Ngɔjue Fɛfɛ Kpa'n 7:6 - NYANMIƐN NDƐ'N 1998

⁶ Ɔ ti'n ɔ jin ɔ́ ti su sa ceiin kɛ Karmɛl oka'n sa. Ɔ ti'n bɔ b'a yo'n, i wafa'n waan ɔ ´yo ɔkwlɛ kankankan. Kɛ famiɛn kun nian ɔ timuɛn'n sa'n, ɔ jran-an ɔ jran-man.

Ngɔjue Fɛfɛ Kpa'n 7:6 ပူးပေါင်းရင်းမြစ်များ

1 Famiɛn Mun 18:19

I sɔ'n ti sunman sran man be ko sese Izraɛlfuɛ'm be kwlaa kɛ e `yia Karmɛl oka'n su lɔ. Baal i nuan ijɔfuɛ ya-nnan-ablenun, ɔ nin waka nga be taka bɔ be sɔ'n i nuan ijɔfuɛ ya nnan bɔ bé nin Zezabɛl be yia be di like'n, man be bla wie.»

Jue Mun 45:11

Min wa talua, nian, sie ɔ su tie. Man ɔ wla fi ɔ nvle nunfuɛ mun nin ɔ si i awlo'n nunfuɛ'm bé su.

Ngɔjue Fɛfɛ Kpa'n 2:14

A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ngɔjue Fɛfɛ Kpa'n 4:10

Min niaan bla, min yi, kɛ n klo wɔ'n ti, kɛ n wun wɔ'n, n jran-an ɔ jran-man kun. Klolɛ bɔ a klo min'n, sɛ ɔ ti nzan'n, wuun n ´se kɛ i fɛ liɛ'n tra ngba. Ɔ parfɛn liɛ'm be bɔn fannin tra nguɛn wafa-wafa'm be kwlaa.

Ngɔjue Fɛfɛ Kpa'n 4:7

N janvuɛ kpa, a ti klanman dan. Fɔ fi nun-man ɔ́ wun.

Ngɔjue Fɛfɛ Kpa'n 7:10

Sɛ ɔ́ nuan'n ɔ ti nzan'n, wuun n ´se kɛ man ɔ yo nɛnkɛn-nɛnkɛn kɛ nzan ng'ɔ ti kpa'n sa. Nzan sɔ'n ti min adeba'n i kunngba liɛ. Kɛ e ´lafi'n, nzan sɔ'n ɔ sonji é nuan bui'n su.

Ngɔjue Fɛfɛ Kpa'n 7:7

A ti klanman o! A ti klanman lele kpe nun! Min anwlɛnba, wɔ yɛ man min klun jɔ-ɔ.

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able