Ngɔjue Fɛfɛ Kpa'n 3:6 - NYANMIƐN NDƐ'N 1998

⁶ ?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ngɔjue Fɛfɛ Kpa'n 3:6 ပူးပေါင်းရင်းမြစ်များ

Ezipt Lɔ Tulɛ'n 30:34

Anannganman seli Moiz ekun kɛ: «Fa waka nzue bɔ be bɔn fannin bɔ be o yɛ mun: storaks, oniks, ɔ nin galbanɔm. Gua be nun ansans kpakpa man ɔ nin like klikli liɛ sɔ mun sɛ sɛsɛsɛ.

Nyanndra Mun 7:17

M'an fa lɛngɛ fiɛ, nin lawlɛ fiɛ nin suɛ bo m'an yo lɔ fanninfannin saa.

Ngɔjue Fɛfɛ Kpa'n 1:13

Min anwlɛn su sran'n, ɔ ti kɛ mir fanninfannin sa, ɔ la min nyɔnflɛn'm be afiɛn nun.

Ngɔjue Fɛfɛ Kpa'n 1:3

Sɛ ɔ ti nyanngo bɔ be kpakpa'n, wuun n ´se kɛ ɔ bɔn fannin dan. Ɔ bɔbɔ wunmuan'n a ti kɛ nyanngo fannin sa. Sɛ talua'm be klo wɔ'n, kannzu nán ngbɛn-ɔn!

Ngɔjue Fɛfɛ Kpa'n 3:7

Famiɛn Salomɔn i bɛ'n yɛ ɔ ba-a. Izraɛl sonja kpakpa ablesiɛn be bo sin yia famiɛn Salomɔn. Sonja sɔ'm be ti waka-waka kpa.

Ngɔjue Fɛfɛ Kpa'n 4:6

Kɛ aliɛ'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be yo tɛnndɛn'n n ´kɔ oka'n bɔ mir o su'n i su lɔ, n ´kɔ kpɔlɛ bɔ ansans o su'n i su lɔ.

Ngɔjue Fɛfɛ Kpa'n 5:13

A wun i fuka mun-ɔn, ɔ waan b'a kpɛ lika wie nan b'a ta nun nnya-nnya nin ijre fannin fannin sa. I fuka'm be ti fuaii mlanmlan kɛ lis sa. Be su'n ti mir ngunmin.

Ngɔjue Fɛfɛ Kpa'n 5:5

Yɛ kle, yɛ n ´jaso n ´ko tike min adeba'n i anuan-an. Min sa nun'n ti mir ngunmin. Kɛ n ´ko tra anuan'n i like bɔ be fa tike'n, mir'n b'ɔ sonji-sonji min sama'm be su'n, ɔ kali su.

Ngɔjue Fɛfɛ Kpa'n 8:5

?Nan bla onin yɛ ɔ fin aawlɛ flɛnnɛn'n nun lɔ ba b'ɔ kisɛ i adeba'n su nin-ɔn? N tinngeli wɔ pɔmun waka'n bo lɛ kan ɔ́ nin wunnzɛli wɔ lɛ'n. N tinngeli wɔ kan ɔ wuli wɔ'n lɛ'n, kan a wunnin wia'n i wun lɛ'n.

Ezai 43:19

Amun `nian, n wa yo sa uflɛ kun, be su wun i bue nuan bɔbɔ. ?Amun su ´wun-mɛn i wlɛ? N wa tike atin kun aawlɛ flɛnnɛn'n nun, yɛ n wa yo man nzue ba'm be ´sonji asiɛ kee'n nun.

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 31:2

Anannganman'n wan yoo: «Sran nga be fin alɛ'n nun fiteli bɔ be wo aawlɛ flɛnnɛn'n nun lɔ'n, n yoli be ye. Ɔ man Izraɛl wa di alaje.»

Ndɛ Nga Nyanmiɛn I Nuan Ijɔfuɛ Oze Kannin'n 9:10

Anannganman'n waan: «Laa Izraɛl ti min nyrun kɛ aawlɛ flɛnnɛn wie nun vinyi mma sa. Kɛ n niannin amun nannan mun'n, n wunnin kɛ be like bɔ be fɛli i'n blɛ sɔ nun'n, yɛlɛ figie mma klikli nga be nyɛn i figie'n su'n. Sanngɛ be Baal-Pɛɔr lɔ julɛ yɛ, bé wun Baal b'ɔ ti nyannzuɛn like'n i sa nun fa wlalɛ yɛ. Be fali bé wun wlali amuɛn sɔ'n i sa nun, ɔ man be bɔbɔ be kacili tete like kɛ be soman uflɛ sɔ'n sa.

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .

Sa nglô yile 12:6

Bla sɔ'n wanndi ɔli aawlɛ flɛnnɛn nun lɔ. Nyanmiɛn mɛnnin i tranwlɛ kun lɔ kɛ be mɛn i like diwa lɔ cɛn ba akpi kun cɛn ba ya nnyɔn cɛn ba ablesiɛn (1.260).

Sa nglô yile 18:13

ayre fannin bɔ be fa gua be like diwa nun'n, parfɛn, mir, ansans, nzan, ngo, ble sanmlɛn mlɛnnɛnnɛn kpa, ble, nannin mun, bua mun, nnɛn kpanngɔ mun, kakaklolo bɔ be lɛ ja nnan'n, nin kanga mun .

Sa nglô yile 5:8

Kɛ Bua Gbanflɛn'n sɔli fluwa nun'n, like nnan bɔ be ti kɛ nnɛn sa'n, be nin kpɛnngbɛn ablaɔn-nin-nnan'n be wa kotoli i bo. Aluku nin sika klowa mun be o be kwlakwla bé sa nun. Ansans o klowa sɔ'm be nun. Ansans'n yɛlɛ yalɛ nga Nyanmiɛn sran'm be koko kle i'n.