Ngɔjue Fɛfɛ Kpa'n 5:15 - NYANMIƐN NDƐ'N 1998

¹⁵ A wun i ja mun-ɔn, ɔ waan marbru ufue wie yɛ b'a sɛsɛ i mlomlo nan b'a fa kplankplan sika ɔkwlɛ like wie nun sa. Sika ɔkwlɛ sɔ'n ti jrɛiin kpa. Kɛ ɔ jin sa'n, ɔ yo nyɛnmɛn o, ɔ waan Liban lɔ oka wie-ɔ! Kɛ ɔ jin sa'n, ɔ ti sɔ seiin, ɔ waan sɛdri waka wie-ɔ.

Ngɔjue Fɛfɛ Kpa'n 5:15 ပူးပေါင်းရင်းမြစ်များ

Jue Mun 80:10

A dun mmua yoli lika'n i wein fie sɔ'n ti. I nun waka'm be fifili, be trali ndin, yɛ be trɛli mɛn wunmuan sɔ'n nun.

Jue Mun 92:12

N wun min kpɔfuɛ'm be kwlaa be tɔlɛ'n nun, n ti be nga be yo min sa tɛ'n be kpanlɛ'n.

Jue Mun 92:13

Sran nga Nyanmiɛn bu be sran kpa'n, be nyin flololo kɛ mme'n sa, be trɛ kɛ Liban lɔ sɛdri waka'n sa.

Ezipt Lɔ Tulɛ'n 26:19

Man be klo jɛtɛ ufue be fa yo waka paplaapla'm be ja'm be takawlɛ. Man waka paplapa kun nyan ja takawlɛ nnyɔn bɔ i nun yɛ i ja nnyɔn be ´wlu-ɔ.

Ngɔjue Fɛfɛ Kpa'n 2:14

A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ngɔjue Fɛfɛ Kpa'n 4:11

Min yi, ɔ nuan bui'm be su ti nɛnkɛn-nɛnkɛn kɛ awɛma nzue sa. Ɔ taaman'n i bo ti awɛma nzue nin nɔnnɔn ngunmin. Ɔ tralɛ'm be bɔn klanman kɛ Liban waka mun sa.

Ngɔjue Fɛfɛ Kpa'n 7:4

Ɔ nyɔnflɛn nnyɔn'm be ti kɛ wannzannin ba nnyɔn bɔ bé nin wuli be nda'n sa.

Ngwlɛ Yilɛ 4:7

Famiɛn'm bɔ laa be ti saun Nyanmiɛn nyrun'n, bɔ fiɛn kaan sa nun-man bé wun'n, famiɛn'm bɔ laa be wunnɛn ba sa'n, sɛ i waan ɔ loko'n ɔ loko kɛ likɛ'n, bɔ be nyrun'n ɔ ti sa mlanmlanmlan'n,

Ezekiɛl 17:23

N ´tɛ i oka nga b'ɔ ti fleiin kpa Izraɛl lɔ'n i su. Ɔ ´nyan sama, yɛ ɔ ´su mma. Ɔ ´yo sɛdri klanman kpa. Anunman wafa'n kwlaa be ´ko trɛn i sama fleiin'm be fɔnvɔ'n bo.

Ezekiɛl 31:8

Nyanmiɛn i fie'n nun lɔ sɛdri waka fi nin i be sɛ-man, siprɛs waka'm be sama'm be klanman ju-mɛn i liɛ'm be nun. Platani i waka mun be ti-man kɛ i sama'm be sa. Waka fi nun-man Nyanmiɛn fie'n nun bɔ i klanman to i-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 14:7

Izraɛlfuɛ'm be wa yo mlanmlan, be ´yo klanman kɛ olivie sa, sɛ n ´kwla se'n, be ´bɔn fannin kɛ Liban bo'n fa bɔn fannin'n sa.

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Matthieu 28:3

I wun'n kpaja kɛ nyanmiɛn i sin b'ɔ kpa'n sa, yɛ i tralɛ'n fɛn fitafita kɛ nyanmiɛn ufue sa.

Sa nga bé yôli'n 2:28

A kleli min nguan atin'n. Sɛ a ba min wun lɛ'n, kpɛkuun n klun ´jɔ dan kpa .›

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Jɔlɛ Difuɛ Mun 13:6

Bla'n ɔli ko kan kleli i wun'n kɛ: «Nyanmiɛn i sran wie wa toli min, sɛ Nyanmiɛn i anz a o, afin i nyrun'n yo sro. M'an usɛ-mɛn kan ɔ fin'n, i kusu ɔ'a bo-mɛn i dunman'n ɔ'a kle-man min.