Ngɔjue Fɛfɛ Kpa'n 7:12 - NYANMIƐN NDƐ'N 1998

¹² Min adeba, bla e `fite e wɔ blo lɔ. E `wɔ klɔ kaan wie su e ko la lɔ kɔnguɛ.

Ngɔjue Fɛfɛ Kpa'n 7:12 ပူးပေါင်းရင်းမြစ်များ

Jue Mun 122:5

Lɔ yɛ jɔlɛ dilɛ bia'n ɔ taka-a. Lɔ yɛ David i awlo'n i famiɛn bia'n ɔ wo-ɔ.

Jue Mun 43:4

Ee Nyanmiɛn, min Nyanmiɛn, n klun b'ɔ jɔ nin min wun b'ɔ kpaja min'n ti'n, n ´kɔ ɔ sɔwlɛ'n su lɔ, n ´kɔ wɔ sin, nan m ´bo jru m ´manman wɔ.

Jue Mun 73:25

?Nyanmiɛn su lɔ'n, min ukafuɛ yɛlɛ wan, sɛ nán wɔ'n? ?Asiɛ'n su wa'n, nguɛ yɛ n kunndɛ i ekun-ɔn? Afin sɛ n klun ´jɔ-ɔ ɔ fin wɔ, a fa ɔ wun a man min.

Ezipt Lɔ Tulɛ'n 25:22

Alaka'n i su tre'n i su lɛ yɛ e nin wɔ e wa yia-a, e ´yia anz nnyɔn'm be afiɛn'n nun lɛ. Lɛ yɛ n ´kan mín nuan su ndɛ n ´kle wɔ yɛ a ´kan kle Izraɛlfuɛ mun-ɔn.»

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Ngɔjue Fɛfɛ Kpa'n 2:13

Figie mma'm be su tin, Vinyi'm be nyrɛ'n i fannin'n ɔ bɔn lika'n nun fɛɛn. N janvuɛ klanman, min adeba, jaso bla.»

Ngɔjue Fɛfɛ Kpa'n 2:15

E vinyi'm b'a bo nyrɛ. Amun `tra nsoso mun, nnɛn kanngan sɔ'm be saci vinyi mun.

Ngɔjue Fɛfɛ Kpa'n 4:13

A ti nɔnman-nɔnman kɛ grenadie bɔ be nyin klanman fie'n nun, bɔ be mma'm be ti nɛnkɛn-nɛnkɛn kpa'n sa. Ene nin nar waka'm be fifi fie sɔ'n nun wie.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 6:11

N wɔli nuaye fie'n nun lɔ. N wɔli kongo'n nun lɔ. N wɔli waka mma bɔ be su fifi'n be nianlɛ. Min waan n ´ko nian sɛ vinyi'm be su fifi o! Min waan n ´ko nian sɛ grenadie'm be su bo nnyrɛ o!

Ngɔjue Fɛfɛ Kpa'n 7:11

N ti min adeba'n i liɛ, yɛ min yɛ i konvi sɔ min-ɔn.

Ngɔjue Fɛfɛ Kpa'n 7:6

Ɔ ti'n ɔ jin ɔ́ ti su sa ceiin kɛ Karmɛl oka'n sa. Ɔ ti'n bɔ b'a yo'n, i wafa'n waan ɔ ´yo ɔkwlɛ kankankan. Kɛ famiɛn kun nian ɔ timuɛn'n sa'n, ɔ jran-an ɔ jran-man.

Ezai 18:5

Afin kɛ vinyi'n ɔ'a wie nyrɛ bo'n, kɛ ɔ ko su'n bɔ i mma'n ko tin'n, i sin nan b'a ti vinyi mma sɔ'n, be fa bese be kpɛkpɛ vinyi ja'n i sama nga b'a su-man'n, yɛ be kpɛkpɛ i sama kanngan nga be su mma'n.

Sa nga bé yôli'n 15:36

Kɛ ɔ dili le nnyɔn kun'n, Pɔl seli Barnabas kɛ: «Man e ko nian e niaan nga be o klɔ nga e kannin e Min'n i ndɛ be su'n be osu, man e sin klɔ sɔ'm be kwlaa su nan e wun kɛ e niaan'm be ti ju'n.»

Rɔmfuɛ Mun 5:11

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

2 Korɛntfuɛ Mun 13:5

Amun bɔbɔ an `bu amun klun lɔ nian sɛ an lafi Krist su sakpa o. Sɛ an yo i sɔ'n, nan sɛ an wun kɛ an nun-man be bɔ b'a lafi-man Krist su'n be nun wie'n, amun ´wun i wlɛ kɛ Krist nin amun yɛ ɔ wo-ɔ.

Efɛzfuɛ Mun 6:24

Yɛ e Si Nyanmiɛn man be kwlaa nga be klo e Min Jésus-Krist lele guɛ i ti nin i bo'n be nyan ye!

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Hébreu 2:13

Ɔ kɛnnin i ekun kɛ: «N ´fa n wla'n guɛ i su.» Yɛ ɔ kɛnnin i ekun kɛ: «An `nian, min nin ba nga Nyanmiɛn fa be mannin min'n e yɛ .»

Hébreu 2:15

Yɛ ɔ ´de be kwlaa nga kɛ be wuli be lele'n wie'n i srolɛ ti b'a kaci kɛ kanga sa'n.

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.