Ngɔjue Fɛfɛ Kpa'n 4:2 - NYANMIƐN NDƐ'N 1998

² Ɔ je'm be ti fuaii kɛ bua akpasua wie bɔ be fin be ndrɛ'n kpɛkpɛlɛ'n sa. Be fin nzue nɔnwlɛ lɔ be su ba, be ti nda ngunmin, be ba nnyɔn-nnyɔn. Ɔ lɛ-man kɛ nga yɛ ɔ lɛ-man wiengu-ɔ.

Ngɔjue Fɛfɛ Kpa'n 4:2 ပူးပေါင်းရင်းမြစ်များ

Ezipt Lɔ Tulɛ'n 23:26

Amun mɛn'n nun lɔ'n, be su wun-man bla kun kɛ ɔ'a kpɔ kuɛ annzɛ bla kun b'ɔ ti klun kpanfuɛ-ɔ. N ´yo man amun nguan nyanman'n ´yo tɛnndɛn.

Ngɔjue Fɛfɛ Kpa'n 4:1

A ti klanman o, min janvuɛ kpa! A ti klanman dan o! Kɛ be nian ɔ tannin fɛtɛfɛtɛ ng'ɔ kata ɔ nyrun'n i sin lɔ'n, be wun ɔ nyinma bɔ be klanman'n ti kɛ auble'm be klanman'n sa'n. Ɔ timuɛn'n ɔ guagua ɔ wun kɛ boli bla akpasua wie bɔ be fin Galaad oka'n su be su jra'n sa.

Ngɔjue Fɛfɛ Kpa'n 4:3

Ɔ nuan bui'm be ti kɛ tannin tanmue tiaan ɔkwlɛ wie sa. Ɔ nuan'n ɔ yo nyɛnmɛn. Kɛ be nian ɔ tannin fɛtɛfɛtɛ ng'ɔ kata ɔ nyrun'n i bo lɔ'n, be wun ɔ fuka mun. Be ti mlanmlan ɔ waan grenadie mma yɛ b'a kpaci nun b'a fa utu-utu i lɛ sa.

Ngɔjue Fɛfɛ Kpa'n 6:6

Ɔ je'm be ti fuaii kɛ bua akpasua wie bɔ be fin nzue nɔnwlɛ lɔ be su ba'n sa. Be ti nda ngunmin, be ba nnyɔn-nnyɔn. Ɔ lɛ-man kɛ nga yɛ ɔ lɛ-man wiengu-ɔ.

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.