Ngɔjue Fɛfɛ Kpa'n 6:11 - NYANMIƐN NDƐ'N 1998

¹¹ N wɔli nuaye fie'n nun lɔ. N wɔli kongo'n nun lɔ. N wɔli waka mma bɔ be su fifi'n be nianlɛ. Min waan n ´ko nian sɛ vinyi'm be su fifi o! Min waan n ´ko nian sɛ grenadie'm be su bo nnyrɛ o!

Ngɔjue Fɛfɛ Kpa'n 6:11 ပူးပေါင်းရင်းမြစ်များ

Bo Bolɛ 2:9

Anannganman Nyanmiɛn yoli man waka nga be wun be-ɔ, be ko klo be'n, bɔ kusu be mma'm be yo fɛ'n, be fifili lɔ. Nguan waka'n, ɔ nin sa tɛ nin sa kpa'n be silɛ waka'n be o fie'n i afiɛn .

Bo Bolɛ 40:10

Vinyi waka sɔ'n ɔ lɛ sama nsan, be fɛfɛli, be boli nnyrɛ, kpɛkuun be sɔsɔwa'm be su mma'm be bloli.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 6:12

Kpɛkuun, n konvi ɔ'a sɔ wɔ. N wun-man sa nga wlɛ. Ɔ waan sran b'ɔ wo alɛ kakaklolo nun bɔ i konvi ɔ'a sɔ alɛ kɔlɛ'n sa.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 7:12

Min adeba, bla e `fite e wɔ blo lɔ. E `wɔ klɔ kaan wie su e ko la lɔ kɔnguɛ.

Ngɔjue Fɛfɛ Kpa'n 7:13

E `wɔ vinyi fie'n nun lɔ nglɛmun ndɛ kpa'n. E `ko nian sɛ vinyi'm b'a bo nnyrɛ o, sɛ be nyrɛ'm b'a kpuke o, sɛ grenadie'm b'a bo nyrɛ o. Sɛ e ju lɔ'n, n ´fa min wun m man wɔ.

Marc 11:13

Ɔ wunnin figie bo kun mmua lɔ, nnya o su. Ɔ ɔli kɛ ɔ ko nian sɛ ɔ ´nyan mma wie su o, sanngɛ kɛ ɔ wunngeli lɔ'n, ɔ'a wun-man like fi san i nnya'n, afin nán figie'm be sulɛ blɛ nin-ɔn.

JÉSUS-CHRIST I DYASIN FE'N BO LUC KLELI'N 13:7

Yɛ ɔ seli vinyi fie'n i sunianfuɛ'n kɛ: ‹Nian, figie bo kun nga, kɛ m bɛ i nianlɛ nan sɛ mma o su-ɔ n ´ti'n, bɔ ɔ'a su-man'n, i afuɛ nsan yɛ, i sɔ'n ti, bu i bo. ?Nguɛ yɛ ɔ jin lɛ yo-ɔ?›

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Sa nga bé yôli'n 15:36

Kɛ ɔ dili le nnyɔn kun'n, Pɔl seli Barnabas kɛ: «Man e ko nian e niaan nga be o klɔ nga e kannin e Min'n i ndɛ be su'n be osu, man e sin klɔ sɔ'm be kwlaa su nan e wun kɛ e niaan'm be ti ju'n.»