Ngɔjue Fɛfɛ Kpa'n 6:8 - NYANMIƐN NDƐ'N 1998

⁸ Famiɛn'n i yi'm be ti ablesiɛn, i soman'm be ti ablaɔcuɛ, yɛ i talua'm be liɛ be si-man be nuan.

Ngɔjue Fɛfɛ Kpa'n 6:8 ပူးပေါင်းရင်းမြစ်များ

1 Famiɛn Mun 11:1

Famiɛn Salomɔn jali nvle uflɛ'm be nun bla mun sa kakaka. Kɛ ɔ jali Ezipt famiɛn i wa bla'n, i sin ɔ wa jali Moab, nin Amɔn, nin Edɔm, nin Sidɔn, ɔ nin Ɛt mmla wie mun.

1 Famiɛn Mun 11:3

I bo bla'm be ti ya nso. I soman'm be ti ya nsan. Be kwlakwla sɔ'n be kacili i anwlɛn'n.

2 Be Nyoliɛ 11:21

Rɔbɔam kloli Absalɔm wa Maaka sa trɛli i yi nin i soman'm be kwlaa. I yi nga be trannin i bo'n be ti blu-nin-mɔcuɛ, yɛ i soman'm be yoli ablesiɛn. I mma yasua'm be yoli ablaɔn-nin-mɔcuɛ, yɛ bla'm be yoli ablesiɛn.

Jue Mun 45:14

Kɛ famiɛn'n i wa bla'n ti famiɛn sua'n nun sa'n, ɔ yo nyɛnmɛn dan o! Tralɛ ng'ɔ wlɛ i wun'n, sika ɔkwlɛ o nun sɛsɛsɛ.

Jue Mun 45:9

Mir, nin aloɛs, ɔ nin kanɛl bɔ be bɔn fannin'n, be bɔn ɔ tralɛ'm bé nun. Famiɛn sua bɔ sui je o nun sɛsɛsɛ'n, sran'm be bo ngowa kanlɛ like mun i nun lɔ, ɔ klun jɔ.

Ngɔjue Fɛfɛ Kpa'n 1:3

Sɛ ɔ ti nyanngo bɔ be kpakpa'n, wuun n ´se kɛ ɔ bɔn fannin dan. Ɔ bɔbɔ wunmuan'n a ti kɛ nyanngo fannin sa. Sɛ talua'm be klo wɔ'n, kannzu nán ngbɛn-ɔn!

Sa nglô yile 7:9

I sin, n niannin lɔ ekun, n wunnin sran kpanngban kpa, sran fi kwla ka-man be, sran sɔ'm be fin mɛnmɛn'n kwlaa nin nvle-nvle'n kwlaa nun, nin sran wafa-wafa'n kwlaa o be nun, be ijɔ aniɛn wafa-wafa'n kwlaa. Be jinjin bia'n nin Bua Gbanflɛn'n be nyrun lɛ, tralɛ ufue o be wun, yɛ mme nnya o bé sa nun.