Ngɔjue Fɛfɛ Kpa'n 5:2 - NYANMIƐN NDƐ'N 1998

² Lafilɛ'n ɔ'a fa min, sanngɛ sɛ min akunndan'n ti sran'n, wuun n ´se kɛ i nyin o su. N ti min adeba'n i nɛn'n. Ɔ bobo anuan'n, i waan: Min niaan bla, n janvuɛ kpa, min auble, manmin klanman beblebe, tike min anuan. Bɔlɛ'n ɔ'a gua min ti'n su. Kɔnguɛ bɔlɛ'n ɔ'a lua mín timuɛn'n sa pɔtii.

Ngɔjue Fɛfɛ Kpa'n 5:2 ပူးပေါင်းရင်းမြစ်များ

Bo Bolɛ 29:20

Zakɔb dili Rasɛl sin sia afuɛ nso. Kɛ ɔ klo Rasɛl'n ti, afuɛ nso sɔ'n sinnin i nyrun ndɛndɛ kɛ le nnyɔn sa.

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 81:10

Nán amuɛn tran amún sa nun! Nán amun su nvle kun nga'm be amuɛn mun.

Nyanndra Mun 23:26

Mín wa, fa ɔ́ wla'n gua min su. Min atin liɛ nga n fali su'n, fa su wie klanman.

Ngɔjue Fɛfɛ Kpa'n 1:16

A ti klanman o, min janvuɛ kpa! A ti klanman dan o! E bɛ'n ti ijre mɔnnɛn nin waka nnya.

Ngɔjue Fɛfɛ Kpa'n 2:10

Min adeba'n ɔ su ijɔ. Ɔ se min kɛ: «Min janvuɛ, bla klanman, bla e wɔ.

Ngɔjue Fɛfɛ Kpa'n 2:14

A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ngɔjue Fɛfɛ Kpa'n 2:8

N ti min adeba'n i nɛn'n. I yɛ ɔ ´ba lɔ-ɔ! Ɔ tu tra oka nin kpɔlɛ mun yɛ ɔ ba-a.

Ngɔjue Fɛfɛ Kpa'n 3:1

Kɔnguɛ'n, lafilɛ nun'n n kunndɛli n sran'n bɔ n klo i'n. N kunndɛli i lele ngbɛn.

Ngɔjue Fɛfɛ Kpa'n 4:7

N janvuɛ kpa, a ti klanman dan. Fɔ fi nun-man ɔ́ wun.

Ngɔjue Fɛfɛ Kpa'n 4:9

Min niaan bla, min yi, kɛ a to ɔ́ nyin mín su sa'n, sɛ kpɛ kunngba bɔbɔ-ɔ, n jran-an ɔ jran-man kun. Kɛ n nian ɔ kɔmin afle'n, sɛ kpɛ kunngba cɛ yɛ n niannin bɔbɔ-ɔ, n jran-an ɔ jran-man kun.

Ngɔjue Fɛfɛ Kpa'n 5:11

I ti'n ɔ ti klanman kɛ sika ɔkwlɛ mɔnnɛn sa. I timuɛn'n ɔ ti tɔlɛtɔlɛ kɛ waka nyrɛ sa. I timuɛn sɔ'n ɔ ti ble tikitiki kɛ kɔkɔkuankuan i wunnɛn'n sa.

Ngɔjue Fɛfɛ Kpa'n 5:6

Yɛ n tikeli min adeba'n i anuan-an. Kannzu ɔ'a sɛ i sin ɔ'a ɔ. Kɛ ɔ ´flɛ min lɛ'n, m'an wun-man nun kpa. Yɛ n ´wanndi n ´su i su-ɔ. N kunndɛli i lele nán wunlɛ yɛ n ko wun i-ɔ. N flɛli i lele m'an ti-mɛn i ngan.

Ngɔjue Fɛfɛ Kpa'n 6:9

Sanngɛ bla kunngba cɛ yɛ min nyin o i sin-ɔn. I yɛ ɔ ti kɛ min auble sa-a, fɔ ba kun sa nun-mɛn i wun. Ɔ ti i nin i wa bla kunngba cɛ, i yɛ i nin klo i-ɔ. Kɛ talua'm be wun i'n, be se i kɛ ɔ liɛ su ti ye . Famiɛn'n i yi mun nin i soman mun be yi i ayɛ, be se kɛ:

Ngɔjue Fɛfɛ Kpa'n 7:9

I ti min waan n ´fu mme'n su nan n ´ko trɛ i otre'n sa kplo. Man ɔ nyɔnflɛn'n yo kɛ vinyi mma'n i sɔsɔwa'n sa. Man ɔ bue buɛ'm be nun bɔn fɛɛn kɛ pɔmun fanninfannin sa.

Ngɔjue Fɛfɛ Kpa'n 8:7

Man klolɛ'n ɔ yo kɛ like bɔ be wun i nin be nyinma'n sa, yɛ man be fa jenvie'n i nun nzue'n kwlaa be utu su, ɔ su kwla kɛn-mɛn i ase. Man nzue ba'm be kwlaa be sonji sin su, sanngɛ be nunnun i-ɔ ɔ yo-man ye. Kannzɛ man sran kun fɛ i bo ninnge kpakpa'n kwlaa man kɛ ɔ ´fa to klolɛ'n, san finfin cɛ yɛ be ´yo i-ɔ.

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Ezai 52:14

Kɛ sran sunman be wunnin i'n, srɛ kunnin be dan. Afin kɛ a wun i nyrun'n sa'n, a wun-mɛn i sran wlɛ kun, i wafa'n ti-man kɛ sran'm be liɛ'n sa kun.

Daniɛl 8:18

Kɛ ɔ ´ijɔ kle min'n, wuun mín nyin tɛ utu ase, mín nyrun bluli. Ɔ fɛ i sa kannin min, kpɛkuun ɔ yoli man n jasoli.

Zakari 4:1

N wo lɛ kpɛkuun ɔ yo kɛ lafilɛ yɛ n su lafi sa, kpɛkuun anz nga e nin i e koko yalɛ'n ɔ'a tinnge min.

Matthieu 7:8

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

Matthieu 8:17

I sɔ'n nun'n, ndɛ nga Nyanmiɛn nuan ijɔfuɛ Ezai kɛnnin i kɛ: «I bɔbɔ fali e wunnɛn ya'n, yɛ ɔ fa e tukpacɛ'n suali'n ,» ɔ kpɛnnin su.

Marc 1:35

Nglɛmun ndɛ kpa'n kɛ lika'n tɛ dun'n, ɔ jao fitɛli, ɔ ɔli aawlɛ flɛnnɛn nun lɔ lika kun b'ɔ ti diin'n nun, ɔ nin Nyanmiɛn be ko koko yalɛ.

JÉSUS-CHRIST I DYASIN FE'N BO LUC KLELI'N 22:44

Kɛ i awlaboɛ'n ´yo dan'n, ɔ miɛn i nyin kan ndɛ kle Nyanmiɛn cinnjin kpa, nvufle kpa'n tu i pataa, nvufle sɔ'n ɔ kaci kɛ mmoja sa, ɔ gua srosrosrosro.]

JÉSUS-CHRIST I DYASIN FE'N BO LUC KLELI'N 6:12

Kɛ ɔ yoli sɔ'n, le kun Jésus ɔli oka kun su kɛ ɔ ko srɛ Nyanmiɛn, ɔ srɛli Nyanmiɛn lele aliɛ'n cɛnnin i.

JÉSUS-CHRIST I DYASIN FE'N BO LUC KLELI'N 9:32

Lafilɛ'n fali Piɛr nin i wiengu mun. Kɛ be tinngeli cɛ'n, be wunnin Jésus bɔ i nyrun'n ti nyannyan ɔ yo sro'n, ɔ nin sran nnyɔn bɔ be nin i o lɛ'n.

Jean 10:4

Kɛ ɔ'a fa be kwlaa a fite lɔ'n, ɔ dun mmua be nyrun, be su i su, afin be si i nɛn'n.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Efɛzfuɛ Mun 5:14

afin sɛ be wun like'n kwlaa be wafa nga be ti'n i weiin'n, kpɛkuun be wun ase. I sɔ'n ti be seli kɛ: «Lafifuɛ, tinnge, jao fuɛn'm be nun yɛ Krist man a ´wun ase .»

Sa nglô yile 14:4

Sran sɔ mun yɛlɛ be nga b'a fɔnndɔn-man bé wun bla kunndɛlɛ nun'n, afin be niannin bé wun su kpa. Lika kwlaa nga Bua Gbanflɛn'n ´kɔ'n, be su i su. Be kpɔli bé ti sran'm be nun kɛ be `yo Nyanmiɛn nin Bua Gbanflɛn'n be sran'm be nun klikli.

Sa nglô yile 3:20

An `nian, n jin anuan sin, m bobo. Sran ng'ɔ ti min nɛn'n nan ɔ tike'n, n ´wlu i lika lɔ, yɛ min nin i e ´di like.

Sa nglô yile 3:4

Sanngɛ an lɛ sran wie mun Sard wa bɔ b'a yo-man be tralɛ'n fiɛn. Be ´wla bé wun tralɛ ufue, min nin be e ´san nun, afin sɛ be yo sɔ-ɔ ɔ ti su.