Ngɔjue Fɛfɛ Kpa'n 2:3 - NYANMIƐN NDƐ'N 1998

³ Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ngɔjue Fɛfɛ Kpa'n 2:3 ပူးပေါင်းရင်းမြစ်များ

Jue Mun 45:2

Ndɛ fɛfɛ kpa'n be kpɛn mín klun kɛ n `kpɛ jue nga m man famiɛn'n. N klo kɛ n ´kɛn i fɛfɛ kpa nan ɔ yo klanman kɛ be bɔ be si fluwa klɛ kpa'n be liɛ'n sa.

Jue Mun 45:3

Ɔ klanman liɛ'n tra sran'm be kwlaa be liɛ'n. A si ijɔ man o yo klanman. Nyanmiɛn'n man ɔ ninnge'm be yoli ye, be yo sɔ tititi.

Jue Mun 57:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ . I waan:

Jue Mun 89:6

Anannganman, anz'm be bo flɛ wɔ abonuan sa bɔ a yo be'n ti. Be nga be ti ɔ liɛ'n be anyia nun'n, be yi wɔ ayɛ ɔ nanwlɛ bɔ a di i titi'n ti.

Jue Mun 91:1

Sran ng'ɔ ko fia Nyanmiɛn bɔ like fi nun-mɛn i sin'n i sin'n, wuun ɔ'a tran Nyanmiɛn b'ɔ kwla like kwlaa yo'n i fɔnvɔ'n nun.

Ngɔjue Fɛfɛ Kpa'n 1:16

A ti klanman o, min janvuɛ kpa! A ti klanman dan o! E bɛ'n ti ijre mɔnnɛn nin waka nnya.

Ngɔjue Fɛfɛ Kpa'n 2:5

Klolɛ'n i dunman nun ti m'an yo kɛ sran bɔ i wun sanndi-mɛn i sa. Be `fa vinyi mma gato be man min man n di nan n `nyan wunmiɛn. Be `man min pɔmun mma man n di nan mín nyin su klo.

Ngɔjue Fɛfɛ Kpa'n 4:13

A ti nɔnman-nɔnman kɛ grenadie bɔ be nyin klanman fie'n nun, bɔ be mma'm be ti nɛnkɛn-nɛnkɛn kpa'n sa. Ene nin nar waka'm be fifi fie sɔ'n nun wie.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 5:16

I nuan bui'n ti sa lɛkɛlɛkɛlɛkɛ. Nanwlɛ ɔ ti sran klanman sakpa o! Zerizalɛm talua mun, min adeba'n i wafa b'ɔ ti'n yɛ ɔ o lɛ-ɔ. Kɛ n janvuɛ'n fa ti'n yɛ ɔ o lɛ-ɔ .

Ngɔjue Fɛfɛ Kpa'n 7:13

E `wɔ vinyi fie'n nun lɔ nglɛmun ndɛ kpa'n. E `ko nian sɛ vinyi'm b'a bo nnyrɛ o, sɛ be nyrɛ'm b'a kpuke o, sɛ grenadie'm b'a bo nyrɛ o. Sɛ e ju lɔ'n, n ´fa min wun m man wɔ.

Ngɔjue Fɛfɛ Kpa'n 8:11

Salomɔn lɛ i vinyi fie kun Baal-Amɔn lɔ. Ɔ fa mannin sran wie mun kɛ be nian su. Be nga be klo kɛ be ´ti fie sɔ'n, i nun vinyi'n bé su mma'n wie'n Salomɔn man be yi jɛtɛ ufue mma akpi.

Ngɔjue Fɛfɛ Kpa'n 8:12

Min vinyi liɛ'n, m bɔbɔ yɛ n nian su-ɔ. Salomɔn, fa ɔ sika jɛtɛ ufue akpi'n, bɔ i nun ya nnyɔn ti vinyi su nianfuɛ'm be liɛ'n.

Ngɔjue Fɛfɛ Kpa'n 8:5

?Nan bla onin yɛ ɔ fin aawlɛ flɛnnɛn'n nun lɔ ba b'ɔ kisɛ i adeba'n su nin-ɔn? N tinngeli wɔ pɔmun waka'n bo lɛ kan ɔ́ nin wunnzɛli wɔ lɛ'n. N tinngeli wɔ kan ɔ wuli wɔ'n lɛ'n, kan a wunnin wia'n i wun lɛ'n.

Ezai 25:4

Afin a sasali be nga be lɛ-man wunmiɛn'n, a sasali yalɛfuɛ bɔ be o nyrɛnnɛn nun'n. A yoli kɛ lika bɔ be kata su'n, bɔ kɛ nzue'n ɔ tɔ dan'n, be fiɛ i bo'n sa. A yoli kɛ fɔnvɔ bɔ kɛ wia'n ɔ bo'n be trɛn i bo'n sa. Afin be nga be sie sran mun, bɔ be tin be su'n, be ya bɔ be fa'n ɔ ti kɛ nzue dan b'ɔ tɔ fin talɛ kun'n sa.

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Ezai 4:2

Cɛn kun'n, mma nga Anannganman luali'n ɔ ´yo nyɛnmɛn. Ɔ ´yo anyrunnyan like. Mma sɔ'n ɔ ´fifi. Ɔ ´yo Izraɛlfuɛ nga be ka'n be liɛ. Ɔ man be ´nyan kɔmin. Yɛ be ´fa di be nuan .

Ezai 4:6

ɔ ´yo kɛ lika bɔ b'a kata su bɔ kɛ wia'n ɔ ´bo'n ɔ ti fɔnvɔ, kpɛkuun kɛ aunngban'n ´fita bɔ nzue'n ´tɔ'n i kunngba'n ti fiawlɛ'n sa.

Ezekiɛl 47:12

Nzue'n i bue nnyɔn'm be su'n, waka nga be su mma'm be ´fifi. Be nnya'n su wu-man kee le, yɛ be mma su wie-man su le. Anglo kwlaa nun be ´su mma uflɛ yɛlɛ kɛ bé bo nzue'n ɔ fin Nyanmiɛn lika'n nun. Yɛ i mma'm be ´kaci aliɛ, yɛ i nnya'm be ´kaci ayre .»

Zoɛl 1:12

Vinyi'm b'a wu kee, figie'm b'a glɔ. I grenadie o, i nglesia o, i pɔmun waka o, i sɔ waka liɛ'n kwlaa bɔ be tali be'n, be kwlaa b'a kpese kpan. Ɔ man aklunjuɛ nun-man klɔ sran'm bé sa nun kun.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Jɔlɛ Difuɛ Mun 9:15

Yɛ susrɛ seli be kɛ: ‹Sɛ sakpa yɛ amun klo kɛ amun ´kpa min kɛ n yo amun famiɛn'n, amun `bla be wa fia min fɔnvɔ'n bo. Sɛ ɔ'a yo-man sɔ-ɔ, man sin fite owie'n nun yra Liban waka dandan mun.»›