Ngɔjue Fɛfɛ Kpa'n 7:3 - NYANMIƐN NDƐ'N 1998

³ Ɔ ku bo'n ɔ ti kɛ klowa kukluku wie bɔ nzan fannin fannin'n tu-man nun'n sa. Ɔ wunnɛn'n ɔ ti kɛ ble bɔ b'a tiɛn i nuan bɔ lis sin yiɛ i'n sa.

Ngɔjue Fɛfɛ Kpa'n 7:3 ပူးပေါင်းရင်းမြစ်များ

Bo Bolɛ 49:21

Nɛftali ti kɛ flete kun b'ɔ ti i tiaun tilɛ'n sa. I wa ng'ɔ wu be'n be ti nglanman.

Nyanndra Mun 5:19

Ɔ yi ti klanman ngboko, a wun i sa-a, ɔ waan flete talua wie-ɔ . Man i wunnɛn ba sa'n ɔ jɔ ɔ klun titi. Man i klolɛ'n ti ɔ klun jɔ titi.

Ngɔjue Fɛfɛ Kpa'n 4:5

Ɔ nyɔnflɛn nnyɔn'm be ti kɛ wannzannin ba nnyɔn sa. Be ti kɛ wannzannin nda nnyɔn bɔ be jin lis nun be su didi'n sa.

Ngɔjue Fɛfɛ Kpa'n 6:6

Ɔ je'm be ti fuaii kɛ bua akpasua wie bɔ be fin nzue nɔnwlɛ lɔ be su ba'n sa. Be ti nda ngunmin, be ba nnyɔn-nnyɔn. Ɔ lɛ-man kɛ nga yɛ ɔ lɛ-man wiengu-ɔ.

Ngɔjue Fɛfɛ Kpa'n 7:2

Kɛ ɔ ja'm be o ɔ ngbabua'm be nun'n, be ti nglanman o! Famiɛn wa bla, ɔ́ bo lengle nun'n ti kɛ be kɔmin afle bɔ ajuindifuɛ'n ɔ yo'n sa.