Ngɔjue Fɛfɛ Kpa'n 6:2 - NYANMIƐN NDƐ'N 1998

² Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 6:2 ပူးပေါင်းရင်းမြစ်များ

Ngɔjue Fɛfɛ Kpa'n 2:16

Min adeba'n ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 4:12

Min niaan bla, min yi, a ti kɛ wunmiɛn delɛ lika kun bɔ i wun ti sisiwa'n sa. A ti kɛ nzue ti kun bɔ i wun ti sisiwa'n sa. Yɛ a ti kɛ nzue b'ɔ fin like nun fite, bɔ i anuan'n nun ti towa'n sa.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 4:5

Ɔ nyɔnflɛn nnyɔn'm be ti kɛ wannzannin ba nnyɔn sa. Be ti kɛ wannzannin nda nnyɔn bɔ be jin lis nun be su didi'n sa.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 5:13

A wun i fuka mun-ɔn, ɔ waan b'a kpɛ lika wie nan b'a ta nun nnya-nnya nin ijre fannin fannin sa. I fuka'm be ti fuaii mlanmlan kɛ lis sa. Be su'n ti mir ngunmin.

Ngɔjue Fɛfɛ Kpa'n 6:11

N wɔli nuaye fie'n nun lɔ. N wɔli kongo'n nun lɔ. N wɔli waka mma bɔ be su fifi'n be nianlɛ. Min waan n ´ko nian sɛ vinyi'm be su fifi o! Min waan n ´ko nian sɛ grenadie'm be su bo nnyrɛ o!

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 57:1

Sran kpa'm be wu, sanngɛ sran fi ndɛ nun-man be ndɛ nun. Sran kpakpa'm be wu, sanngɛ sran fi wun-mɛn i wlɛ kɛ kɛ ɔ ´yo nan nyrɛnnɛn ɔ'a tɔ-man sran'm be su'n, i ti yɛ man be wu sɔ-ɔ.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Ezekiɛl 34:23

N wa sie bé su bua sunianfuɛ kun, b'ɔ si min bua'm be su nian. Sran sɔ'n yɛlɛ min sufuɛ David. I liɛ'n, ɔ si min nnɛn'm bé su nian, i liɛ'n, ɔ ti bua tafuɛ kpa .

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Jean 14:3

Sɛ n kɔ nan n wie i siesie'n, m ´ba m ma fa amun nan lika nga n tran lɔ'n, an `tran lɔ wie.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»