Ngɔjue Fɛfɛ Kpa'n 5:1 - NYANMIƐN NDƐ'N 1998

¹ Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 5:1 ပူးပေါင်းရင်းမြစ်များ

Bo Bolɛ 37:25

Kɛ be wa trannin ase bɔ be ´di like'n, be ´nian-an, Ismaɛlfuɛ wie'm be nin be nyɔnngɔnmɛn mun yɛ be fin Galaad mɛn'n nun b'a kpɛ aawlɛ flɛnnɛn'n yɛ be su sin kɔ Ezipt yɛ. Ayre fannin, nin kpakpalɛ ninnge, nin mir o nyɔnngɔnmɛn'm bé sin.

Jue Mun 147:11

Be nga be nyin yi Anannganman'n, bɔ be lafi i klun-ufue'n su'n, be yɛ bé wun yo i fɛ-ɔ.

Jue Mun 16:3

Ɔ sufuɛ kpakpa nga be o mɛn nga nun'n, be cɛ yɛ m bu be sran yɛ n klo be-ɔ.

Nyanndra Mun 24:13

Mín wa, nɔn awɛma nzue'n, afin ɔ ti kpa. Ɔ yo fɛ.

Nyanndra Mun 9:5

«Amun `bla, amun `bla be wa di like nan an `nɔn min nzan nga m'an yi i yɛ'n wie.

Akunndanfuɛ'n 2:5

N dili n klun klo waka fie mun, n fali waka fanunfanun nga be su mma'n n fa n tali fie sɔ'm be nun.

Ngɔjue Fɛfɛ Kpa'n 1:13

Min anwlɛn su sran'n, ɔ ti kɛ mir fanninfannin sa, ɔ la min nyɔnflɛn'm be afiɛn nun.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 4:8

Min yi , jaso Liban lɔ bla min sin. Jaso Liban lɔ bla min sin. Jaso Amana oka'n su lɔ bla. Jaso Sɛnir nin Ɛrmɔn oka'm bé su kan asɔmɔli'm be la lɔ'n nan bla, jaso kan kangale'm be tran lɔ'n nan bla.

Ngɔjue Fɛfɛ Kpa'n 6:11

N wɔli nuaye fie'n nun lɔ. N wɔli kongo'n nun lɔ. N wɔli waka mma bɔ be su fifi'n be nianlɛ. Min waan n ´ko nian sɛ vinyi'm be su fifi o! Min waan n ´ko nian sɛ grenadie'm be su bo nnyrɛ o!

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 8:1

Ee! Sɛ ɔ ti kɛ a ti min niaan bian yɛ sɛ a nɔnnin mín nin i nyɔnflɛn'n wie'n, wuun sɛ e nin wɔ e yia gua su lɔ'n nan e tɔ e wun nun'n, sran'm be nyin su ci-man min.

Ngɔjue Fɛfɛ Kpa'n 8:13

Mmo klanman ɔ bɔ a o tro fie'm be nun lɔ'n, janvuɛ wie'm be kunndɛ kɛ be ´ti ɔ nɛn'n. Ijɔ man n ti. Se min kɛ:

Ezai 23:18

Sanngɛ like ng'ɔ ´nyɛn i'n nin sika ng'ɔ ´nyɛn i'n, be ´yo Anannganman liɛ klonglo. Be su tiantian-man bé nuan, be su sie-man be lɛ. Sanngɛ be ´fa man be nga be tran Anannganman nyrun lɛ'n kɛ be `fa wie ta bé wun, yɛ be `fa kpa tralɛ nglanman-nglanman mun be `wla.

Ezai 5:1

Min waan n ´to jue m bo flɛ min aenguɛ'n. Min aenguɛ'n ɔ nin i vinyi fie bé wun jue yɛ min waan n ´to-ɔ . Min aenguɛ'n ɔ lɛ i vinyi fie kun, i vinyi fie sɔ'n wo kpɔlɛ wie bɔ i asiɛ'n ti kpa'n su.

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Ezai 66:14

N ´yo i sɔ sakpa, amun ´wun i, yɛ amun klun wa jɔ, yɛ amun wunnɛn'n nun wa yo amun kpa kɛ munngun nun ijre uflɛ'n sa.» Anannganman ɔ ´yi i kwlalɛ b'ɔ kwla'n i nglo ´kle i sufuɛ mun, yɛ ɔ ´yi i ya'n kusu i nglo ´kle i kpɔfuɛ mun.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

JÉSUS-CHRIST I DYASIN FE'N BO LUC KLELI'N 12:4

«Amun bɔ an ti n janvuɛ'n, n ´kan ndɛ kun kle amun. Nán an sro be nga be kun sran, bɔ be kwla yo-mɛn i sa fi kun'n.

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

Sa nga bé yôli'n 11:29

Jésus sɔnnzɔnfuɛ'm be kwlaa be bo yoli kun kɛ sran'm be kwlakwla be fa like nga bé sa ju su'n be ko man aniaan nga be o Zide lɔ'n man be fa ti bé wun nyanman nun.

Efɛzfuɛ Mun 5:18

Nán an nɔn nzan bo, afin ɔ yo sran wannzo, sanngɛ man Nyanmiɛn Wawɛ'n sie amun mlɔnmlɔn.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Jɔlɛ Difuɛ Mun 14:11

Kɛ Filistifuɛ'm be wunnin i cɛ'n, be flɛli be nun sran ablasan kɛ be ko kɛn i wun yrɛ.

Jɔlɛ Difuɛ Mun 14:20

Be deli i yi'n be mannin i bɔbɔ i janvuɛ kpa kun kɛ ɔ jɛ i.