Ngɔjue Fɛfɛ Kpa'n 2:9 - NYANMIƐN NDƐ'N 1998

⁹ A wun i sa-a, ɔ waan flete-ɔ, a wun i sa-a, ɔ waan wannzannin gbanflɛn-ɔn. I yɛ ɔ jin e talɛ'n sin yɛ, ɔ wlɛwlɛ i ti'n fenɛtri'n nun, ɔ o fenɛtri'n i griazi sin lɔ ɔ nian wa.

Ngɔjue Fɛfɛ Kpa'n 2:9 ပူးပေါင်းရင်းမြစ်များ

2 Samiɛl 2:18

Zɛriza i wa nsan mun, Zoab nin Abisai nin Azaɛl be o lɛ wie. Azaɛl kwla wanndi kpa kɛ wannzannin sa.

Nyanndra Mun 5:19

Ɔ yi ti klanman ngboko, a wun i sa-a, ɔ waan flete talua wie-ɔ . Man i wunnɛn ba sa'n ɔ jɔ ɔ klun titi. Man i klolɛ'n ti ɔ klun jɔ titi.

Nyanndra Mun 6:5

Flo ndɛ sɔ'n nun kɛ wannzannin wie yɛ ɔ'a flo koniɛnfuɛ wie sa nun sa. Flo nun kɛ anunman wie yɛ ɔ'a flo koniɛnfuɛ wie sa bo sa.

Nyanndra Mun 7:6

Le kun n jin min fenɛtri'n nun lɛ mín nyin ta gua su lɔ.

Ngɔjue Fɛfɛ Kpa'n 1:16

A ti klanman o, min janvuɛ kpa! A ti klanman dan o! E bɛ'n ti ijre mɔnnɛn nin waka nnya.

Ngɔjue Fɛfɛ Kpa'n 2:17

Kɛ lika'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be ´yo tɛnndɛn'n, min adeba, bla o! Wanndi glaunglaun kɛ wannzannin sa nan bla, wanndi kɛ flete gbanflɛn sa nan bla. Sin oka bɔ be afiɛn'n ti nun'n be su nan bla.

Ngɔjue Fɛfɛ Kpa'n 2:7

Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga kle amun-ɔn.

Ngɔjue Fɛfɛ Kpa'n 3:5

Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, wuun n ´se kɛ nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga n kle amun-ɔn.

Ngɔjue Fɛfɛ Kpa'n 8:14

«Min adeba, wanndi bla. Wanndi glaunglaun kɛ wannzannin wie sa, annzɛ flete gbanflɛn wie sa, wanndi bla oka nga bé su bɔn fɛɛn'n be su wa.»

JÉSUS-CHRIST I DYASIN FE'N BO LUC KLELI'N 24:35

Yɛ be nnyɔn'n be kusu be kannin sa nga be wunnin i atin nun lɔ'n kleli be. Kɛ ɔ ´bubu kpaun nun bɔ be wunnin i wlɛ'n, be kan kleli be ekun.

Jean 12:41

Ezai kannin sɔ yɛlɛ kɛ ɔ wunnin nyrun nga Jésus lɛ'n, kɛ ɔ wunnin i sɔ'n yɛ man ɔ kannin Jésus i ndɛ nin-ɔn .

Jean 5:39

An suan Nyanmiɛn Ndɛ nga be klɛli'n, afin an bu kɛ i nun yɛ amun ´nyan Anannganman nguan nin-ɔn, yɛ ndɛ sɔ'm be kan min ndɛ.

Jean 5:46

Sɛ an lafi Moiz su sakpa'n, wuun amun ´lafi n su wie, afin min ndɛ yɛ ɔ klɛli-ɔ.

1 Korɛntfuɛ Mun 13:12

Blɛ nga e o nun yɛ'n, e wun sa'm be kɛ e nyrun bɔ e niɛn kpongbo nglannglan nun'n sa, sanngɛ kɛ cɛn sɔ'n ko ju'n, e ´wun be wlɛ weiin. Blɛ nga e o nun yɛ'n, n wun-man sa ngba wlɛ, sanngɛ kɛ cɛn sɔ'n ko ju'n, n ´wun i ngba wlɛ kpa kɛ Nyanmiɛn kusu si min kpa'n sa.

Kolɔsfuɛ Mun 2:17

Like sɔ'n kwlaa ti like nga be wa ba'n be wawɛ, i kpafuɛ'n yɛlɛ Krist.

Hébreu 10:1

Afin mmla'n ti kɛ like kpakpa nga be ´ba'n be wawɛ sa, ɔ kle-man be wafa kpa'n. I sɔ'n ti yɛ kɛ be fa su bɔ be sɔ Nyanmiɛn i wafa kunngba afuɛ nuan kwlaa'n, ɔ kwla yo-man man be nga be fa bé wun mantan Nyanmiɛn sɔ'n be yo-man sran kpa mlɔnmlɔn nin-ɔn.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»

Jɔlɛ Difuɛ Mun 5:28

Sizɛra i nin'n wo i fenɛtri nun. Ɔ jin fenɛtri i griazi i sin yɛ ɔ nian-an. I waan: ‹Min wan yo! ?Ɔ yo sɛ ti yɛ i kakaklolo'n ɔ'a cɛ sa-a? ?Ɔ yo sɛ ti yɛ ndɛ i kakaklolo'm be nanti blɛblɛ sɔ-ɔ?›