Ngɔjue Fɛfɛ Kpa'n 5:4 - NYANMIƐN NDƐ'N 1998

⁴ Min adeba'n fɛli i sa'n wlɛli i fenɛtri'n i toklo'n nun. Ɔ yoli min annvɔ, i ti min anwlɛnba'n sisi n klun lɔ sa kpu kpu kpu.

Ngɔjue Fɛfɛ Kpa'n 5:4 ပူးပေါင်းရင်းမြစ်များ

Bo Bolɛ 43:30

Kɛ Zozɛf wunnin i niaan Bɛnzamɛn'n, ayrɛ nzinma ka lɛ guɛli i wun, ɔ jran lɛ-ɔ ɔ yo-man ye kun, nan ɔ'a wlu i sua ba'n nun lɔ ndɛndɛ ɔ'a ɔ sunlɛ.

Bo Bolɛ 7:11

Noe i afuɛ ya nsiɛn'n i anglo nnyɔn'n su i le blu le nso su'n su yɛ nzue ng'ɔ wo asiɛ'n i bo lɔ'n kpukeli-ɔ, yɛ nyanmiɛn su lɔ nzue'n kusu i anuan'n tikeli-ɔ.

1 Famiɛn Mun 3:26

Kɛ bla nga i wa'n i nyin o su'n tili'n, i wa'n yoli i annvɔ. I waan: «Nannan, n ´srɛ wɔ kpa ti-ɔ, man be fa ba nga i nyin o su'n be `mɛn i, nán be kun i.» Sanngɛ kun'n i waan: «Man be kpɛ i nun! I liɛ'n, ba'n ɔ su yo-man min liɛ, kusu ɔ su yo-mɛn i liɛ.»

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Sa nga bé yôli'n 16:14

Bla kun b'ɔ su Nyanmiɛn'n wo lɛ, be flɛ i kɛ Lidi, ɔ fin klɔ'n bɔ be flɛ i Tiatir'n su, ɔ yo tannin kpakpa bɔ i nyin ti ɔkwlɛ kankankan atɛ. Ɔ sie i su e ndɛ'n su, e Min'n man i akunndan tran ndɛ bɔ Pɔl kan'n su, nan ɔ'a fa su.

2 Korɛntfuɛ Mun 8:16

Nyanmiɛn kwla o! Afin ɔ yoli man amun ndɛ lo Tit kusu.

Filipfuɛ Mun 2:13

afin Nyanmiɛn bɔbɔ yɛ ɔ man i klun sa yolɛ'n yo amun fɛ yɛ man an kwla yo-ɔ.