Ngɔjue Fɛfɛ Kpa'n 4:16 - NYANMIƐN NDƐ'N 1998

¹⁶ Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 4:16 ပူးပေါင်းရင်းမြစ်များ

Akunndanfuɛ'n 1:6

Aunngban'n fita kɔ mɛn'n i ngua lɔ, ɔ fita kɔ nglo lɔ. Ɔ fita, ɔ fita, kpɛkuun ɔ kpɛ i wun, ɔ wa sin i osu kunngba'n nun ekun .

Akunndanfuɛ'n 2:5

N dili n klun klo waka fie mun, n fali waka fanunfanun nga be su mma'n n fa n tali fie sɔ'm be nun.

Ngɔjue Fɛfɛ Kpa'n 1:13

Min anwlɛn su sran'n, ɔ ti kɛ mir fanninfannin sa, ɔ la min nyɔnflɛn'm be afiɛn nun.

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ngɔjue Fɛfɛ Kpa'n 2:8

N ti min adeba'n i nɛn'n. I yɛ ɔ ´ba lɔ-ɔ! Ɔ tu tra oka nin kpɔlɛ mun yɛ ɔ ba-a.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 8:12

Min vinyi liɛ'n, m bɔbɔ yɛ n nian su-ɔ. Salomɔn, fa ɔ sika jɛtɛ ufue akpi'n, bɔ i nun ya nnyɔn ti vinyi su nianfuɛ'm be liɛ'n.

Ezai 64:1

Sɛ a su jra wa'n, wuun a ´yo kɛ sin b'ɔ yra waka kee annzɛ b'ɔ yo man nzue'n ɔ tu'n sa. Sɛ a su jra wa'n, wuun a ´yi ɔ dunman'n i nglo kle ɔ kpɔfuɛ mun, wuun nvle-nvle'm be nunfuɛ'm be ´usu ɔ nyrun

Ezekiɛl 37:9

Ɔ seli min kɛ: «Klɔ sran, kan mín nuan ndɛ'n kle Wawɛ'n, kan mín nuan ndɛ'n. Se Wawɛ'n kɛ, ndɛ nga Anannganman Nyanmiɛn kan'n yɛ: ‹Wawɛ, bla aunngban bue nnan'm be nun nan fita fuɛn nga'm be su, man be nyan nguan ekun.› »

Matthieu 26:10

Jésus wunnin be akunndan'n nan ɔ'a se be kɛ: «?Nguɛ ti yɛ an fita bla'n i anwlɛn sɔ-ɔ? Like ng'ɔ yo mannin min'n ti kpa.

Matthieu 26:12

Parfɛn sɔ'n b'ɔ fa guali min wun'n, ɔ ti kɛ min nziɛ li yɛ ɔ'a sie i lɛ-ɔ.

Jean 3:8

Aunngban'n fita kan ɔ klo'n, a ti i ngan, sanngɛ a si-mɛn i finwlɛ nin i kɔwlɛ. Sran kwlaa nga Nyanmiɛn Wawɛ'n wu i'n, kɛ ɔ ti sɔ-ɔ.

Jean 5:8

Jésus seli i kɛ: «Jao fa ɔ bɛ'n nan nanti.»

Sa nga bé yôli'n 4:31

Kɛ be kan ndɛ sɔ'n kle Nyanmiɛn wieli'n, lika nga be yiali nun'n kejeli, yɛ Nyanmiɛn Wawɛ'n yili i wun nglo be kwlaa be nun, nan b'a kan Nyanmiɛn ndɛ'n yakpa su.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 15:28

Like nga ti yɛ be sunmannin min'n, sɛ n wie i yo bɔ n wun kɛ b'a fa sika sɔ'n b'a wla bé sa nun'n, n ´ko Ɛspanyi. Kɛ n ´kɔ'n, m ´bo nun amun wun lɔ.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!