ Kpa'n 1:6

Nán amun nian min wunnɛn b'ɔ dun'n, wia'n yɛ ɔ dunnin i sɔ-ɔ. Min niaan bian'm be fali ya min wun, be man n niannin be vinyi fie'm be su. M'an kwla nian-man min vinyi fie liɛ'n su .

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ngɔjue Fɛfɛ Kpa'n 7:12

Min adeba, bla e `fite e wɔ blo lɔ. E `wɔ klɔ kaan wie su e ko la lɔ kɔnguɛ.

Ngɔjue Fɛfɛ Kpa'n 8:12

Min vinyi liɛ'n, m bɔbɔ yɛ n nian su-ɔ. Salomɔn, fa ɔ sika jɛtɛ ufue akpi'n, bɔ i nun ya nnyɔn ti vinyi su nianfuɛ'm be liɛ'n.

Ezai 7:23

Blɛ sɔ nun'n, vinyi fie bɔ i su vinyi ja'n ti akpi'n, bɔ bé gua kwla ju jɛtɛ ufue akpi'n, be ´ka owie-owie nin flɔn'm be nun.

Marc 12:1

Jésus buli nyanndra wie kleli be. Ɔ seli kɛ: «Bian kun di i vinyi fie. Ɔ sili i wun, yɛ ɔ kpɛli vinyi'n i nzue cuɛnwlɛ, ɔ kplannin akpa fleiin kun, yɛ ɔ fa wlali vinyi fie sunianfuɛ'm bé sa nun nan ɔ'a ɔ mɛn wie nun .