Ngɔjue Fɛfɛ Kpa'n 3:1 - NYANMIƐN NDƐ'N 1998

¹ Kɔnguɛ'n, lafilɛ nun'n n kunndɛli n sran'n bɔ n klo i'n. N kunndɛli i lele ngbɛn.

Ngɔjue Fɛfɛ Kpa'n 3:1 ပူးပေါင်းရင်းမြစ်များ

Jue Mun 22:2

Min Nyanmiɛn! Min Nyanmiɛn! ?Nguɛ ti yɛ a kaci ɔ sin si min-ɔn? ?Nguɛ ti yɛ a nin min ye afiɛn'n su ti nun bɔ a de-man min-ɔn? Kokolɛ'n ɔ'a kun min kpo. ?Nguɛ ti yɛ n flɛ wɔ bɔ a tɛ-man n su-ɔ ?

Jue Mun 4:4

Man amun si kɛ Anannganman fali min, afin min nyin yi i. Kɛ n flɛ i'n, ɔ ti.

Jue Mun 6:6

Kɛ sran'n ko wu'n, i wla kpɛn-man wɔ su kun. ?Blɔlɔ lɔfuɛ onin cɛ yɛ ɔ manman wɔ-ɔ?

Ngɔjue Fɛfɛ Kpa'n 1:7

N wan yoo, wɔ bɔ a ti min anwlɛn su sran'n, n waan n usa kɛ: «?Ninfan li yɛ a kankan ɔ bua mun kɔ didilɛ-ɔ? ?Kɛ wia'n sie be ti afiɛn'n, ninfan yɛ a nin be ko de wunmiɛn-ɔn?» Kan kle min, ɔ'a yo-man sɔ-ɔ, kan ɔ janvuɛ'm be bua liɛ'm be o lɛ'n, lɛ yɛ n ´wlan daan sa ngbɛn-ɔn.

Ngɔjue Fɛfɛ Kpa'n 5:6

Yɛ n tikeli min adeba'n i anuan-an. Kannzu ɔ'a sɛ i sin ɔ'a ɔ. Kɛ ɔ ´flɛ min lɛ'n, m'an wun-man nun kpa. Yɛ n ´wanndi n ´su i su-ɔ. N kunndɛli i lele nán wunlɛ yɛ n ko wun i-ɔ. N flɛli i lele m'an ti-mɛn i ngan.

Ngɔjue Fɛfɛ Kpa'n 5:8

Ee! Zerizalɛm talua mun, ?Sɛ amun wun min adeba'n, amun ´se i sɛ? N ´srɛ amun kpa ti-ɔ, amun `se i kɛ m'an wu i ti kpo i klolɛ'n dunman nun.

Ezai 26:9

Kɔnguɛ'n, n konvi sɔ wɔ, n kunndɛ kɛ n ´fa min wun mantan wɔ sakpa. Kɛ a tu asiɛ'n sufuɛ'm be fɔ'n, kpɛkuun be su kpɛ mmla'n i su falɛ'n i sin atin.

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

JÉSUS-CHRIST I DYASIN FE'N BO LUC KLELI'N 13:24

«An `mian amún nyin an `sin anuan fii'n nun. Afin an `nian, sran kpanngban be klo kɛ be ´sin nun, sanngɛ be su kwla sin-man.

Jean 11:29

Kɛ Mari tili i sɔ'n, ɔ jao waka ɔli Jésus wun lɔ.

Jean 21:17

Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.