Ngɔjue Fɛfɛ Kpa'n 4:11 - NYANMIƐN NDƐ'N 1998

¹¹ Min yi, ɔ nuan bui'm be su ti nɛnkɛn-nɛnkɛn kɛ awɛma nzue sa. Ɔ taaman'n i bo ti awɛma nzue nin nɔnnɔn ngunmin. Ɔ tralɛ'm be bɔn klanman kɛ Liban waka mun sa.

Ngɔjue Fɛfɛ Kpa'n 4:11 ပူးပေါင်းရင်းမြစ်များ

Bo Bolɛ 27:27

Yɛ Zakɔb wunngeli lɔ yɛ ɔ tɔli i nun-ɔn. Izaak tili i tralɛ'n i bɔnlɛ'n nan ɔ'a yrɛ i nguan ɔ'a se kɛ: «Ee! Mín wa'n i wun bɔn klanman kɛ fie wie bɔ Anannganman man ɔ'a yo ye'n sa.»

Jue Mun 19:10

Be nyin b'ɔ yi Anannganman'n ɔ ti like kpa. Ɔ sin-man le. Anannganman i jɔlɛ ng'ɔ di be'n, be ti i su. Ɔ lɛ-man kun b'ɔ ti-man nanwlɛ-ɔ.

Jue Mun 45:8

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ man Nyanmiɛn b'ɔ ti ɔ Nyanmiɛn'n ɔ fali wɔ b'ɔ guali ɔ su be klun jɔlɛ ngo nin-ɔn. Ɔ yacili ɔ wiengu'm be lɛ ɔ fali wɔ .

Jue Mun 92:13

Sran nga Nyanmiɛn bu be sran kpa'n, be nyin flololo kɛ mme'n sa, be trɛ kɛ Liban lɔ sɛdri waka'n sa.

Nyanndra Mun 16:24

Klolɛ ndɛ'n ti kɛ awɛma nzue sa, ɔ ti nɛnkɛn-nɛnkɛn, yɛ ɔ yo be wunnɛn'n i juejue.

Nyanndra Mun 5:2

I liɛ'n akunndan nga m man wɔ'n ɔ ´ka ɔ́ ti'n nun, yɛ a ´si ijɔ.

Nyanndra Mun 5:3

Bian kunndɛfuɛ'm bé nuan nun ndɛ'n yo fɛ kpa. Ɔ ti nɛnkɛn-nɛnkɛn, awɛma nzue bɔbɔ fɛ i wun wɔ. Ɔ ti mlɛn-mlɛn kɛ ngo b'ɔ yo fɛ'n sa .

Ngɔjue Fɛfɛ Kpa'n 4:10

Min niaan bla, min yi, kɛ n klo wɔ'n ti, kɛ n wun wɔ'n, n jran-an ɔ jran-man kun. Klolɛ bɔ a klo min'n, sɛ ɔ ti nzan'n, wuun n ´se kɛ i fɛ liɛ'n tra ngba. Ɔ parfɛn liɛ'm be bɔn fannin tra nguɛn wafa-wafa'm be kwlaa.

Ngɔjue Fɛfɛ Kpa'n 4:3

Ɔ nuan bui'm be ti kɛ tannin tanmue tiaan ɔkwlɛ wie sa. Ɔ nuan'n ɔ yo nyɛnmɛn. Kɛ be nian ɔ tannin fɛtɛfɛtɛ ng'ɔ kata ɔ nyrun'n i bo lɔ'n, be wun ɔ fuka mun. Be ti mlanmlan ɔ waan grenadie mma yɛ b'a kpaci nun b'a fa utu-utu i lɛ sa.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 5:13

A wun i fuka mun-ɔn, ɔ waan b'a kpɛ lika wie nan b'a ta nun nnya-nnya nin ijre fannin fannin sa. I fuka'm be ti fuaii mlanmlan kɛ lis sa. Be su'n ti mir ngunmin.

Ngɔjue Fɛfɛ Kpa'n 7:9

I ti min waan n ´fu mme'n su nan n ´ko trɛ i otre'n sa kplo. Man ɔ nyɔnflɛn'n yo kɛ vinyi mma'n i sɔsɔwa'n sa. Man ɔ bue buɛ'm be nun bɔn fɛɛn kɛ pɔmun fanninfannin sa.

Ezai 7:15

Ɔ ´nɔn nɔnnɔn nin awɛma nzue lele san ɔ ´si like ng'ɔ ti-man kpa'n nin ng'ɔ ti kpa'n be ngbaciɛ.

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .