Ngɔjue Fɛfɛ Kpa'n 7:5 - NYANMIƐN NDƐ'N 1998

⁵ Ɔ kɔmin'n ɔ ti kɛ sua mlomlo wie yɛ b'a fa sui je b'a kplan sa. Ɔ nyinma'm be ti kɛ Ɛsbɔn lɔ fɛtɛ nga be o klɔ dan sɔ'n i anuan wun lɛ'n sa. Ɔ bue'n ɔ ti kɛ Liban lɔ klɔ sasawlɛ sua kluklu nga i nyin kaci Damas bue'n su lɔ'n sa.

Ngɔjue Fɛfɛ Kpa'n 7:5 ပူးပေါင်းရင်းမြစ်များ

Bo Bolɛ 32:26

Sran sɔ'n ´nian-an, ɔ kwla-man Zakɔb, nan ɔ'a blɛ i like i bo lengle'n nun, nan i sɔwa owie'n i takawlɛ'n ɔ'a fɔnndɔn.

Jue Mun 68:24

nan a `tiatia ɔ kpɔfuɛ sɔ'm be mmoja'n nun, nan wɔ alua'm b'a nyan be nnɛn'n wie b'a di.»

Jue Mun 87:2

Anannganman i klɔ bɔ yɛlɛ Zerizalɛm klɔ'n, ɔ klo i tra Zakɔb i lika'm be kwlakwla.

Nyanndra Mun 5:19

Ɔ yi ti klanman ngboko, a wun i sa-a, ɔ waan flete talua wie-ɔ . Man i wunnɛn ba sa'n ɔ jɔ ɔ klun titi. Man i klolɛ'n ti ɔ klun jɔ titi.

Ngɔjue Fɛfɛ Kpa'n 1:17

E sua'n i kuatrɛn'm be ti sɛdri waka. Siprɛs waka yɛ be fa tuli su-ɔ.

Ngɔjue Fɛfɛ Kpa'n 4:1

A ti klanman o, min janvuɛ kpa! A ti klanman dan o! Kɛ be nian ɔ tannin fɛtɛfɛtɛ ng'ɔ kata ɔ nyrun'n i sin lɔ'n, be wun ɔ nyinma bɔ be klanman'n ti kɛ auble'm be klanman'n sa'n. Ɔ timuɛn'n ɔ guagua ɔ wun kɛ boli bla akpasua wie bɔ be fin Galaad oka'n su be su jra'n sa.

Ngɔjue Fɛfɛ Kpa'n 4:4

Ɔ kɔmin'n ti kɛ David i sua mlomlo bɔ be kplɛn i kɛ be ´fa alɛ ninnge'm be ´sie nun'n sa. Nyrɛn akpi sata-sata sua sɔ'n i wun sin yiɛ i. Nyrɛn sɔ'm be ti safunyrɛn'm be liɛ.

Ngɔjue Fɛfɛ Kpa'n 5:11

I ti'n ɔ ti klanman kɛ sika ɔkwlɛ mɔnnɛn sa. I timuɛn'n ɔ ti tɔlɛtɔlɛ kɛ waka nyrɛ sa. I timuɛn sɔ'n ɔ ti ble tikitiki kɛ kɔkɔkuankuan i wunnɛn'n sa.

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Kalɛ 21:26

Ɛsbɔn ti Siɔn b'ɔ ti Amɔrfuɛ'm be famiɛn'n i klɔ. Siɔn nin Moab famiɛn'n be kunnin. Siɔn deli Moab famiɛn'n i mɛn'n kwlaa i sa nun lele fa juli Arnɔn nzue ba'n su lɔ.

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Efɛzfuɛ Mun 1:22

Nyanmiɛn man ɔ sie like'n kwlaa yɛ ɔ fɛ i sieli Asɔnun'n su kpɛn .

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

Kolɔsfuɛ Mun 2:19

Ɔ fɛ-mɛn i wun mantan-man Krist b'ɔ ti bé ti'n i kpa kun. Krist yɛ man be akpɔlɛ akpɔlɛ nin be ndin'm be sasa su-ɔ, i yɛ man be wunnɛn wunmuan'n yo kpa yɛ ɔ nyin kɛ Nyanmiɛn klo kɛ ɔ nyin'n sa-a.

Sa nglô yile 1:14

I ti'n fɛn fuaii kɛ bua ndrɛ sa, ɔ fɛn ufue fitafita kpa. I nyinma'n be sɔ kɛ sin sa,