Ngɔjue Fɛfɛ Kpa'n 4:9 - NYANMIƐN NDƐ'N 1998

⁹ Min niaan bla, min yi, kɛ a to ɔ́ nyin mín su sa'n, sɛ kpɛ kunngba bɔbɔ-ɔ, n jran-an ɔ jran-man kun. Kɛ n nian ɔ kɔmin afle'n, sɛ kpɛ kunngba cɛ yɛ n niannin bɔbɔ-ɔ, n jran-an ɔ jran-man kun.

Ngɔjue Fɛfɛ Kpa'n 4:9 ပူးပေါင်းရင်းမြစ်များ

Bo Bolɛ 20:12

Sanngɛ sɛ n se kɛ min niaan'n, m'an bua-man ato. E nin i é si ti kun, é nin yɛ ɔ ti ngunmin-ngunmin-ɔn, yɛ n jɛli i-ɔ.

Bo Bolɛ 41:42

Famiɛn'n yili i sama ti nga'n ɔ fa wlali Zozɛf sa. Ɔ fali lɛn tralɛ kplɔkɔɔ fa wlɛli i wun. Ɔ wlɛli i njuaba .

Jue Mun 45:9

Mir, nin aloɛs, ɔ nin kanɛl bɔ be bɔn fannin'n, be bɔn ɔ tralɛ'm bé nun. Famiɛn sua bɔ sui je o nun sɛsɛsɛ'n, sran'm be bo ngowa kanlɛ like mun i nun lɔ, ɔ klun jɔ.

Nyanndra Mun 1:9

Afin ɔ ti ɔ bɔbɔ ɔ nyrunnyan. Ɔ ti kɛ njuaba yɛ ɔ wla ɔ kɔmin sa.

Nyanndra Mun 6:25

Nán niɛn i klanman'n ti klo i nan `wu i ti. Nán tran lɛ nan ɔ fɛ i nyinma'n laka wɔ.

Ngɔjue Fɛfɛ Kpa'n 1:10

Wɔ asunmanndi man ɔ fuka'm be ti klanman lele tra su. Ɔ kɔmin nyanman man ɔ kɔmin'n ti klanman lele tra su.

Ngɔjue Fɛfɛ Kpa'n 1:15

A ti klanman o, min janvuɛ kpa! A ti klanman dan o! Ɔ nyinma'm be klanman'n ti kɛ auble'm be klanman'n sa.

Ngɔjue Fɛfɛ Kpa'n 3:11

Zerizalɛm talua mun, amun `bla be wa nian famiɛn Salomɔn. Kle nga i nin mɛnnin i'n, kɛ be ´trɛ i soman'n i atɔnvlɛ'n, ɔ wo i ti. Afin cɛn sɔ'n ti i aklunjuɛ cɛn.

Ngɔjue Fɛfɛ Kpa'n 4:10

Min niaan bla, min yi, kɛ n klo wɔ'n ti, kɛ n wun wɔ'n, n jran-an ɔ jran-man kun. Klolɛ bɔ a klo min'n, sɛ ɔ ti nzan'n, wuun n ´se kɛ i fɛ liɛ'n tra ngba. Ɔ parfɛn liɛ'm be bɔn fannin tra nguɛn wafa-wafa'm be kwlaa.

Ngɔjue Fɛfɛ Kpa'n 4:12

Min niaan bla, min yi, a ti kɛ wunmiɛn delɛ lika kun bɔ i wun ti sisiwa'n sa. A ti kɛ nzue ti kun bɔ i wun ti sisiwa'n sa. Yɛ a ti kɛ nzue b'ɔ fin like nun fite, bɔ i anuan'n nun ti towa'n sa.

Ngɔjue Fɛfɛ Kpa'n 6:12

Kpɛkuun, n konvi ɔ'a sɔ wɔ. N wun-man sa nga wlɛ. Ɔ waan sran b'ɔ wo alɛ kakaklolo nun bɔ i konvi ɔ'a sɔ alɛ kɔlɛ'n sa.

Ngɔjue Fɛfɛ Kpa'n 6:5

Nán kpɛ ɔ nyin min wun wa, afin kɛ a nian min sa'n, n jran-an ɔ jran-man. Ɔ timuɛn'n ɔ guagua kɛ boli akpasua wie bɔ be fin Galaad oka'n su be su jra'n sa.

Ngɔjue Fɛfɛ Kpa'n 7:10

Sɛ ɔ́ nuan'n ɔ ti nzan'n, wuun n ´se kɛ man ɔ yo nɛnkɛn-nɛnkɛn kɛ nzan ng'ɔ ti kpa'n sa. Nzan sɔ'n ti min adeba'n i kunngba liɛ. Kɛ e ´lafi'n, nzan sɔ'n ɔ sonji é nuan bui'n su.

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Ezai 62:5

Kɛ gbanflɛn kun yo talua kun i wun'n, i kunngba nin-ɔn, ɔ mma'm be wa kaci kɛ ɔ́ wun sa. Kɛ talua kun i wun yo i wun'n i fɛ'n, ɔ kusu ɔ́ wun wa yo ɔ Nyanmiɛn'n i fɛ.

Ezekiɛl 16:11

N wlali wɔ be sa kɔmin nun nga. N wlali wɔ kɔmin nyanman kɛ n fa ´di wɔ talua.

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Matthieu 12:50

Afin sran ng'ɔ yo n Si b'ɔ o nyanmiɛn su lɔ'n i klun sa'n, i yɛ ɔ ti min niaan bian, nin min niaan bla, ɔ nin min nin nin-ɔn.»

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

1 Korɛntfuɛ Mun 9:5

?Sɛ e ja bla bɔ be ti Kristfuɛ'n nan e fa be kɔ kɛ be bɔ Jésus sunmannin be'n be nin e Min'n i niaan mun nin Sefas be liɛ'n sa'n, ɔ ti-mɛn i su?

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Sa nglô yile 21:2

Yɛ n wunnin Nyanmiɛn klɔ'n, ɔ fin i wun lɔ ɔ su jra. Ɔ ti kɛ atɔnvlɛ bɔ ɔ'a fɛfɛ i wun ɔ su minndɛ i wun'n sa. Klɔ sɔ'n yɛlɛ Zerizalɛm uflɛ'n .