Ngɔjue Fɛfɛ Kpa'n 7:13 - NYANMIƐN NDƐ'N 1998

¹³ E `wɔ vinyi fie'n nun lɔ nglɛmun ndɛ kpa'n. E `ko nian sɛ vinyi'm b'a bo nnyrɛ o, sɛ be nyrɛ'm b'a kpuke o, sɛ grenadie'm b'a bo nyrɛ o. Sɛ e ju lɔ'n, n ´fa min wun m man wɔ.

Ngɔjue Fɛfɛ Kpa'n 7:13 ပူးပေါင်းရင်းမြစ်များ

Bo Bolɛ 30:14

Ble i kpɛlɛ blɛ'n nun'n, Ribɛn ɔli bo'n nun, ɔ ko fiteli mandragɔr wie su. Yɛ ɔ kpɛ wie blɛli i nin Lea-a. Kpɛkuun Rasɛl seli Lea kɛ: «Yaci, man min ɔ́ wa'n i mandragɔr'n wie.»

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ngɔjue Fɛfɛ Kpa'n 4:13

A ti nɔnman-nɔnman kɛ grenadie bɔ be nyin klanman fie'n nun, bɔ be mma'm be ti nɛnkɛn-nɛnkɛn kpa'n sa. Ene nin nar waka'm be fifi fie sɔ'n nun wie.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 6:11

N wɔli nuaye fie'n nun lɔ. N wɔli kongo'n nun lɔ. N wɔli waka mma bɔ be su fifi'n be nianlɛ. Min waan n ´ko nian sɛ vinyi'm be su fifi o! Min waan n ´ko nian sɛ grenadie'm be su bo nnyrɛ o!

Ngɔjue Fɛfɛ Kpa'n 8:1

Ee! Sɛ ɔ ti kɛ a ti min niaan bian yɛ sɛ a nɔnnin mín nin i nyɔnflɛn'n wie'n, wuun sɛ e nin wɔ e yia gua su lɔ'n nan e tɔ e wun nun'n, sran'm be nyin su ci-man min.

Ezai 23:18

Sanngɛ like ng'ɔ ´nyɛn i'n nin sika ng'ɔ ´nyɛn i'n, be ´yo Anannganman liɛ klonglo. Be su tiantian-man bé nuan, be su sie-man be lɛ. Sanngɛ be ´fa man be nga be tran Anannganman nyrun lɛ'n kɛ be `fa wie ta bé wun, yɛ be `fa kpa tralɛ nglanman-nglanman mun be `wla.

Matthieu 13:52

Yɛ ɔ seli be kɛ: «I sɔ'n ti, mmla klefuɛ kwlaa b'ɔ suan Nyanmiɛn sielɛ nun ninnge mun'n, ɔ ti kɛ awlo bo kpɛn kun b'ɔ yi ninnge uflɛ nin ninnge nvuɛn i bɛtrɔ'n nun sa.»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Jean 15:8

Sɛ an yo kɛ waka sama b'ɔ su kpanngban sa'n, b'ɔ man be wun kɛ an ti n sɔnnzɔnfuɛ'n, i sɔ'n nun yɛ n Si'n ´nyan kɔmin-ɔn.

1 Korɛntfuɛ Mun 16:2

Kɛ ɔ yo nan b'a minndɛ-man kɛ n ju lɔ nan b'a bo ndɔ'n, mɔnnɛn'n b'ɔ ti le mɔcuɛ'n i cɛn ba klikli'n i kwlaa nun, man amun kwlaa an yiyi sika nga amún sa ju su'n sie.

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!