Ngɔjue Fɛfɛ Kpa'n 5:10 - NYANMIƐN NDƐ'N 1998

¹⁰ Min adeba'n ɔ ti sa ɔkwlɛ biaii. Sɛ ɔ o sran akpi blu (10.000) be afiɛn bɔbɔ'n, i wlɛ wunlɛ yo-man ya.

Ngɔjue Fɛfɛ Kpa'n 5:10 ပူးပေါင်းရင်းမြစ်များ

Jue Mun 45:17

Famiɛn, ɔ mma yasua'm be wa sin ɔ́ si'm be osu. A ´sie be mɛn wunmuan'n i su kpɛnngbɛn.

Jue Mun 45:2

Ndɛ fɛfɛ kpa'n be kpɛn mín klun kɛ n `kpɛ jue nga m man famiɛn'n. N klo kɛ n ´kɛn i fɛfɛ kpa nan ɔ yo klanman kɛ be bɔ be si fluwa klɛ kpa'n be liɛ'n sa.

Ngɔjue Fɛfɛ Kpa'n 2:1

Sarɔn lɔ lika kpɛtɛkplɛɛ'n nun ijre nyrɛ'n yɛlɛ min. Kongo'm be nun ijre nyrɛ nga be flɛ i kɛ lis'n yɛlɛ min.

Ezai 10:18

Ɔ ´nunnun i bo nglanman-nglanman mun nin i fie bɔ be yo ye mun. Be wa yo kɛ tukpacɛfuɛ bɔ wunmiɛn nun-mɛn i nun kun'n sa.

Ezai 59:19

I liɛ'n, kɛ ɔ fɛ i wia afiliɛ lɔ lele b'ɔ ´fa ju wia atɔliɛ lɔ'n, be ´sro Anannganman i dunman'n nin i nyrun b'ɔ ti nyannyan'n. Sɛ i kpɔfuɛ'm be ba kɛ nzue dan sa bɔbɔ'n, i Wawɛ'n ɔ kan bé bo .

Ezai 66:19

N ´fa min sielɛ'n i nzɔliɛ'n n ´sie be afiɛn. Sɛ n di be jɔlɛ wie'n, be nga be ´ka lɛ'n, n ´sunman be Tarsisfuɛ mun, nin Pilfuɛ mun, ɔ nin Lidfuɛ'm bɔ be si ta'n i to kpa'm bé sin. N ´sunman be Tibalfuɛ mun nin Zavanfuɛ'm bé sin ekun. Asiɛ bɔ nzue sin yia be'n, bɔ be o mmua-mmua lɔ'n, bɔ be nian kan-man min wun ndɛ be nian ti-mɛn i lɔ le'n, bɔ lɔfuɛ'm be nian wun-man min nyrun nyannyan'n le'n, n ´sunman be nga be ´ka lɛ sɔ'm be lika sɔ'm be kwlaa be nun lɔ wie. Yɛ be nga n ´sunman be sɔ'n, be ´kan min nyrun bɔ n lɛ i'n i ndɛ kle nvle-nvle'm be nunfuɛ mun.

Ngwlɛ Yilɛ 4:7

Famiɛn'm bɔ laa be ti saun Nyanmiɛn nyrun'n, bɔ fiɛn kaan sa nun-man bé wun'n, famiɛn'm bɔ laa be wunnɛn ba sa'n, sɛ i waan ɔ loko'n ɔ loko kɛ likɛ'n, bɔ be nyrun'n ɔ ti sa mlanmlanmlan'n,

Rɔmfuɛ Mun 9:5

Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

Mmla'n 32:31

Afin be kpɔfuɛ'm be bɔbɔ be si kɛ be sasafuɛ'n nin be liɛ'n be ti-man kun.

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

Hébreu 2:10

Nanwlɛ, Nyanmiɛn b'ɔ yili like'n kwlaa bɔ i ti yɛ i kwlaa o lɛ'n, ɔ yoli sa ng'ɔ yo-ɔ ɔ nin i fata'n. Afin kɛ ɔ ´yo nan i mma kpanngban kpa b'a nyan i anyrunnyan'n wie ti, ɔ yoli man Jésus b'ɔ kpɛ atin man be nyan bé ti'n, ɔ yo sran bɔ nyrɛnnɛn b'ɔ wunnin i'n ti ɔ si atin sɔ'n kpɛ kpa.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

1 Samiɛl 16:12

Yɛ Izai man be ko flɛli i-ɔ. Gbanflɛn sɔ'n ti kpinndin-kpinndin, i nyinma'm be ti cɛnjɛiin, i nyrun'n ti saun kpa, yɛ Anannganman seli Samiɛl kɛ: «Jaso guɛ i ti su ngo, i-ɔ.»