Ngɔjue Fɛfɛ Kpa'n 4:6 - NYANMIƐN NDƐ'N 1998

⁶ Kɛ aliɛ'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be yo tɛnndɛn'n n ´kɔ oka'n bɔ mir o su'n i su lɔ, n ´kɔ kpɔlɛ bɔ ansans o su'n i su lɔ.

Ngɔjue Fɛfɛ Kpa'n 4:6 ပူးပေါင်းရင်းမြစ်များ

Jue Mun 66:15

N ´fa nnɛn nga b'a lo kpa'n be wie n ´yi tɛ nga be yra be nnɛn'n kɔlikɔli'n m ´man wɔ. N ´fa bua nene wie mun nin ansans m ´man wɔ. Yɛ n ´fa nannin nin boli kpakpuɛ wie mun n ´yi tɛ ekun m ´man wɔ.

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezipt Lɔ Tulɛ'n 30:8

Ɔ `yrɛ i nnɔsua kwlakwla blɛ b'ɔ wa sɔ kannin'm bé nuan'n. Nán be yaci ansans sɔ i yralɛ le, ɔ ti min manmanlɛ like.

Ezipt Lɔ Tulɛ'n 37:29

Ansans yifuɛ kun yoli bé ti su gualɛ ngo'n, yɛ ɔ yoli ansans fanninfannin b'ɔ ti Anannganman liɛ'n bɔ be yrɛ i ansans yrawlɛ'n su'n.

Ngɔjue Fɛfɛ Kpa'n 2:17

Kɛ lika'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be ´yo tɛnndɛn'n, min adeba, bla o! Wanndi glaunglaun kɛ wannzannin sa nan bla, wanndi kɛ flete gbanflɛn sa nan bla. Sin oka bɔ be afiɛn'n ti nun'n be su nan bla.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ngɔjue Fɛfɛ Kpa'n 4:14

Nar nin safran, nin lorie fanninfannin'n, nin sinamɔm, nin waka nga be bɔn fɛɛn'n be kwlaa, nin mir, nin aloɛs, ɔ nin waka nga be bɔn klanman tra su'n be o fie sɔ'n nun wie.

Ngɔjue Fɛfɛ Kpa'n 8:14

«Min adeba, wanndi bla. Wanndi glaunglaun kɛ wannzannin wie sa, annzɛ flete gbanflɛn wie sa, wanndi bla oka nga bé su bɔn fɛɛn'n be su wa.»

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

JÉSUS-CHRIST I DYASIN FE'N BO LUC KLELI'N 1:78

Aunnvuɛ dan bɔ e Nyanmiɛn'n si ye'n ti'n, ɔ fin nglo lɔ ɔ wa nian e osu kɛ ɔ ´yo nan kɛ aliɛ'n cɛn bɔ wia'n fite'n ,

2 Piɛr 1:19

Ɔ man e wunnin Nyanmiɛn nuan ijɔfuɛ'm be ndɛ nga be kannin'n i wlɛ kpa. Sɛ an fa amún nyin sie su kpa'n, ɔ ti kpa, afin ɔ ti kɛ kannin b'ɔ kpaja lika tuun wie nun sa lele fa ju aliɛ njɛnniɛn kɔmin su, yɛ awuɛ nzraama'n ɔ ´fite, ɔ ´yi sa'm bé nyin weiin kle amun.

1 Jean 2:8

Sanngɛ ɔ nin i sɔ'n ngba'n, ɔ ti kɛ mmla uflɛ yɛ n su fa man amun sa, yɛ kɛ be wun Krist bɔ be wun amun'n, be wun kɛ mmla sɔ'n ti nanwlɛ. Afin aliɛ'n su cɛn, ɔ'a cɛn weiin bɔbɔ.

Sa nglô yile 22:16

Min Jésus, n sunmannin min anz'n kɛ ɔ wa kan sa sɔ'n kwlaa kle amun asɔnun'm be nun. N fin David osu'n nun, i anunman yɛlɛ min. Min yɛ n ti awuɛ nzraama nin-ɔn .»

Sa nglô yile 5:8

Kɛ Bua Gbanflɛn'n sɔli fluwa nun'n, like nnan bɔ be ti kɛ nnɛn sa'n, be nin kpɛnngbɛn ablaɔn-nin-nnan'n be wa kotoli i bo. Aluku nin sika klowa mun be o be kwlakwla bé sa nun. Ansans o klowa sɔ'm be nun. Ansans'n yɛlɛ yalɛ nga Nyanmiɛn sran'm be koko kle i'n.