Ngɔjue Fɛfɛ Kpa'n 6:10 - NYANMIƐN NDƐ'N 1998

¹⁰ «?Wan yɛlɛ bla ng'ɔ ti i liɛ kɛ wia b'ɔ su tu i bo sa'n? Ɔ ti klanman kɛ anglo ba'n sa. Ɔ ti kɛ wia b'ɔ su kpaja'n sa. Sanngɛ ɔ yo sro kɛ sonja akpasua wie bɔ be titi be flanga'n i bo lɛ'n sa.»

Ngɔjue Fɛfɛ Kpa'n 6:10 ပူးပေါင်းရင်းမြစ်များ

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

Zɔb I Nyrɛnnɛn Wunlɛ 11:17

Siɛn'n ɔ nguan'n, sɛ ɔ ti like bɔ be wun i nin be nyinma'n, wuun n ´se kɛ ɔ ´kpaja kɛ wia jran wia'n sa. Ɔ nguan'n nun aosin'n, ɔ ´kaci kɛ nglɛmun lika b'ɔ kpaja'n sa.

Zɔb I Nyrɛnnɛn Wunlɛ 31:26

Kɛ n ´wun kɛ wia'n ɔ kpaja klanman'n, annzɛ kɛ n ´wun kɛ anglo'n i nantilɛ'n ɔ yo nyɛnmɛn'n,

Jue Mun 14:5

Be klun wa suan be, yɛ be ´usu sa tututu! Afin be ´wun kɛ Nyanmiɛn o sran kpa'm be afiɛn.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Ngɔjue Fɛfɛ Kpa'n 1:15

A ti klanman o, min janvuɛ kpa! A ti klanman dan o! Ɔ nyinma'm be klanman'n ti kɛ auble'm be klanman'n sa.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ngɔjue Fɛfɛ Kpa'n 6:4

A ti klanman o! Min adeba, a ti klanman kɛ Tirza klɔ'n sa. A ti klanman kɛ Zerizalɛm klɔ'n sa. Sanngɛ a yo sro kɛ sonja akpasua wie bɔ be titi be flanga'n i bo lɛ'n sa.

Ngɔjue Fɛfɛ Kpa'n 8:5

?Nan bla onin yɛ ɔ fin aawlɛ flɛnnɛn'n nun lɔ ba b'ɔ kisɛ i adeba'n su nin-ɔn? N tinngeli wɔ pɔmun waka'n bo lɛ kan ɔ́ nin wunnzɛli wɔ lɛ'n. N tinngeli wɔ kan ɔ wuli wɔ'n lɛ'n, kan a wunnin wia'n i wun lɛ'n.

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

Ezai 63:1

?Wan yɛ ɔ fin Bɔzra b'ɔ ti Edɔm mɛn'n i famiɛn klɔ'n su lɔ ba-a, b'ɔ wla tralɛ ɔkwlɛ youun nin-ɔn? Ɔ wla tralɛ dan kun b'ɔ ti klanman kpa, ɔ ´nanti-ɔ, i ti'n man su, ɔ nanti fanngan su. Anannganman waan: «Min bɔbɔ-ɔ, min bɔ n kan ndɛ i nuan su nin-ɔn, min bɔ n lɛ sran'm be delɛ'n i wun fanngan nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 6:5

I sɔ'n ti, ndɛ nga n ´fa wla mín nuan ijɔfuɛ'm bé nuan kɛ be `kan kle amun'n, ɔ ti amún sa yalɛ ndɛ, ɔ ti amun wie ndɛ. I sɔ ndɛ liɛ'n, ɔ ´yo weiin sran kwlakwla nyrun.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Sa nglô yile 1:16

Nzraama nso wo i sa fama'n nun, yɛ tokofi nnana kpa kun wo i nuan nun. I nyrun'n ti kɛ wia'n b'ɔ fi kpa'n sa .

Sa nglô yile 10:1

Yɛ n wunnin anz wunmiɛnfuɛ kun, ɔ fin nyanmiɛn su lɔ ɔ su jra. Nyanmiɛn ble kun wo i wun, nyanngondin sin yiɛ i ti'n, i nyrun'n ti kɛ wia'n sa, yɛ i ja waka'n ti kɛ sin b'ɔ jue tiaan'n sa.

Sa nglô yile 12:1

Abonuan sa dan kun fiteli nglo nyanmiɛn su lɔ: bla kun klali wia'n kɛ kondro sa. Yɛ i ja'n takataka anglo'n su. Nzraama blu-nin-nnyɔn be ti kɛ sika kle sa, kle sɔ'n ɔ o i ti.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .

Sa nglô yile 22:16

Min Jésus, n sunmannin min anz'n kɛ ɔ wa kan sa sɔ'n kwlaa kle amun asɔnun'm be nun. N fin David osu'n nun, i anunman yɛlɛ min. Min yɛ n ti awuɛ nzraama nin-ɔn .»

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .