Ngɔjue Fɛfɛ Kpa'n 6:4 - NYANMIƐN NDƐ'N 1998

⁴ A ti klanman o! Min adeba, a ti klanman kɛ Tirza klɔ'n sa. A ti klanman kɛ Zerizalɛm klɔ'n sa. Sanngɛ a yo sro kɛ sonja akpasua wie bɔ be titi be flanga'n i bo lɛ'n sa.

Ngɔjue Fɛfɛ Kpa'n 6:4 ပူးပေါင်းရင်းမြစ်များ

1 Famiɛn Mun 14:17

Yɛ Zeroboam i yi'n jaso ɔli-ɔ. Ɔ ko juli Tirza. Kɛ ɔ juli sua'n i anuan'n nun sa cɛ'n, yɛ ba'n wuli-ɔ.

1 Famiɛn Mun 15:21

Kɛ Baɛsa tili'n, ɔ yacili Rama i wun silɛ'n, yɛ ɔ sɛli i sin Tirza-a.

1 Famiɛn Mun 15:33

Kɛ Aza yoli Zida famiɛn'n, i afuɛ nsan su yɛ Asiza i wa Baɛsa kusu yoli Izraɛl wunmuan'n i su famiɛn-ɔn. Ɔ yoli famiɛn afuɛ ablaɔn-nin-nnan. Ɔ trannin Tirza.

Jue Mun 48:2

Anannganman ti dan. Kɛ ɔ o i bɔbɔ i klɔ'n nun nin i oka'n su'n, ɔ nin manmanlɛ fata lele tra su.

Jue Mun 48:3

Oka sɔ'n ti klanman, ɔ ti asiɛ wunmuan'n i aklunjuɛ like. Siɔn oka'n yɛ ɔ ti asiɛ'n su klɔ'm bé bo nin-ɔn, i yɛ ɔ ti famiɛn dan'n i klɔ nin-ɔn .

Jue Mun 50:2

Siɔn b'ɔ ti klanman dan'n, i nun lɔ yɛ Nyanmiɛn'n ɔ fin-ɔn. Ɔ kpaja weiin yɛ ɔ ba-a.

Ngɔjue Fɛfɛ Kpa'n 1:15

A ti klanman o, min janvuɛ kpa! A ti klanman dan o! Ɔ nyinma'm be klanman'n ti kɛ auble'm be klanman'n sa.

Ngɔjue Fɛfɛ Kpa'n 1:5

Zerizalɛm talua mun, min wunnɛn'n ɔ dun, sanngɛ nanwlɛ n ti klanman kɛ Kedarfuɛ'm bé tannin sua'm be sa, n ti kɛ famiɛn i sua'n i rido nglanman'm be sa.

Ngɔjue Fɛfɛ Kpa'n 2:14

A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ngɔjue Fɛfɛ Kpa'n 4:7

N janvuɛ kpa, a ti klanman dan. Fɔ fi nun-man ɔ́ wun.

Ngɔjue Fɛfɛ Kpa'n 5:2

Lafilɛ'n ɔ'a fa min, sanngɛ sɛ min akunndan'n ti sran'n, wuun n ´se kɛ i nyin o su. N ti min adeba'n i nɛn'n. Ɔ bobo anuan'n, i waan: Min niaan bla, n janvuɛ kpa, min auble, manmin klanman beblebe, tike min anuan. Bɔlɛ'n ɔ'a gua min ti'n su. Kɔnguɛ bɔlɛ'n ɔ'a lua mín timuɛn'n sa pɔtii.

Ngɔjue Fɛfɛ Kpa'n 6:10

«?Wan yɛlɛ bla ng'ɔ ti i liɛ kɛ wia b'ɔ su tu i bo sa'n? Ɔ ti klanman kɛ anglo ba'n sa. Ɔ ti kɛ wia b'ɔ su kpaja'n sa. Sanngɛ ɔ yo sro kɛ sonja akpasua wie bɔ be titi be flanga'n i bo lɛ'n sa.»

Ngwlɛ Yilɛ 2:15

Be kwlaa nga be sin wa'n, kɛ bé wun ɔ sacilɛ bɔ ɔ'a saci'n, ɔ yo be fɛ, be bo ndɛ. Srilɛ'n yɛ be sri wɔ-ɔ. Be keje be ti'n yɛ be usa kɛ: «?Zerizalɛm klɔ nga be blɔ i klanman beblebe'n, b'ɔ ti asiɛ'n wunmuan'n i cenjele like'n, yɛ ɔ'a yo yɛ?»

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

2 Korɛntfuɛ Mun 10:4

Afin like nga e fa kun alɛ'n, be fin-man sran, be fin Nyanmiɛn, be ti kekleke, ɔ man be kwla bu awa ngbli-ngbli mun. E bu be kwlaa nga be akunndan'n ti tɛ'n be bue,

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Sa nglô yile 21:2

Yɛ n wunnin Nyanmiɛn klɔ'n, ɔ fin i wun lɔ ɔ su jra. Ɔ ti kɛ atɔnvlɛ bɔ ɔ'a fɛfɛ i wun ɔ su minndɛ i wun'n sa. Klɔ sɔ'n yɛlɛ Zerizalɛm uflɛ'n .