Ngɔjue Fɛfɛ Kpa'n 2:7 - NYANMIƐN NDƐ'N 1998

⁷ Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga kle amun-ɔn.

Ngɔjue Fɛfɛ Kpa'n 2:7 ပူးပေါင်းရင်းမြစ်များ

Bo Bolɛ 49:21

Nɛftali ti kɛ flete kun b'ɔ ti i tiaun tilɛ'n sa. I wa ng'ɔ wu be'n be ti nglanman.

Jue Mun 18:33

I yɛ ɔ man min fanngan-an. I yɛ man atin nga n fa su'n, ɔ yo kpa man min-ɔn.

Nyanndra Mun 5:19

Ɔ yi ti klanman ngboko, a wun i sa-a, ɔ waan flete talua wie-ɔ . Man i wunnɛn ba sa'n ɔ jɔ ɔ klun titi. Man i klolɛ'n ti ɔ klun jɔ titi.

Nyanndra Mun 6:5

Flo ndɛ sɔ'n nun kɛ wannzannin wie yɛ ɔ'a flo koniɛnfuɛ wie sa nun sa. Flo nun kɛ anunman wie yɛ ɔ'a flo koniɛnfuɛ wie sa bo sa.

Ngɔjue Fɛfɛ Kpa'n 1:5

Zerizalɛm talua mun, min wunnɛn'n ɔ dun, sanngɛ nanwlɛ n ti klanman kɛ Kedarfuɛ'm bé tannin sua'm be sa, n ti kɛ famiɛn i sua'n i rido nglanman'm be sa.

Ngɔjue Fɛfɛ Kpa'n 2:17

Kɛ lika'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be ´yo tɛnndɛn'n, min adeba, bla o! Wanndi glaunglaun kɛ wannzannin sa nan bla, wanndi kɛ flete gbanflɛn sa nan bla. Sin oka bɔ be afiɛn'n ti nun'n be su nan bla.

Ngɔjue Fɛfɛ Kpa'n 2:9

A wun i sa-a, ɔ waan flete-ɔ, a wun i sa-a, ɔ waan wannzannin gbanflɛn-ɔn. I yɛ ɔ jin e talɛ'n sin yɛ, ɔ wlɛwlɛ i ti'n fenɛtri'n nun, ɔ o fenɛtri'n i griazi sin lɔ ɔ nian wa.

Ngɔjue Fɛfɛ Kpa'n 3:5

Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, wuun n ´se kɛ nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga n kle amun-ɔn.

Ngɔjue Fɛfɛ Kpa'n 5:16

I nuan bui'n ti sa lɛkɛlɛkɛlɛkɛ. Nanwlɛ ɔ ti sran klanman sakpa o! Zerizalɛm talua mun, min adeba'n i wafa b'ɔ ti'n yɛ ɔ o lɛ-ɔ. Kɛ n janvuɛ'n fa ti'n yɛ ɔ o lɛ-ɔ .

Ngɔjue Fɛfɛ Kpa'n 8:14

«Min adeba, wanndi bla. Wanndi glaunglaun kɛ wannzannin wie sa, annzɛ flete gbanflɛn wie sa, wanndi bla oka nga bé su bɔn fɛɛn'n be su wa.»

Ngɔjue Fɛfɛ Kpa'n 8:4

Zerizalɛm talua mun, n ´srɛ amun kpa ti-ɔ, nán amun tinnge klolɛ'n. Sɛ klolɛ'n ti sran'n, wuun n ´se kɛ nán an tinnge i ka nan i jasolɛ dɔ'n ɔ'a ju.

Abakik 3:19

Anannganman Nyanmiɛn'n ti min wunmiɛn manfuɛ, ɔ yo man mín wun kpɛ kɛ álua mun sa, ɔ yo man n nanti oka fleinflein'm be su .

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»